32wk @ Painful
其實小嘉真係要好感恩
由有小B開始
都不是太辛苦
只是初初的幾個月胃頂頂的
但相比其他媽媽又嘔又暈等
小嘉呢D真係小巫見大巫
不過到了32wk
有D痛既情況開始出現喇!!!
果然中咗產前運動堂的物理治療師講法
未痛既唔好以為無事…只係時間未到咋!!!
到咗32wk..可能小B真係不知不覺重了
而呢個時候身體開始release大量hormones出嚟
係for D關節軟骨很鬆更軟
以便第日生B時盆骨個D可以打得開D(無記錯係咁)
所以好多時一D痛楚都係呢個時候開始陸續出現
小嘉呢家開始…懷疑應該係有恥骨痛
暫時只係左邊有…連左邊patpat都有D刺痛
小嘉唯有努力試吓做返產前運動班教既動作
不過唔肯定做得啱唔啱=.=”
同時…都發覺以前打hockey成日痛既左膝又開始痛
相信都係D hormones拎到軟骨又鬆咗D
雖然開始周身唔舒服(下半身最唔舒服>~<)
但小嘉還是很感恩
因為天父真的很愛錫小嘉
小嘉既辛苦程度真的算很輕
希望剩下唔夠8wks都可以輕輕鬆鬆過~
32 wk @ overcrowd???
今日已經32wk喇!!
前幾日去瑪麗檢查…點解上瑪麗
下回分曉
So far聽吓心跳,度吓肚size
Matthis仔都一切正常
不過唔知係咪佢越嚟越大
空間相對少咗
定係小嘉又中伏
呢幾日係咁咳
咳到肺都就嚟要同我個身體分離咁濟
嘈到Matthis無覺好瞓
呢幾日佢間唔中都伸手伸腳仔咁
感恩…動作很斯文
暫時都無唔舒服既感覺
相比有些大肚媽媽朋友
BB踢到真的肚皮痛
小嘉暫時都未試過
最辛苦都係Matthis踢到膀胱時
就真係有D痛喇!!
28wk @ Headache
估唔到真係咁快就28wk喇!!
小B已經係肚裡面玩咗七個月
仲有12wk就出嚟呢個大世界!!!
不過呢排又開始有D不適
胃頂胃脹就一直都有
但就多咗個偏頭痛!!
真係幾痛吓…有時痛到返唔到工>~<
好似星期日晚咁
無啦啦成日瞓得唔好
瞓吓醒吓…瞓瞓吓又發惡夢喎!!!
跟住係迷糊醒咗既時候
發現右耳有D耳鳴…
OMG!!!!!!!右耳一耳鳴
我個左腦即刻嚟喇!!
又開始頭痛…
感恩瞓緊既時候係唔覺痛
但係一醒就幾痛吓…
於是…又sick leave咗一日
抖吓瞓吓又行吓…個頭先無咁痛
上網睇資料同有同事既經驗
因為阿B大得快…用多咗血
所以個腦唔夠血會有頭痛出面
只要阿B係健康…咁我有D頭痛都唔緊要啦!!
不過都約咗星期五睇睇中醫
睇吓有無咩嘢可以舒緩吓
順便開始清胎毒
仲有…問定有D咩藥材係坐月時適合食
Dr Chan @ Structure
兩星期前去完贊育結構檢查
終於等到去Dr Chan度喇!!!
唔知點解噚日特別多人
約了兩點半…到三點幾四點先有得睇
等到眼光光咁=.=”
終於可以檢查喇!
首先都講吓最近身體狀況咁~
呢個時候…都係上進同Dr Chan溝通
因為佢地用埋D專業詞語嚟講
我都唔知佢地講咩=.=”””””””””””
So far呢家身體有既少少不適
都係正常正況
於是開始照阿B喇!!!
一開始照…Dr Chan一用支棒棒
就即刻轉用4D…
原來…佢見到阿B好醒目咁俾晒成個樣人睇
無遮無掩…所以先影吓佢個靚仔樣
然後先開始照結構!!!
到照結構時…過程都順利
其實照既嘢同贊育差唔多
但解釋就詳細D!!
同埋今次數齊10隻手指腳指
上次阿B有隻手無打開…但贊育都無理
因為佢地無數
本來Dr Chan話照完
但上進就同Dr Chan講….未照仔定女呀~
哈哈!!Dr Chan照咗以為同我地講咗
所以再照多吓
咁一照落去…就見到BB既JJ喇!!
而搞笑既事又發生
阿B每次都送一個驚喜禮物俾我地
上次就係一照個嘴仔就突然”O”咗嘴
今次….佢好有禮貌呀!!
一見我地照佢JJ
佢斟茶俾我地呀!!!
即場表演BB係肚裡面尿尿既情況!!!!
好得意…會見到有D泡泡由JJ到慢慢噴出嚟XDDDDDDD
到離開時…今次又係print咗好多相俾我地
仲有一隻DVD添!!!!
初初都唔知有無架!因為….始終係超級價錢
但係…唔知有無拍低阿B斟茶一刻呢???
因為本來Dr Chan諗住照完stop咗
係再提先再照….如果有拍低就好經典喇!!!!
23wk4d @ 10.09.2012
今個星期小B就邁進六個月喇!!
時間真係過得快…
仲有四個月多一點點小B就面世喇!!!!
小B越嚟越大
一D反應都開始出面
好似….肚既韌帶扯得都幾痛吓
其實小嘉的肚唔算大…但都一樣扯得幾痛
另外,小B可能大咗又升高咗
胃頂既感覺又返嚟喇>~<
而胃酸倒流都開始發生
小嘉都一早預咗胃會唔舒服
因為未有小B前胃就不太好
呢家…要努力執行小食多餐
希望可以減輕胃酸倒流既情況啦~~~
(連飲杯水都要分幾次…一次飲太大杯)
(D胃酸一樣會流出嚟=.=)
聽日又去Dr Chan度照結構!!
願天父保守一切平安
小B要健健康康
希望天父賜小B聰明智慧
係香港呢個越嚟越亂既地方
仍能持守聖經既道理
Tsan Yuk @ Structure
不知不覺…已經嚟到21wk喇!
星期二約了到贊育照結構
約的時間是14:40
大約14:30左右去到
去到時人不太多…相信不用等太久
(因為之前普通產檢等了個幾鐘)
但…如果照ultrasound有點不同
約了的時間就大約是那個時間照
所以雖然有些人一早到
但一到14:40小嘉就有得入房照喇~
其實照之前小嘉都有點緊張
相信大部份媽媽都會這樣吧~
感謝主…照了大約20分鐘
姑娘表示一切都正常!!
而照既過程都有搞笑的事
上次醫生聽心跳
小B就走嚟走去避開醫生
今次姑娘照小B既嘴仔時
小B好似見到人地照佢個嘴咁
突然一照埋去就”O”咗個嘴仔
連姑娘都笑話佢打開咗個嘴仔喎~
最後,姑娘問我地想唔想知性別
於是…再照一次…再確定有JJ
其實係政府照都OK
姑娘都好好有禮貌
不過部機唔太清…小嘉唔太明照緊咩
同埋…個姑娘有照手仔腳仔
但就無數手指…上進就一路照一路自己數返
呢家期待11/9再去Dr Chan度照
今次應該會清楚好多
Check up @ Tang
Chi Ngong
噚日又到產檢既日子喇!!
今次係第一次都健康院check up~
去到其實無咩人…
成個上午做check up既人都好少
不過噚日只係做新証
姑娘話之後會轉星期四下午
咁就會多人好多…每次有六七十人…有時過一百
不過…睇返噚日情況…
睇嚟下年生B人真係少咗好多
最開心係無晒D非本地人…感覺環境都寧靜D
做完一輪必做既驗小便,量血壓,磅重
就等叫名…
小嘉竟然排第一XDDDDD
所以第一個就叫名….
首先見既係姑娘嚟…
大約問吓D簡單嘢
有無咩特別唔舒服咁…然後開張attendance
cert.
再之後等咗都無耐
又叫名見醫生喇!!
醫生都係問吓簡單嘢…感唔感覺到BB郁呀咁
之後就上床摸吓個肚同聽心跳
不過聽心跳時好搞笑
小B可能feel到心跳機
於是一聽到佢心跳幾吓
佢又走咗去第二度
來來回回好多次
連個醫生(都幾嚴肅既)都話:個BB走嚟走去喎XDDDDD
見完醫生又等叫名
好快又叫名…就係預約下次檢查日期喇!!
不過小嘉下星期二都要帶住小B返贊育
因為要照結構喇!!!
願天父保守小B健健康康
滿有主既恩典…願小B成為一個愛主愛人既人
Dr. Chan @ 30.07.2012
又到跟小B見面的一天!!!!
這日小B應該17wk3d了!
之前12wk在贊育的檢查
還未知道小B是男或女
今次如果小B合作就知道了!!
知道了就可以瘋狂購物XDDDDD
style="font-size:11.5pt;font-family:新細明體;
color:#777777;">約了下午1:30檢查
附近和上進吃了粉麵作午餐
準時1:30到達診所
大約等了45mins終於有得見小B喇!!
Dr Chan先開始照小B的頭仔
頭的直徑和頭圍都match週數
感謝主!!
肚圍…都很好!!!
之後到大腿
Dr Chan問我們知道性別沒有??
哈哈!!!未知哦!!!!!!很想知呢!!!
於是…開始照!!
之前一晚已經跟小B胎教
要乖乖劈大雙腿
小B很乖…合作的將雙腿打開!!!!!!!
一照…小嘉都看到了小B的JJ喇!!
Dr Chan confirm是男孩!!!
之後再度大腿骨
Dr Chan還用4D照照小B
小B的五官還未太清楚
但清楚看到手手腳腳和JJ
哈哈!!小B已經遺傳了小嘉一樣小動作
就是….睡覺時會右手舉左頭頂上XDDDD
感謝主哦!!
小B一切都正常,match到週數!!
Dr Chan今次print超多照片給我們
他說…難得小B乖喎!!
之後再跟Dr Chan約結構日期
其實贊育的日期很好
是在21wk照…所以Dr Chan都說照不照也沒問題
但…小嘉想再安心一點
又想留一些相和DVD給小B看
所以…都book了23wk的時候再照一次~
16wk @ 20.07.2012
很久沒寫blog了~
說說近況~
10/7又再到贊育產檢
今次是見醫生的
第一次時人很少
所以天真的小嘉以為今次一樣
哈….點知….
等了1小時45分鐘左右
先可以跟醫生見一面
入到房檢簡單檢查
再用機聽聽小B心跳
就…完了
小嘉和上進估計
我們是下午3點appointment的
根據那天情況
應該較早時間booking的應該是較複雜case
因為那些大肚媽媽都要檢查半小時以上
但…跟我一樣3點鐘的那些媽媽
都是很快就檢查完~
等得久一點也沒問題
小B健健康康就夠了~
那天再報了產前運動班
之後要到21/8再到健康院檢查
到28/8就會照結構!!!
但小嘉還未知小B性別
為了可以快D瘋狂購物
30/7約了私家產檢...希望小B到時清清楚楚
給小嘉和上進看清楚啦XDDDD
