Matthis的大世界 ... 自行入睡Zzzz@1-2wk

小嘉由未生b己經睇"從零歲開始"
一直幻想小b好快可以自己瞓,好快可以瞓過夜
但...想像永遠都係想像
當面對現實時,又係另一回事
因為小b既體重實在太唔好

小b出世day 5返瑪麗時
發現weight loss得太厲害
所以小嘉將要小b追回體重成第一目標
但可惜當中升升跌跌
再加想小嘉又想小b可以自己入睡
搞到小嘉筋皮力盡
但...小嘉其實比好多人都幸褔
(不過小嘉身得一想二)

首先...
上進拎咗20日假陪小嘉坐月
小b由出院之後
每晚都會喊唔願瞓
晚晚搞到凌晨兩三點
但小嘉又要keep住每2個鐘餵奶
個時真係人生最辛苦既時間
跟本可以話連續十幾日無瞓咁濟
上進比小嘉慘
日間有陪月,小嘉都可以補吓眠
但上進日間係瞓唔到
但夜晚佢又一樣俾小b搞到無得瞓
於是...佢由一個人變咗人乾咁,超慘

到上進仲有幾日就要返工
小嘉真係情緒好受困...但又無法
唯有不停同小b講數
大約小b15日大,
小嘉同小b講..爸爸要返工喇!!
佢一定要有精神先得...性命尤關呀!!!

之後...小b一樣喊=.="
但...有一晚...因為抱佢都一樣喊
但小嘉同上進己經太攰
所以小嘉就講:還掂抱佢唔抱佢都喊
不如由佢喊放返落床啦!!!

於是...小嘉和上進係哭聲中繼續大覺瞓
到唔知幾耐,大約半個鐘啩
小嘉終於醒咗...小b keep住喊
唉...無奈....唯有抱起佢又再餵奶

到第二日...小b又係咁不停喊
真係人都癲,實在太頂唔住喇!
於是...又係放低佢...
上進同小嘉又再係哭聲中進入夢香

而呢晚可能真係太攰
今次小嘉瞓咗兩個幾鐘先醒
而....小b....己經瞓咗
感謝主...總算停咗喇!!

而奇妙既事就咁發生
係呢日之後....小b夜晚無再喊喇!
放落床...最多喊幾分鐘(當然係排除無其他需要,如果肚餓,佢唔會放過我)
跟住佢就瞓喇

真係好感謝主!
從此,夜晚都可以瞓吓
雖然中間要起身餵奶
但都好好喇!!!!!!!

而係大約4星期大時
小b仲自己無啦啦食完尾尾餐奶就瞓到4-5個鐘
不過到呢家7星期都仲係連瞓4-5個鐘
小嘉唔敢同佢戒夜奶...因為佢體重未升
所以就算小b連瞓5個鐘都未醒
小嘉都要忍心叫醒佢食奶

Matthis的大世界 ... 驚魂記@05-18.02.2013

小嘉真的給Matthis嚇破膽
希望只此一次啦!!!

係2月頭時,因為小b已一個月大
回健康院磅重竟然一星期沒有重過
小嘉己經很擔心
接住醫生話小b仲有黃要去醫院抽血
其實小嘉一直著眼係小b既體重上面
覺得黃只超少少
所以沒有太擔心

五日後返醫院再磅
感謝主,體重又再升...相信係之前小嘉太進取
由原先2.5一次奶改了3小時一次
於是好輕鬆的回家

點知..........係下午五點幾接到醫院電話
話小b黃既指數有d踩界要安排返去再做一個造影既檢查
小嘉呢下真係嚇到傻
因為怕小b係有膽管閉塞...要做手術架!!!!!

所以上進先安排新年前先替小b照ultra sound
感恩,雖然u/s唔太清楚
但係都見到個膽囊
咁即係代表膽管無事
係咁既情形,小嘉唔太想做造影既檢查
始終要注射一d放射性既藥物
於是再同醫院既醫生溝通
安排做檢查前先再抽一次血
如果指數跌了就不做檢查

當各人都以為指數會跌時
其中一個關鍵肝膽既指數無跌到>~<
感恩指數唔高亦無再升
但...檢查還是繼續做

到咗噚日,小嘉懷住好擔心既心情
同小b去醫院
看到小b又要種豆又要抽血
又要注射d藥物
小嘉忍唔住喊咗幾次
真係超心痛!!

非常的感謝主
做完檢查暫時一切正常
因為有d報告未出,但相信都無咩問題

而最令小嘉安心係
最緊要既指數己經跌咗喇!!!!
如果上星期驗到跌
小b就唔使受咁多皮肉苦
但只要健康....受小小苦
當係天父俾小b既小小考驗

醫院既睡設計幾好,珍妮會幫小b做幾個,而小b因為食咗瞓覺藥,所以大部份時間都瞓瞓瞓~

Matthis的大世界 ... 糧食@03-04.01.2013

小嘉由Matthis B未出世開始
就決定全人奶...希望將最好(天父賜下既糧食)給最愛(當然,上進都仲係首位最愛...二人成為一體嘛)

但..小嘉既缺點又出現...
無錯,一早做定功課,亦了解不少
但往往都將事情太簡單化去睇
小嘉知餵人奶會辛苦...但無諗過會難到個程度
令到小嘉情緒失控....

Day 2 - 3
小嘉keep住埋身餵B
但究竟阿B有無食到呢....相信係無咩
因小B可以話無濕片
姑娘不停係咁唧小嘉個胸(嘩!!!痛到呢!!!!)
但姑娘都覺開始有奶但出唔到嚟
小嘉見小B好難得先有一條叫估係咁易變咗色既片片
見到VV既顏色係橙橙咁
後尾先知因小B太缺水,所以D尿尿都結晶>~<

人奶媽路一開始已經唔易行...
其實今日小B day 37,經歷已經令小嘉尤如坐過山車...

Day 5
小嘉返QM睇傷口,小B就check黃
點知一check.....
小B黃有成318!!!!而weight loss竟然有成14%!!!!!
正常weight loss係幾個%咋!!!!!!
於是小B要入院照燈,再餵咗一日奶粉
小嘉就一路喊到豬頭咁
見到個小小人仔瞓個燈箱係咁喊
真係心痛到不得了
上進見到小嘉咁既情況都好擔心...
小嘉係病房都有餵吓人奶
終於...呢日個胸勁谷喇!!!!nipples其實已經俾小B啜到損晒
到夜晚收到醫院姑娘電話
嚇屎小嘉以為做咩...原來...阿B啜到我損咗流血
佢嘔奶時嘔咗D啡色奶...醫院問清楚怕佢有事

Day 6
朝早醫院打嚟..BB一切都OK!!!
可以出院喇!!!
不過之後令小嘉不停情緒起伏既事就發生喇!!

第二日小嘉聽朋友仔ling ling講
 早打電話去健康院話餵人奶有問題
於是即刻去健康院
之後不停keep住返去
但B體重一直都唔好
因為佢之前weight loss得太多
再加埋之前未夠奶
所以體重不停徘徊無點升
唉...又擔心到小嘉差唔多日日喊

感恩到第3wk
體重開始升喇!!!1
但小嘉又做錯決定...
諗住體重升緊,於是由2.5小時一餐改做3小時
唉...咁咪出事囉

上星期第4wk
返健康院check...
OMG!!!明明見小B有肥到有長度,一切都好似好好
但體重成個星期無升過!!!!!!!!!!!!!!!!!
仲要話黃要去屯門醫院抽血!!!!!!!!!!!!!!!!!!!
小嘉同陪月都唔信小B體重無升
但磅咗四五次都係咁!!!!
於是小嘉由健康院勁喊到屯門醫院
做完檢查...醫生話小B黃無咩問題
不過體重唔太理想
一星期後再睇...

好難捱既5日...小嘉又再2.5小時一餐
終於...小B體重正常升幅喇!!!!!!
點知......到黃個度唔OK
有D超標...阿B要做詳細檢查
醫生話怕BB會膽管閉塞...如果要即刻做手術
今次真係嚇到癲!!!!!

呢家都未知結果
不過...上進print咗BB既result出嚟
再上網睇journal再問佢做paed既同學仔
佢地一律覺得無事
應該係因為餵人奶而退黃慢
而上進既同學仔仲話
阿B只係踩界...如果係佢醫院
根本都唔會安排做further check up住
都係繼續抽血monitor住
而且佢仲話..佢見過真係有事個D BB
如果真係有問題,唔會咁精神咁精靈
而且D指數唔會係踩界,會係好高

而噚日返健康院打針
同姑娘講阿B情況
佢都話...佢見過唔少唔同問題既B
一睇就知Matthis B無事
佢都話人奶係退得慢
只要個指數係平或慢慢跌
而唔係一路升...咁就唔使驚喇!!!

天父呀!!!小嘉真係好少信
面對小B既情況
小嘉成日都失晒方向
求天父保Matthis健健康康
求天父賜聰明智慧小嘉去懂得照顧教養Matthis

P.S.聽日會先同小B照個ultra sound,願天父保守一切平安.

Matthis B 出世記 ... 去產後房喇@03.01.2013

Matthis俾上進爸B檢查後
上進爸B超興奮...因為...Matthis同佢個樣勁似
唉...其實小嘉無咩所謂
只係想BB對眼仔似返我啫
起碼...有雙眼皮+大眼晴嘛!!!!唔通Matthis B想同佢爸B一樣....
走韓國型男路線???

當Matthis B檢查時
小嘉正接受另一個痛苦過程....聯針!!!!!!!!!!!!!!!!!!!!!
因為小嘉用錯力生BB
所足足生咗成個鐘...其他人多數幾分鐘至三十分鐘就OK
於是...結果...
以上進看到的情況(無錯...因為上進唔怕+midwife都知佢唔會暈低,所以上進係同midwife企埋同一陣線咁望住小嘉咇Matthis b出嚟)
估計小嘉會陰傷口有2nd degree既創傷>~<
醫生無講,上進亦唔講...小嘉只係Feel到好似聯咗好多針
最恐怖係...每一針感覺都係好似無任何止痛既情況俾人監生聯針!!!
醫生一路聯..小嘉一路un高成個patpat
因為真係痛!!後尾個幾針係小嘉用盡意志力唔un高個patpat先完成!!!

而聯針同時...為咗分散注意力
Matthis B放係小嘉身上試吓食奶
講真....我覺得小B都無點啜
跟住小嘉同小B就推出產房搭lift去產後房!!!

wow~
小嘉等呢個情景好耐喇!!!!!
之前不停見到人地生完推出嚟...勁羨慕
今次終於輪到我喇!!!thx god!!!

感恩,去到產後房仲有二等房...頭等一早俾人bOOk咗>~<
返到房出九牛二虎之力上咗床
BB就放咗B房....跟住唔知隔幾耐姑娘就推B俾我餵
講真...都唔知點餵,都係盡量咋!!!!

餵完又推走個B...原來因為未落得床
所以BB唔會放係隔離住
到第二朝可以拆尿喉(因為做無痛,所以插咗尿喉)去埋toilet
阿B就回歸喇 !!!!

係瑪麗,生完BB都好忙
一時餵奶,餵完又會有好多course可以上
有時餵奶中又有姑娘嚟教你
忙到連飯都成日食唔到多
難得係二等房...自己揀食咩...味道都唔錯
不過....無時間食,可惜