2012/3/6

My Lovely Garden ... 春天來了!!!!

My Lovely Garden @ Flower Feb 12’


 


好耐無update我們家的情況…


說實在…都無什麼進度啦!


現在等換星盆…其他零零碎碎的工程


要等上進再催促大判…可惡~


 


花園的植物都開始健康成長


這是意料….之外


因為花園的泥都曾經浸過水泥,英泥等等物質


這些都是植物的敵人


但…因為農曆新年,所以…試種金魚草


看到沒什麼問題就試試喇!\


 


叔仔的蘋果樹…仍然只有樹枝


但已經看到有得多芽速勢待發


而且,已經開過4朵花,還看到另外4朵努力成長中


哈哈…遲些…可能有8隻蘋果可以享用喇(如果無爛掉/給雀仔幹掉的話)


 


另外,大門前既小花團



撒了草米,但因為較遲撒


還未看到有一條小草出來


但…紅繼木已經開花喇!!!


 





買了一個可愛小木架


放了一盆漂亮的花(不記得名字)


還有貓貓的大餐…有機小麥草


又有一盤雛菊



美味可口的有機小麥草...一大袋都是$4x啦~


已經加入三位新成員
有時間再拍拍全家褔^^



昨天看完醫生
…行過街市


又再添置三個植物成員(還未拍相片)


有兩盤海棠玫瑰(可能給膠袋燜太久,落了很多花,不過還有超多花蕾等著開哦!!!)


還有一盤金魚花,好好好漂亮的啦~


 


最後…看看我們家的草地…





看到綠色一堆堆的東東
這些就是小小小草喇!!!!!!



終於

…終於…一個多月後,看到小草慢慢,慢慢長出來

這幾天下雨,才發現草地突然多了很多綠色一堆堆的東東


你們要加油呀!!!


我們家的爛泥地靠你們遮醜哦!!!!!


2012/2/14

My Lovely Life ... 水之源@12.02.2012

My Lovely Life @ Doulton


 


上星期講過


因為上進媽要求我們自己煮自己飯


於是…第一個出現既煩惱就係水既問題喇!!!


 


我們家的廚房水龍頭懶型懶靚咁係扁既


所以…係騻唔到任何桌上式/水龍頭式既濾水器


而台下式…見到都係要再係台面鑽多個窿


裝返一個水龍頭for purified既水


 


點算呢???


但…D水真係好多沉積物…即係


點都要過濾啦!!!


 


於是星期六去咗千色望吓真身既doulton係點…


睇咗幾款,其實佢地過濾無分別


主要係靠個濾芯


而其次唔同既係…膠既外殼,不繡鋼外殼/透明


出水既位置係邊….


而佢地都有show台下式既出嚟…見到都係有一個專for過濾咗既水既龍頭


 


我地研究咗一陣,都係諗住要換水龍頭


感恩因為嚟緊要換星盆,咁可以搭單一次換埋


問千色個sales多D資料


點知原來佢唔係promoter唔太清楚


所以小嘉同上進去咗合益路望吓


有無D龍頭係算靚仔得嚟可以裝濾水器


 


睇完後,計過數…


新龍頭大約要$800


而睇中既珊瑚號(奇怪既名)


揀佢係因為佢可以有個adapter接駁去水龍頭


咁就可以係水龍頭位都較返要過濾/未過濾既水


唔使個過濾器左擺右擺喇!!





呢個就係珊瑚號喇!!
咁佢個出水位同接駁位係同一嘴


 


當小嘉同上進遲少少再返千色


個promoter返咗嚟


望望吓,上進問個promoter


其實係咪台下式一定要另外駁一個水龍頭出水


咁佢都話係要另駁.


 


不過….小嘉望到有個poster


係doulton原來出咗一款水龍頭


佢可以有齊original / purified water出水既功能


個promoter拎咗個真身俾我地望


都算靚仔,接受到


而最最緊要係…可以個filter放係台下


而台上只要一個水龍頭就得…咁就好neat咁


唔使個台面左一舊右一舊咁喇!!!





個水龍水都唔錯哎!!!
而個過濾器就係台低下面見唔到



見到個價錢係咁

…

Filter + 水龍頭 $2999


送一個過濾花灑同一個陶瓷濾芯


不過佢地安裝埋就要收$500但有一年保養


個promoter仲話可以平多$100俾我地!!


不過我地未買…因為都要等個星盆搞掂先得!


不過要問返個水龍頭要幾大個開窿位安裝!!


 


Yeah!!!濾水器問題解決!


2012/2/8

My Lovely Life ... 水水水@08.02.2012

My Lovely Life @ 水的煩惱


 


噚晚同上進傾偈


傾傾吓,講開呢排D weekend 會有咩人嚟


講講吓,佢話某星期日係佢媽生日


佢平時唔會咁強調D生日


因為佢屋企邊個生日都係咁…


食完飯切個蛋糕就當慶祝咗


 


點知….原來好戲在後頭!


上進講返,佢媽咪講明


佢生日後開始,我地要返自己度食飯


換言之,我地要自己煮喇!!


因為…佢話都係時候


咁自己有個家就自己搞掂!!1


 


嘩!!我當堂忍唔住笑晒XD


因為小嘉一直都想自己煮…


不過間屋仲有小問題未搞掂


所以就拖住拖住咁囉!!!


 


呢家無藉口…咁今個月就開始三低一高既健康飲食喇!!


可以同高糖高鹽高油say bye bye喇!!!


 


不過…有另一個煩惱喇!!


就係水…


因為發現廚房水龍頭D水都仲未係清晒


裝咗杯水係陽光吓會見到好多雜質


 


雖然上進犧牲咗佢credit card既奬賞錢


換咗個philips既濾水壺


但因為要等佢濾水實在太慢


呢家唔煮飯都可以應付到


但係煮飯的話…乾淨水supply唔切喎!!!


 


於是又要諗裝濾水器…


其實之前係打算裝濾水器架


不過…我地個水龍頭係扁身懶靚個D


所以基本上所以座枱式都裝唔到


 


但台下式既濾水器…


上網睇到話要係個台面石開個窿


駁返一個專用既水龍頭for purified water


咁小嘉又極度唔想係個台面石度開多個窿…


咁點算呀!!!!?


 


要同上進認真諗諗…會唔會換返個外型都OK靚


但係圓嘴既水龍頭….


 


其實濾水器都有心目中既牌子


見到好多人都讚doulton道爾頓


佢又係made in UK


而且係世衞certified D水係good既


最緊要…價錢唔係貴


點好呢???


2012/1/27

My Lovely Garden ... 快完工喇@22.01.2012

My Lovely Garden @ 22.01.2012


 


係聖誕節前


大判實牙實齒話間屋一定搞掂


結果…當然係假啦!


一時就落雨,一時又約錯時間


總之就係未搞掂啦!!


 


呢家室外大致完工


只差ADT因為未整一D柱去碼實個sensor


所以要等D鋼鐵舖開門再報價


而外牆因為鋪完磚同補泥關係


所以有D地方要補油


玻璃要等鋁既東東到埗一次過洗乾淨


 


致於室內…


主要係鋁既東東未搞


仲有…天台又再次有滴水情況


大判嚟咗試咗位


應該搵到個原因…過幾日天氣好再試多次水


無問題就可以搞返掂


星盆等Corian得閒D嚟換


 


最後最後,等工程完晒


所有東東OK,就會係泥面撒草米


咁就大工告成喇!!


聖誕前節的情況


最初初落水泥情況~

 

前面有一支支既地方,係D水管...用嚟疏水
(但其實...唔太疏水=.=)


樓梯製造中...


又要出動呢架長長既車


呢份工真係唔易做~


蕩返平...靚仔晒~


我們家屋前都搞掂^^

之後,我們家維持這個只有石屎沒有磚的情況....三個多星期=.="
等咗好幾星期...終於鋪磚喇!!!

鋪咗磚,即刻唔同晒!!!


我們家後面與P弟家門前的地方
就是BBQ的好地方喇~~~
(曼佳美射燈已經預備好,實夠光呀!!!)


磚鋪好後,小嘉期待之一既....戶外木地板都鋪喇!!!!
因為戶外既關係,所以要做一個鐵架牢固好個木地台~


師傅都好好人,好認真工作


鋪好喇!!!!剩低既材料
負責工程既師傅還可以退返俾佢....
不過要等初八先再聯絡~~~


有咗個木地板,個花園靚咗超多!!!
雖然比起大判係某國際學校用既日本人造戶外木相比,當然無咁靚
但...日本造那個要$3xxx一平方米,我這個要$16XX左右
quality都OK啦!!!!而且係用竹造,都算係真木啦~~~


由家裡看花園...有了木地板真係加分唔少呀!!!

因為木地板係年廿七完成
於是趕及係新年前係咁易整靚少少個花園...


努力將茶花種落地既二人組
附近的龍柏只是暫放...
因為那邊的泥之前有水泥放過
怕污染,所以要等過多一段時間沖淡咗先種落地
其他爛泥一片的地方...遲D就撒草米


屋門旁邊的小花糟,辛苦咗幾個鐘
終於整好D木柱同放咗D金魚草同紅繼木係上面
嘩!!!整完之後個幾日...條腰斷咁濟呀!!!!

希望其他工程都快D完成,咁就可以快D完成我們滿有恩典和喜樂的家^^




2012/1/17

My Lovely Life ... Happppppppppppy Birthday 2012'

My Lovely Life @ 31.12.2011


 


剛剛踏入2012無耐


就係小嘉生日大快樂喇!!!


今年好開心啦~


因為爸爸媽咪細妹舅父同hoiling一家都嚟咗


佢地主要目的慶祝新一年


大家一齊倒數


次目的順道係咁易幫小嘉慶祝生日


阿四勁變態送左一大袋….可以稱之為…垃圾


因為有佢係澳洲買既手信+…………..佢係屋企發現擺咗好耐


而又驚再唔用就過期既茶葉!!!!!!!!!!!!!!!!!!!!!!!!!!!!!!!!!!!


不過…


都有D正常禮物既…


燈燈燈燈….無錯係燈呀!!!


小嘉好鍾意燈架~~~



呢盞燈小嘉之前已經睇中
可惜上進唔俾買...


但係呢家有人送...上進無得出聲啦!!
哇哈哈哈哈哈~~~~


2012/1/10

My Lovely Life ... 雪耳紅棗燉奶@08.01.2012

My Lovely Life @ 08.01.2012


 


因為以斯帖既姊妹話小嘉…


無睇中醫調理身體…所以都應該間唔中燉吓野


就係咁…買咗個電燉盅喇!!!


 


由於有10天內有壞包換


所以小嘉就襯星期天,好好咁試吓用啦!!!


今次燉既係….雪耳紅棗燉奶!!!!


事實呢…


係本來同事教咗燉花膠…


但上進覺得成本高


怕小嘉有失誤…小嘉亂咁上網搵


原來雪耳都可以燉奶喎…


又見人地燉木瓜奶都落紅棗喎…咁咪無蝕底落埋囉!!!


 


材料:


雪耳…不詳(上進媽浸咗一大兜)


紅棗…十幾粒


冰糖…一碗!!!無錯,落咗一碗…所以好甜呀!!!


奶…一大支紙盒裝奶



 


首先…


因為個電燉盅有得預較時間


於是…小嘉較咗6分鐘後先開始燉…


 


根據小嘉半知半解去睇個說明書


首先著機


然後按預約…0.1hr


然後按功能…甜品


再揀1hr


 


等呀等…


點解…明明個LED show時間係減少緊…


但係…個盅唔熱無反應既???


 


等呀等


等咗足足45分鐘


呀!!!!!!!!!!!!!!!!!!!!!!


原來…預約的話


按左預約0.1hr


然後按功能…甜品…


咁就夠喇!


佢已經preset甜品係燉1hr


我之前再按1hr…係…


預約1hr後先開始燉呀!!!!!!!!!!!!


 


 


幾經辛苦…(其實係個盅辛苦D)


終於燉到喇!!!



 


登登登登~~~~


雪耳紅棗燉奶


2012/1/9

My Lovely Home ... Garden@09.01.2012

My Lovely Garden @ 08.01.2012


 


真係C火喇!!


旅行D相都未過晒


又停咗無寫歐遊…


希望新年假有D時間就整理吓再寫返個blog先!!!


 


我們家的花園都開始大改造喇!!


首先…


鋼閘係幾星期前已經裝咗喇!!


 



呢道閘係小嘉設計


(其實…無咩design可言)


但小嘉本來係想要D橫間密D…


可惜如果做太密,廠房既機器就粗得濟


伸入唔到D隙位打磨同焊接


所以…間疏咗好多呀>~<


 


 


訂既花花一早送嚟


不過…茶花開始開喇!!!!!


真係幾靚…有超多花蕾!!!


希望可以農曆新年時開晒啦~


 


 


呢個係最新情況!!


我們家和P弟家中間既common area


鋪磚喇!!!!!!


本來唔係鋪呢D磚


則師朋友幫我地揀咗第二D


但…因為D磚太太太貴喇!!!


所以我地就係元朗既磚鋪


揀返差唔多色同款…


So far出嚟效果…


都OK,同原先既都80%似啦…小嘉估^^


 


大判話農曆新年前一定搞掂晒…


不過….都係唔得啦!!


但都搞掂9成..


今個星期花園地磚應該鋪晒


屋前木地台如果約到會係星期六/日安裝埋!!!


 


餘下新年後工程:


1.換返大既星盆,Corian要嚟開大返個台面石既窿


2.屋內所有鋁執漏未造,新年後先再訂造>~<