希望早D知...咁我可以早D安排啦!!!

呢家都有少少煩惱,同我同一日早一場行禮的是我教會另一個姊妹,佢因為有D問題,到呢家都未諗個婚禮內容....不過剛剛上星期都大致傾左D車呀,請的嘉賓點樣夾...但係佢仲有個隱憂..就係佢地都未肯定個問題解唔解決到,佢地有可能唔會結婚住......這樣的話,我就會提早係2點鐘行禮....其實之前book都係2點場,不過抽唔到!但係而家都唔知個結果係點,要等到十月頭先知....所以帖唔可以印住,車又唔敢book 住....

 

個人情緒舒發:

真係唔明,結婚係一生人的大事,但係點解佢地好似搞到唔"o爹"唔"掉"咁,雖然佢地真實情況係點我唔知,但佢地之間有問題唔係突然今日先出現,早係個幾兩個月前已知佢地有D問題.....但係直到9月尾先嚟搵牧師去傾.....唉~若真的解決得到,只剩下的兩個多月,真的有足夠時間去籌備嗎???最慘係我都俾佢地"kick"住,好多野都唔敢book住,驚住有變....不過,我知其實呢次都係一個學習...我相信主要我學習凡事忍耐和包容,同凡事都要交託給主......雖然個心裡面梗係想轉到2點鐘行禮(哎呀~個心有魔鬼啦.........),不過我都希望佢地能解決遇到的問題,係呢次的困難裡面學習更了解和更愛對方.....一切都交給主^.^

好擔心呀!!!

唉~

剛剛check e-mail先知,教會裡面有個同學仔(一齊上三褔的)噚晚中風,佢得十七,十八歲咋....希望唔係嚴重啦!!呢家好似發覺說話有D影響,希望其他方面無事....

願主保守佢和佢o既家人,不過我知佢實無事,因為主咁錫佢,佢都一樣好愛主,所以....就當係主俾個小小的挑戰,讓她有更堅定的心意!!!

 

為你禱告.

超級煩~

好似今日係倒數一百天....但已無乜心情去計算!!!點解好似乜都係我諗晒咁....要凡事都交給主,難......但都要做!!!!

嚟緊....有相,有簽名布,有佈置,有擬結婚通知申請,有喜帖,有觀禮咭,有rundown,有盆菜請帖,有旅遊巴,有人客數目....揀咩排版,要咩油畫框,要咩紙,價錢,拎去印,預約.....腦裡面充滿都係呢D......

點樣先可以空出一D位置.....俾主呢??!點樣先可以學到放手給主呢???!

 

一百天嗎??是吧!不想計......伴著的只有煩惱~

自己整死自己>@<

呢幾日煩到就死......

終於D結婚相都執好,所以就揀相去整相簿....點知一揀就揀左成150幾幅相.....但只諗住整兩本相簿.....好似太多相!但我又唔鍾意D排版有一幅大相下入面一格格咁有好多細相....感覺好老土,會浪費晒D相咁.....於是好煩好煩!上綱諗住睇吓人地o個D係點,但係都係一格格咁......其實最好當然係一幅相一頁.....但咁咪有成百幾二百頁(有D相係landscape要打橫放!!!),於是又諗住自己整排版.....但好煩又無時間.....搞到幾晚無覺好瞓........

最終...

"攤"落床時向上一望,見到受浸時舅父送的十字架......即刻知道自己錯晒....我成日都太鍾意"自己"去做每件事,總是不相信身邊的人事物,什麼事都係自己諗左先....但是,其實我應該將所有事情都交給主做話事人.....我自己安排,自己諗的東西會比主安排的好嗎?當然不會,既然如此,我在煩什麼呢?感恩,當係煩到就痴時主提醒我要放手給祂做主,主安排了一切!昨日原先打電話問弟兄一些事情(都是與婚照有關,但唔關排版的事情),佢知道我煩有勁多相係相簿,驚排版唔靚時,佢話我知佢一本相簿都有七十幾張相,版排都一樣OK!超感恩!主永遠都會賜平安同安慰俾我!聽日去望望弟兄的相,OK的話就可以有版做相簿^.^!!!而且,我又怎知幫忙做相簿的人(沒有直接contact,係堂哥的朋友,所以凡事都是堂哥做中間人啦!!!)不是主安排呢?當我平心靜氣的時候,心裡有聲音告知,這個人也是我安排的!

於是.....一切都放手了!!!繼續努力做手作仔啦!!