My Lovely Life @ 08.01.2012
因為以斯帖既姊妹話小嘉…
無睇中醫調理身體…所以都應該間唔中燉吓野
就係咁…買咗個電燉盅喇!!!
由於有10天內有壞包換
所以小嘉就襯星期天,好好咁試吓用啦!!!
今次燉既係….雪耳紅棗燉奶!!!!
事實呢…
係本來同事教咗燉花膠…
但上進覺得成本高
怕小嘉有失誤…小嘉亂咁上網搵
原來雪耳都可以燉奶喎…
又見人地燉木瓜奶都落紅棗喎…咁咪無蝕底落埋囉!!!
材料:
雪耳…不詳(上進媽浸咗一大兜)
紅棗…十幾粒
冰糖…一碗!!!無錯,落咗一碗…所以好甜呀!!!
奶…一大支紙盒裝奶
首先…
因為個電燉盅有得預較時間
於是…小嘉較咗6分鐘後先開始燉…
根據小嘉半知半解去睇個說明書
首先著機
然後按預約…0.1hr
然後按功能…甜品
再揀1hr
等呀等…
點解…明明個LED show時間係減少緊…
但係…個盅唔熱無反應既???
等呀等
等咗足足45分鐘
呀!!!!!!!!!!!!!!!!!!!!!!
原來…預約的話
按左預約0.1hr
然後按功能…甜品…
咁就夠喇!
佢已經preset甜品係燉1hr
我之前再按1hr…係…
預約1hr後先開始燉呀!!!!!!!!!!!!
幾經辛苦…(其實係個盅辛苦D)
終於燉到喇!!!
登登登登~~~~
雪耳紅棗燉奶
d 紅棗好似咁深色既? 燉雪耳都好呀~ 燉花膠唔係人人接受到, 因為我自己就覺得燉花膠好腥>.<, 都係花膠湯好飲d~
回覆刪除你可以試吓陳皮燉雪梨呀~ 好好飲ga~ 不過雪梨我就唔清楚燉完仲係咪涼的~ 陳皮係正氣的, 可以中和番掛~ ^^"
[版主回覆01/11/2012 11:46:08]D紅棗都係紅色,不過一來影相深色左D,二來...呢D紅棗係我99買,我都覺得比我媽咪買嗰D深色...唔知係咪佢呢隻有核呢???
其實花膠同雪耳呢類有少少滑潺潺既野,我唔鍾意食,不過見D人話好咪點都食D囉.
我都想燉雪梨架!不過就係怕涼囉...想有B/已有B都好煩,咩都好似唔食得咁=.="