呢家都有少少煩惱,同我同一日早一場行禮的是我教會另一個姊妹,佢因為有D問題,到呢家都未諗個婚禮內容....不過剛剛上星期都大致傾左D車呀,請的嘉賓點樣夾...但係佢仲有個隱憂..就係佢地都未肯定個問題解唔解決到,佢地有可能唔會結婚住......這樣的話,我就會提早係2點鐘行禮....其實之前book都係2點場,不過抽唔到!但係而家都唔知個結果係點,要等到十月頭先知....所以帖唔可以印住,車又唔敢book 住....
個人情緒舒發:
真係唔明,結婚係一生人的大事,但係點解佢地好似搞到唔"o爹"唔"掉"咁,雖然佢地真實情況係點我唔知,但佢地之間有問題唔係突然今日先出現,早係個幾兩個月前已知佢地有D問題.....但係直到9月尾先嚟搵牧師去傾.....唉~若真的解決得到,只剩下的兩個多月,真的有足夠時間去籌備嗎???最慘係我都俾佢地"kick"住,好多野都唔敢book住,驚住有變....不過,我知其實呢次都係一個學習...我相信主要我學習凡事忍耐和包容,同凡事都要交託給主......雖然個心裡面梗係想轉到2點鐘行禮(哎呀~個心有魔鬼啦.........),不過我都希望佢地能解決遇到的問題,係呢次的困難裡面學習更了解和更愛對方.....一切都交給主^.^
如果佢地有擔憂，即使只係小小的擔憂，但如果足以令佢地諗到要考慮唔結婚的話，咁不如直頭唔好結住啦，等搞掂晒內裡的問題先從新出發啦… 一路搞婚禮，但又一路諗唔結婚，唔矛盾又點會諗到好的方法解決2個咁矛盾方向的問題呀… 四貓，唔好急，慢慢等主的心意成就。你同bf都要依靠上帝呀，祝福你地^^
回覆刪除thx thx hoiling...呢家都係等佢決定係點...應該呢一兩日會知....
回覆刪除感恩的是係籌備婚禮當中,越來越學會依靠天父....我知天父會有美好的安排^.^
對呀,天父一定會為你安排,你要事事放手交比天父.
回覆刪除你努力整好d 手作仔就得0家喇!!!! 其他野交比天父啦!!!
[版主回覆10/09/2009 09:50:00]係呀!最近呢半年真係不停學習放手....手作仔就差不多啦^.^,不過呢幾日公司有大function,所以要OT,都無乜點整,星期六又要再去深水土步度買D紗布.....