Stitching @ Matthis’ Room
老實說…小嘉和上進都好懶
到呢家…屋企都係亂糟糟的
感恩…如無意外
工人姐姐這個星期尾或下星期頭就會嚟到
所以呢家更加疊埋心水
等姐姐嚟到先大清潔!!!!
平時…放假在家
又無執屋…小嘉做咩…
咪就係食,瞓同繡嘢囉!!!
呢家努力繡繋一幅放係阿B房既可愛圖!!!
大約繡咗1個月
如果繼續努力…應該生之前可以完成
但…其實仲有好多阿B房裝飾都未繡…
小嘉諗….生完小B
起碼都要一段時間等小B作息時間穏定
小嘉先可以有少少時間少少少少咁繡~ 呢幅圖係無咩難度既作品,但放係小朋友房感覺好match,夠colorful圖案又唔太complicated, good!!!
Crazy Shopping @ Nothing
上星期五係Sogo Thankful
Week既第一日
放咗工同埋上進打算去睇睇有無D阿B衫啱
因為計過數
阿B既夾衣都仲差幾件
去到…人多到呢!!
真係好想掉返轉頭走
小嘉唯有落力用手護肚
首先…去到….先睇…上進既衫
唉…足足陪上進生行行企企成個鐘
因為上進係好認真shopping既人
唔會亂咁買
於是…去到唔知咩牌子睇裇衫
睇咗幾個字…唔錯…都打算買
但都要再睇多幾間先
仲睇中一條皮帶…都係再比較吓先
然後上進生去到Kelvin
Calvin
睇中一套淺色西裝,價錢都OK折咗都係二千幾
點知…天生model身形(上進自稱)
實質係手長腳長過人既上進(所以基本上係日本公司好難買到衫)
佢個人又瘦喎
試啱個身位就袖短
試啱個袖長就身濶…
好啦!!人地個度有得改都OK
點知…同size既西裝一定配返同size既西褲
袖短既條褲fit到漏
袖長啱size又輪到褲頭鬆到無朋友
但如果改…真係成條褲都要改咁濟
於是…唯有死死氣放棄>~<
咁就差唔多用咗成半個鐘…
(不過…都見另外一pair又係個老公西裝啱條褲唔啱而唔要)
之後繼續係男裝個層轉…
去到Brooks and
Brother
D裇衫幾抵,$390一件
上進話佢D老細或者senior D既同事
多數著呢個牌子…
諗住入返件…但…真係買唔落手
實在太老氣喇!!!都唔襯上進年紀
佢呢個年紀D同事都係著Kelvin Calvin (可惜有人手太長買唔到=.=)
然後又去埋hugo boss見到有條皮帶幾型喎!!!
$1200…不過無discount
佢條帶就好一般係個扣型
最後…都係去返第一間買…咗一條皮帶
因為…試過D裇衫…又係佢專有model身形
袖夠長既就成件太濶,個身fit就吊袖=.=”
上進話…睇嚟佢都係要訂造返套西裝同幾件裇衫
點解最後揀咗呢間既皮帶呢
因為一來條帶有少少紋靚D
二來…原價二千幾三千
呢家$1390喎!!!感覺抵過hugo boss好多
(無錯…上進其中一個原因係咁=.=)
而…其他收穫呢…
小B係…..零架!!!!!!!!!!!
明明係為咗小B去…最後上進仲買多條Levi’s牛記
點解會咁架!!!!!??????
因為…BB層真係無咩衫好睇
Chickee
duckee個件禮服仔
小嘉覺得一般(本來諗住買嚟去豬咪結婚著)
Hallmark
babies只係得一車仔衫有discount
無件啱
N&B多數都係一歲以上既衫又人多
都無心機去睇
(不過有朋友送$900cash
cupon,等阿B出咗世先再去睇有無飲衫買!!)
所以小嘉行到有D憫
(上進都知衰…因為最後好似只係陪佢買嘢咁..係BB個層留咗唔夠半個鐘>~<)
本來仲諗住遲幾日再同朋友仔去sogo…呢家慳返~
P.S.最後都係去咗千色mides買多套兩用袍...等聖誔再睇吓有無D靚靚夾衣特價先再買多一兩件~
Crazy Shopping @ Playing Mat
一早已經心儀Dwinguler既mat
因為以斯帖朋友仔都話好
同埋見網上comment都好正面
而且又方便一塊過
要清潔要抹都唔困難
之前上網香港賣親嚟嚟去去都係個幾款
點知前排見到BK有新款
仲有特價添…不過其實都比其他款都係貴咗百幾二百蚊
但個款都唔錯所以都OK
不過呢個款暫時只係得L
Size
個日同朋友仔上BK間舖睇
原來…L size比想像中大D喎!!
但佢又無M size
所以都照買啦
原先諗住可以間中放吓係BB房
但呢家應該放唔到
所以都係長期放係地下房(個度睇怕都會變成Matthis’
Game Room喇)
不過都好…可以長攤係度
唔係成日開開捲捲咁
個盒到呢家都未拆…因為都真係幾重吓,地下又未拖過,等清潔乾淨先!
呢個新款就係Fairy
Tale Land,見佢個圖案都OK,同埋背面係英文字都幾好~
同場加映…
因為要買滿$2000先有得送貨
於是…就買咗…. 牙膠…呢個遲早要買,阿B出形發牙痕窒落佢個口!!! 呢個想買好耐,之前BB展無貨,還掂要湊夠$2000,價錢唔差得遠,買埋!!
Crazy Shopping @ Mini Washer
開始收成既時候
(咁講真係有D搞笑)
其實係陸續開始收貨喇!!!
今個月尾會有Car
seat
下個月就會有乾棉同濕棉
咁就七七八八喇!!!
呢部洗衣機其實都係上星期先訂
實在呢家開始洗阿B衫
但…因為只有星期六日先有時間洗
(因為想早D洗,可以多D陽光晒吓)
(但又唔想D衫晾過夜打霧氣)
而要洗既東東實在太多
起碼都仲有幾機要洗
諗起每次洗完我地D衫
下次洗阿B衫前要空機消毒吓一轉就煩
所以…還掂遲早都要買迷你洗衣機
咁就呢家開始物盡其用啦!!
試咗放六條紗巾去洗吓
嘩!!洗既時候….都真係幾嘈吓
唔知係本身咁嘈,定係放得太少嘢
但感覺又唔似係有問題
不過fing乾時就超靜喎
因為得個六條巾…只fing 1分鐘
但係都fing到超級乾
咁第日都唔使fing咁耐
費事fing爛D衫=.=” 其實話迷你,但講真又唔係真係好細部! 左邊係洗衫,要自己入水,洗咗15mins後自己擰去排水,再入水,再排水…右手邊係fing乾,每次最多5分鐘~
Cat @ Larlar
星期二因為patpat同恥骨痛
起身時痛到有D行唔到
於是又sick leave在珍妮家
(因為上進前一晚on
call)
朝早刷完牙慢慢行去個廳
坐咗無耐...
阿lar姐又出現喇!
佢真係好鍾意坐
佢不停轉換姿勢…但都係坐係度
成尊老佛爺咁
超搞笑!!!
佢係咪條腰骨特別唔同呢
其他貓都唔會咁既????! Larlar:唔係所有貓都識我呢個絕學架!!!
Crazy Shopping @ Angel Care
繼續買買買
基本上差唔多去到尾聲喇!!
等埋Sogo Thankful
Week買吓D衫仔
同埋下星期去贊育再買走佬袋
都應該差唔多鳴金收兵!!!
如果有漏就可能到放產假先再衝刺!!!
星期六陪上進返工
然後坐係佢個度既大堂
一路繡嘢一路等佢放工
(個大堂又幾舒服喎!!樓底高又有風,sofa軟硬適中…唔錯~)
時間好快就過…跟住就一齊開車出將軍澳
唔…上進認路真係唔多得
明明自己之前一晚話只要跟住個路牌
寫住”坑口”照跟就得
點知…小嘉不停指住個路牌話
“坑口,係左邊轉落去….”
但上進好似唔知發生咩事…
繼續向前行…最後行到唔知去咗邊=.=”
用返個GPS導航…跟吓跟吓
OMG!!帶返我地返隧道過九龍再U
turn返將軍澳
=.=”””””””””
終於用咗差唔多成個鐘去到目的地
求其去咗大家樂食嘢
(最幾幾個月去過兩次…覺得好似越嚟越唔掂,D嘢唔好味)
跟手同事老公幫手做咗老公既蛋糕
食完原來係大家樂隔兩個舖位就係愛嬰紡
係櫥窗見到部Angel
Care AC-1100
諗住試吓部機點用先買…點知老闆娘話佢地試過實無問題
如果真係有七日內拎返嚟換
咁算啦!照俾錢走人
買咗返屋企都無時間
到星期日先試…
部機係咁易試過OK無問題
個breathing
monitor真係20s無動靜就響
D畫面都算清…父母機同BB機講嘢都清晰
而父母機收BB聲清唔清楚唔知
因為上進試
其實部機仲有好多嘢可以tune
但試咗基本無問題就算
因為好攰好眼瞓…到阿B用時先認真去睇~~~
呀!!仲有…係愛嬰紡見到有最新款Dwingluar既墊買
都係一樣得最大size…要$2200!!!
小嘉係Baby Kingdom既限量優惠買只係$1888咋!!
今日送貨!!不過聽日先見到~ 呢款除咗breathing 左手邊既係BB機,右手邊係父母機~外形都算靚仔呀!
monitoring 外,仲可以有video + 雙向既Audio,本來要買兩部機,呢家一部搞掂拪! Good!!!
32wk @ Painful
其實小嘉真係要好感恩
由有小B開始
都不是太辛苦
只是初初的幾個月胃頂頂的
但相比其他媽媽又嘔又暈等
小嘉呢D真係小巫見大巫
不過到了32wk
有D痛既情況開始出現喇!!!
果然中咗產前運動堂的物理治療師講法
未痛既唔好以為無事…只係時間未到咋!!!
到咗32wk..可能小B真係不知不覺重了
而呢個時候身體開始release大量hormones出嚟
係for D關節軟骨很鬆更軟
以便第日生B時盆骨個D可以打得開D(無記錯係咁)
所以好多時一D痛楚都係呢個時候開始陸續出現
小嘉呢家開始…懷疑應該係有恥骨痛
暫時只係左邊有…連左邊patpat都有D刺痛
小嘉唯有努力試吓做返產前運動班教既動作
不過唔肯定做得啱唔啱=.=”
同時…都發覺以前打hockey成日痛既左膝又開始痛
相信都係D hormones拎到軟骨又鬆咗D
雖然開始周身唔舒服(下半身最唔舒服>~<)
但小嘉還是很感恩
因為天父真的很愛錫小嘉
小嘉既辛苦程度真的算很輕
希望剩下唔夠8wks都可以輕輕鬆鬆過~
Clothes @ Wash Wash Wash
計吓計吓
其實成個十一月既星期六日都無咩時間
所以襯有少少時間都洗咗D衫先
但唔洗唔知
一洗…嘩!!!原來好多嘢要洗
BB衫,床單,被單,bumper, highchair
BB車cover
玩具等等…
越諗越多嘢要洗…好怕唔夠時間呀!!!
再加上…本來打算洗一轉就算
但上進媽話一定要洗兩次先得
所以…
呢家D衫仔只洗6mths前既冬春衫
夏天個D就唔洗喇!
留返到Matthis大D同夏天時先再洗
迷你洗衣機都訂咗喇!
如無意外星期六送貨
到時可以雙機齊下…
大機洗床單呢類大件嘢
迷你機狂洗BB衫同紗巾尿布呢D
希望可以係十二月中前完成壯舉
BB衫可以洗夠兩次啦!!! 洗咗1.5機衫,成功迫爆個衣架!!!
