Lovely B @ wash wash wash
炒米茶…點解D米會炒燶晒
咪就係….洗衫晾衫囉!!!
天陰陰咗幾星期
星期六終於開始有少少陽光
仲唔拿拿淋同姐姐係咁狂食BB衫
於是….見中午有D陽光
樂極忘形….走咗出去移吓D衫位置好等多D陽光晒到
咁就中矢伏…一入屋都唔覺有味
行近個爈先知出事=.=”””
星期日再洗多一機
星期一二姐姐接力繼續
終於…BB既所有衫褲鞋襪加尿布立立雜雜嘢
叫做洗咗一次…
但…睇怕都洗唔到第二次
真係無咁多時間+好天氣!!! 大小洗衣機齊出動…大機洗咗兩三機~ 細機都洗咗兩機~~~ 但….都仲有好多好多嘢未洗~
Preparation @ 炒米茶
聽同事朋友網上朋友講
生完最好飲炒米茶
可以暖胃到身體好D…
於是星期六試吓整
第一次…用咗1 1/ 2c up米
都OK喎!!見整咗七八包
不如整多幾包
咁又再炒多次米
哈哈!!!!!!落咗米諗住等佢熱先炒
點知真係個頭一擰轉完全唔記得咗件事
最後….成個煎pan燶晒>~<
見到都想嘔….
用咗九牛二虎之力先叫洗返乾淨九成>~<
激氣…最後個幾包只落圓肉杞子陳皮南棗就算~ 開始炒…真係要炒到金金黃黃先得,都炒咗十幾分鐘!!! 其他材料…其實D陳皮好唔捨得用…因為係1988年晒架!!!所以落細細一角就算~
Lovely Life @ oh Christmas Tree
又到聖誕喇!!!!
小嘉很喜歡聖誕
因為…無聖誕…又點會有耶穌
感謝主!!!!!
到聖誕月既開始
又係時候佈置聖誕樹
材料….依舊係上年既….唔使再買新
年年都用得番最好!!!
不過小嘉同上進一直以為棵聖誕樹係1.8m
但噚日當上進企埋去…高上進20cm左右喎!!
咁咪即係原來有2m!!!!!?
唔怪得成日覺得佢好大棵咁啦=.=””””” 每年出動一次既裝飾!! 成棵樹得一粒松果…XDDDDDD 當然唔少得辛苦由Prague買返嚟既粟米皮裝飾啦!!天使呀!!!! 大功告成!!!
Crazy Shopping @ 走佬袋
其實今日已經36wk喇!!!
走佬袋都仲未執
但都預備咗個list
今個星期要的起心肝去整喇!!!!
準備個list先發現有好多嘢未做
BB衫未洗晒
感恩…聽日終於有太陽
可以大洗特洗喇!!
Car Seat又未洗…但我發現個套好似拆唔到出嚟洗
未買乳墊….
噚日產檢完順便去銅鑼灣卓悅
Wow~~~終於有日牌pigeon乳墊
即刻買返兩包
希望走佬袋要有既物品都齊晒啦!!! $98一大包,唔知可以用幾耐???
Lovely Garden @ Antsssss
唔知做咩
屋企個花園成日keep住好多螞蟻
滅完無耐又出現
呢排仲成日走入屋…激C人!!!
前幾日,因為上進隻狗之前走去瞓花糟
壓C咗D紅繼木…於是買返再種
就係咁…上進就中招
真係好核突…仲要有埋膿添呀!!!
