My Lovely Life ... 工作環境好危險呀@07.09.2011

Lovely Life © Angry!!!!!!!!!!!

小嘉真係覺得好好好唔公平好嬲呀!!!!

事緣小嘉9月中會搬office,咁係剛剛既星期六,就同D同事去新office到度位間petition,如果小嘉同D同事唔到現場睇位,咁我地既所屬領土一定俾人霸埋…事實係個日都已經有咁既情況出現!!!

不過咁都算…最最最嬲係…小嘉既同事好心,同隔離另一部門講返,我地有陪printer放既位置,會對住佢地個位,我地都想調去第二D位置,但可惜我地個所屬地真係太細,所以真係無辦法.

但係小嘉今日返工,同事就講返…隔離既部門搵左個大粒DD既老細嚟大我地…

話我地留既走廊位得64cm!!!我地因為唔夠位,所以之前有個老細俾我地留80cm走廊,咁就可以等我地有多D位…否則,我地既四桶櫃會唔夠位開.

呢家我地都係僅僅夠位可以企係個櫃前開櫃!!!

但係…個不知所謂既高級少少老細,話地點解留咁少位,得64cm…唔該佢唔知咩事就唔好咁大聲話人先啦!!

當然啦…佢呢D高級少少既人壓一壓,我地D低佢一級既老細就會滕埋雞,話埋我地一份.好過份呀!

於是…同事同佢地再去現場…把尺一放係地,我地咪真係留左80cm囉!!!

但呢個高級少少既人,見呢樣話我地唔到,就話唔可以得80cm,要我地留100cm,講真,留到我地都想留…但問題,我同事即場都講,如果留左100cm,我地連櫃都開唔到呀!!!!

於是佢地C都要留90cm,係咁既情況,我地要側身拉開櫃桶,咁樣係好易拗親手同腰,但我地不知所謂既滕雞老細竟然講…企係前面開櫃係理想情況,咁呢家唔可以咁做都無辦法!!!!

大老呀!!咩叫職安健呀!!!我地呢D唔係叫理想情況…係正常正況呀!!!!!我地只係想安安全全健健康康咁開櫃,竟然叫做理想情況!!!!!乜呢個唔係基本要有既安全工作環境咩!!!

咁都唔止,個不知所謂既高級少少老細,無啦啦又話我地D擺位有問題,又呢樣個樣…最終就係想我地將部printer放係第二度,佢直情要我地將部printer放係一個同事既枱前….咁好唔公平喎!!!

佢地話部printer近,都唔係對正就要我地調,咁點解我地同事面對面位陪printer就無問題哎!!!唔通佢地就高貴D,講rank我地一樣喎!!就算係高級D,大家都一樣係人咋!!!!

係咁不公平既對待下,我地成個工作環境都要左調右調…但最不知所謂係,呢D擺位其實係佢地呢班個腦坐左係pat pat度既人畫出嚟,係佢地俾呢個floor plan我地跟,我地跟完又話我地霸位,又話我地地方大,我地就嚟連轉個身都無位喇!!!

所以…小嘉唔會同佢地客氣….搬去睇清個情況,當小嘉一有B,我就即刻會打去職業安全局度投訴…因為個工作環境係明明白白咁有好多危險地方…最好就D老細清清楚楚咁講明係佢地要咁做,咁小嘉就直情指名道姓咁complain佢!!!!

P.S.估到一個咁大既機構,係佢地提出要職安健...但佢地就咁樣對待自己員工....感恩,小嘉生完阿B會唔做,所以唔怕代同事出頭,因為小嘉知道搞完呢D事,都唔使旨意report會寫得好,但係...小嘉唔在乎呢D野,係咁既地方工作,隨時危險過係地盤做野,叫人點安心呀!!!