Lovely Travel © Train Tickets I
早幾個星期都話買火車票,話買話買,終於等到上星期先有時間去歐陸度買.
首先,我地既目標係買Eurail Selected Pass,五日係三個自選國家搭火車.
事實我地買呢張唔係話非常抵,因為我地只係意大利同瑞士用,仲係用得4日,而且係意大利每程都要俾€10做reservation fees.
但係買pass計落應該有少少平,而且main point可以係瑞士任坐國鐵.
同上進去到歐陸,上面無客人,不過職員都好忙,因為都好多人打電話問野….
見到有個哥哥仔好似有空隙,於是攝左埋去問野…
結果…
真係要勁讚歐陸!!!
個男仔幫我地每一程要坐既火車搵晒價錢,計好後話我地知,其實小嘉同上進訂pass係唔抵,每程去到先訂會平D.
佢仲話我地自己買都好易,唔使佢地幫都得,因為佢地會每張車票收返$40架!
跟住我地再問埋有無咩酒店好介紹,哥哥仔係咁左搵右搵,最後都話我地搵個D已經好OK,佢搵到既會仲貴,同埋佢都話其實係瑞士,無論B&B都好OK,唔使太擔心.
於是…我地阻左佢成半個鐘,但就$1都無幫襯…勁唔好意思!!
後來小嘉再計返火車錢…又真係自己買平D喎!!
而呢個星期放左工,雖然超爆攰,但小嘉終於的起心肝,去研究同訂火車票…
唉~小嘉家有個自稱節儉(事實係孤寒)既上進,於是…每個行程同路線時間,小嘉都要盡最大努力去發掘最慳方法….
不過真係唔比較唔知…價錢出嚟真係可以差好遠吓喎!!!!
差幾遠…下篇講!!!
沒有留言:
張貼留言