家裡這十年來買下的十字繡還有很多等待出山，但小嘉轉個頭又買新的，真的有少少汗顏 (☆^ー^☆)
今次是一個height chart，希望可以記低Matthis身高成長^^
2013/9/16
2011/6/2
My Lovely Handcraft ... 又整新手作@01.06.2011
小嘉的神秘小手作…進行都算係順利…一路做一路覺得塊藍色格仔布超爆靚呀!!!
噚日努力一天,終於將第一part工作…圍lace邊暫告一段落…不過嚟緊都仲有好多步驟,希望能夠安全完成啦!!!
其實仲有一幅長既藍格布同埋兩幅細細既白色布圍左lace...不過...因為噚晚真係到臨瞓個吓先記得影相...所以求其拎左呢三塊影喇!!!!
我覺得...真係好靚呀!!!!
2011/6/1
My Lovely Handcraft ... 又整新手作@31.05.2011
呵呵呵!!!!小嘉明明鈎緊頸巾…但無啦啦又打斷做第二樣野喇!!!!
所以….小嘉有幾即興…一清二楚啦!!!!
不過,整完呢個,會即刻鈎返個頸巾…我等住旅行時用架!!!!
今次呢個….係咩嚟呢!!!?唔講住…估吓先啦~
不過…估中無獎喎!
小嘉超認真的畫了圖架!!!
做埋個紙樣添~
有好多個唔同既部份....
主要材料係之前用剩既窗簾布~
不過發現白色那塊布有D軟...希望會成功啦!!!!
2011/5/25
My Lovely Handcraft ... 兩本好書@24.05.2011
Thx Thx左脾!!!我又收藏兩本手工藝書喇!!!
小嘉對於D咁靚靚既手工藝真係無法抗拒呀!!!!
裡面D作品真係好靚呀!!!遲D有時間會試吓做,見到有個杯套係麻繩鈎出嚟,好似唔太難(不過可要整得靚就唔係易事喇!!!),仲有用尼龍繩鈎既背心袋都好靚呀!!!!!
而本刺繡書真係好特別…又認識多一種唔同既繡繡…青木和子果然好勁呀!!佢連畫既圖好靚好靚…點解佢可以咁叻既~~~
呢個不思議刺繡...真係好不思議...無諗過D繡線可以咁樣玩法!
好靚既聖誕裝飾呀!!!!今個星期咁橋就會去教會弟兄屋企拎返棵聖誕樹...有成六尺高!!今年聖誕前,要慢慢研究...試吓整呢D吊飾先得!!!!
好得意...呢本書真係教用除左冷以外,用其他材料去織野....呢個尼龍繩背心袋...我好有興趣試吓整呀!!!
仲有我不嬲都好鍾意既麻繩Feel既東東....今次真係教用麻繩去織野....好想好想試呀!!!!
2010/5/11
Target of 2010 @ 11.05.2010
Target 2010的最新佈告…
小嘉係努力不懈的情況下,進度佈告如下…
1. 兩套BB披肩套裝…已完成99% … 至於剩下的1%,以小嘉的可愛性格,我會係送之前個日先會完成囉=.=
2. 妹妹件動物背心,亦都係完成99%,原本打算星期六日縫埋兩個袋仔就OK…點知,睇下睇下電視就忘記晒lu…仲要件衫留左係珍妮度…所以,停工一星期,期望星期五可以完成到啦!!
3. Angel proclamation 再開始過喇!!!小嘉會努力係屋企完成前完成佢架!!!2010/4/23
Japan Shop の Craftmax's Comments
我對Craftmax的感想
暫時試過兩次係craftmax買野,其實佢地都好OK,我試過比較佢同樂天市場的價錢,craftmax係最平,而且款式,牌子都有好多.
不好的…
雖然好方便咁可以買到好多東東,不過,第一次買野時send e-mail俾佢地問運費呀,點俾錢等問題時,佢地覆話唔識英文,要用日文溝通,所以當時小嘉只能用翻譯網幫手,故此,真係試過佢地覆我話唔知我問咩=.=
同埋,對上一次購物,佢地的回覆時間俾較慢,而且佢地話要補運費(佢地係你比左貨錢,就會包好再拎去郵便局稱,所以之後再補運費),咁佢send e-mail通知我有無問題,我覆左幾次都無回覆,點知,件貨無啦啦咁就送左黎,又無收運費??不過好似見佢地扣左D point,不過我唔知D point點計,點用囉!
好的…
當然,間舖都有好處啦!好似頭先講,佢有超級無敵多的貨品,基本上你諗得出的手工藝,佢都有相關用品買,而且價錢真係比其他地方平,而且可以一次過買晒所需物品,唔使分幾間舖,咁運費都可慳D!
佢仲有退稅添!所以如果個退稅cover到運費,咁就可以免運費,所以如果有需要,我都仲會幫襯craftmax啦!
Target of 2010
哇哈哈!!呢排主要都係講起屋企D東東,無乜提過其他野咁!
好等我update下啦!!!!
今年目標…
小嘉定左今年內要(1)要勾鈎好兩套初生BB披肩+帽+鞋仔…係送俾兩個團契的姊妹;(2)要織好一件外套…係俾妹妹既同埋(3)要繡好angel proclamation …要用黎第日屋企起好後,掛係牆度裝飾!
其實仲有好多東東想整,有一個MD firefly fairy啦,一D用超靚Cosmo 繡花線做的杯墊啦,仲有MD sleep Beauty啦…,仲有BB被,仲有好多好多H&E的圖圖,仲有唔記得邊間的客西馬尼園禱告,耶穌抱住小朋友的圖,一雙手上面有多雀仔的圖,celebrate BB出世的圖,BB被(係繡圖案)…
不過,最緊要係完成今年的工作先啦!!
進度報告…
項目一已九成完成,只差未收線同埋有D繩繩未勾…
項目二已經開始,將會再詳細報道
項目三一早已開始,不過最近停左…相信唔需要太耐時間就會take up 返啦!
訂閱：
文章 (Atom)