Preparation @ December 11’
話唔諗唔諗
又點可以做到哎….
不過…噚日開始
再無咩心機量體溫
反正都係嗰個range度徘徊
相信今個月係無egg排
灰…
所以...m小姐可唔可以快D嚟呀!!!!
呢排…應該話
由開始想有B嗰日計起
成個人既心思
都好似俾bingo唔bingo
體溫,分泌…..等等佔據晒
今日先醒起
唔記得為細妹見工既事情禱告
好內疚
每日祈禱既內容
第一位都係放左係做B上
真係要反醒吓
我知天父會俾呢個產業我
只是希望早一點
(襯還有氣有力嘛)
要關心的事情還有很多
要努力放開視線!!!
小嘉太過在意阿B一事上
所以呢個月無egg排都好好唔開心
嚇到上進竟然無啦啦大出血
決定送電話俾小嘉
所以小嘉為左天父,為左上進
再加埋佢送既電話
要努力輕鬆一D
世上萬事都有定期
Preparation @ December 11’
呢篇blog...其實係上星期寫左
不過無心機 post
Cycle 3真係令小嘉唔想記錄
因為今個cycle實在太奇怪
體溫到Day 28還是不高不低
唔知佢想點
好像…身體有點毛病
煩….
本來仲話2nd anniversary可能check到
唉….
Day 15 ~ Day 28 BBT都在36.3~36.6游走
但係Day 21& 22 f eel到個肚有扯吓痛
係Day 23有一大堆分泌
呢日有個朋友仔俾大佢唔要既紅D我
驗吓…有條淺線….到第二日就無lu~
Day17 留左支探熱針係公司
幾日都用左其他探熱針
Day 28有返支探熱針
發覺溫度都差唔多
究竟有無排egg呀?????
定係呢個cycle無egg排呀?????
呢家每日定時定候都超奇怪囉!!!
朝早探溫…唔使睇都知
嚟嚟去去都係36.4xC~36.5xC左右
但一返到公司個人坐定左
個體溫又彈到36.7C~ 36.9C
到夜晚沖完涼
攤係張床到再度
點知….個體溫跌到去35.8xC
想點呀!!!!!
究竟係天父想我唔好理D體溫
(因為真係理佢唔到,咁反覆=.=)
定係想話我知…我有D問題呀?????
My Lovely Travel @ Europe Day 9 – Spitz > Interlaken
Date: 23.10.2011 (Sun)
Venue: Spitz > Interlaken
呢日一大早(其實都七點幾八點啫!)
起身去到Milan中央火車站去瑞士喇!!!!
搭火車時D坐位number完全係估佢唔到
因為車票係internet訂,話左想一齊坐
見佢俾親都係隔住個number,咁諗住單數一排
雙數一排咁啦!!!
點知!!!!
明明小嘉同上進既坐住係46,48
原來46係左手邊窗口位
48係右手邊窗口位
當堂啞左!!!!
好在…架火車無咩人
所以可以自己鍾意坐係邊就坐係邊
沿路都一路睇住風景
發現原來要知道係咪到左瑞士境內
都幾易睇得中
因為真係非常明顯
意大利同瑞士邊境既屋係差唔多一樣咁濟
但係…如果你見到D屋滿怖裂痕
又有好多雜亂既植物爬到成間屋都係
咁…呢度係意大利
不過一入到去瑞士
你會見到D屋好新淨又乾淨好多
花園打理得好靚
因為想慳時間之餘又想搭吓船
所以我地係Spitz落火車
計過數買half fare card係最抵
所以之後係瑞士基本上既車費都係半價
去到Spitz真係好唔同
瑞士既風景真係好靚呀!!!!
我地要去既目的地...碼頭就係好前面個座鐘樓附近喇!!!
隨時都望到雪山...不過唔知邊座打邊座=.="
好大棵又樹型又好靚既蘋果樹
見到樹上面有好多蘋果!!!!
其實呢個時間係瑞士開始步入冬季
但鴨鴨係湖裡面游都唔覺凍咁~
個碼頭好乾淨又好靚...
坐左上船後,周圍既風景都好靚呀!!!
到左interlaken,想食吓M記...
見到有個咁奇怪既包..於是叫嚟試吓....
咁既餐盛惠港幣$100多D
上進個餐再貴D,要差唔多$120呀!!!
瑞士每個地方都有自己既徵
感謝天父...因為去到瑞士有好天氣
好多人玩滑翔午架!!!
係住既酒店外面有好聖誕feel既植物!!
小嘉同上進住既酒店...成幢樓都係木造架!!!
連廁所浴室都係木造架!!!
My Lovely Life @ Car Car
睇返自己個blog
原來7月22日已經買左car car
而架車都係9月收到喇!!!!
去完旅行返嚟
上進已經開始自駕返工
Wow~
本來每日要7: 20a .m.出門口
大約8: 50a .m.左右先到公司
但呢家可以7: 50a .m先出門口
但係8: 25a .m.左右就返到公司喇!!!!
放工都好正呀!!
35~40mins返到屋企!!!
以前要1hrs 30m ins左右架!!!!!!!
當然…慳左呢D時間係要付出
大欖+西隧…真係好金…
感恩係屋企同老公公司有地方泊車
咁先慳返D啦!
睇吓我們的car car…不過…好好好污糟
真係好大塵,個個星期洗車都咁污糟
不過噚日去左打臘
靚仔返晒(不過無晒相=.=”)
我們家的村是不是很古色古香呢~
前面...都幾靚仔
Audi送既天窗...好靚仔...不過...呢家好多塵呀!!!
My Lovely Travel @ Europe Day 8 – Venice
Date: 22.10.2011 (Sun)
Venue: Venice
同豬咪反完梵帝岡…小嘉係第二朝一大早
就去到Rome Termini度搭火車去威尼斯喇!!!
有一個小插曲係出發現發生…
事緣係前一日,小喜上進同豬咪已經同Sheraton既職員溝通
代為幫忙第二朝call taxi去termini
咁職員話OK,價錢話係twenty five eruo
因為小嘉係Sheraton既webpage度睇過
佢地都寫左由hotel to city centre係€25
第二朝一早,去到reception
原來佢地call既taxi係自己酒店既???
不過無所謂啦!!!
去到termini我地俾$$時
竟然收我地€35
咁我地拗左好耐話係€25
個的士司機都好好,打返去hotel
不過最後都話€35…咁我地照俾住
豬咪遲D再同佢地傾…
最後結果…都係俾€35….唉…原來佢地成班人
將thirty five讀成twenty five….咁佢地webpage當然係流啦!!
不過….咁個職員見到豬咪都自動講返件事
仲wave左我同上進屈蛇既tax…咁都慳返€6
算~
好…講返Venice…呢個地方都真係幾靚..
不過…其實唔太大,一日行晒有餘
而呢度都好多好多人….感覺好過rome好多
果然北D既地方係好D~
好多人呀!!!
真係好多河呀!!!
見到有棵柿樹呀~
有人結婚呀!!!
其實個時都幾凍吓...
泊"拱多拉"既地方...
(其實佢地周河泊的~)
唔知咩皇宮~
維修中的嘆息橋~
去到威尼斯會見到好多poster講佢地努力保育
真係見到佢地D水好乾淨....有紫菜呀!!!
因為實在有時間淨...而威尼斯唔係太大
所以...坐佢地D船返station...
真係好慢~
沿大運河返去喇~~~
途經一D museum.
諗走買左一杯tiramisu...好好味!!
盛惠€3.5都抵喎!!
My Lovely Travel @ Europe Day 7 – Vatican III
Date: 21.10.2011 (Sat)
Venue: Vatican
經過希望驚險差D搭唔到機
又經過地鐵月台爛晒+shuttle bus唔準時
終於…都join到豬咪喇!!!
係Sheraton settle down左後
我地就搭返架仍然唔準時既shuttle向Vatican進發
落車既地點係真實之口附近
不過…見到都有D人排緊隧
再加埋…海洋公園都有個A貨…所以對佢興趣不大~
隔住個鐵欄係咁易影吓個真實之口…正版既~
然後,我地就向住聖天堡方向行
沿住河邊行,好遊閒又好舒服…D樹都好靚
如果佢地唔係歐豬之一幾咁好呢!
呢D懷疑係栗子樹…
可惡呀!!!!!!
我地一直行一直行…都行左成半個鐘
沿路間唔中都有D指示…但唔好盡信呀!!!!
有一個指示牌俾D人擰左去第二個方向
我地跟住行…好在行左一個街口唔夠就覺唔對路
呢度D人好無公德心…路牌對遊人係好重要
佢地咁都要惡搞>~<
行左應該有40mins
終於到聖天使堡…不過我地唔係入去喎!
我地路經聖天使堡,係咁易遠距離影返幅相
跟住就向Vatican進發
一路都見都唔少遊人同開始有大陸團喇!!!!
去到
因為見到都有好多人排緊隊入去個教堂
於是我地當然係去排隊啦!!
而排係我地後面既就係大陸團
一路排就一路見佢地開始係咁插上前
小嘉同豬咪排緊隧
見無咩做就打開旅遊書睇吓D介紹咁
恐怖既事就係呢個時候發生……….
我地睇睇吓….點解…點解無啦啦有個頭插入嚟
仲要係小嘉同豬咪頭與頭中間插入嚟!!!
嚇C人喇!!!!!!!!!
原來係後面大陸團一個女人塞個頭入嚟睇我地本旅遊書
有無咁恐怖呀!!!!!我地個本係繁體字….佢都唔識睇
佢仲要係不停塞…我地走向另一面
佢個頭就追住我地去另一面
最後….唯有唔睇…因為唔想同佢個頭痴埋一齊=.=”
後面個位女士…原先排我地後面再後面
但到差唔多入場
佢變左….應該話佢個團變左排我地前面再前面=.=”
其實呢日排隊都唔算太長時間
都係大約30mins左右
我地就係左St. Peter Church喇!!!!!
入面真係超靚…
好宏偉既教堂
入面仲有幾幅疑似係之前教宗既遺體
都….有D恐怖
My Lovely Travel @ Europe Day 7 – Vatican II
Date: 21.10.2011 (Sat)
Venue: Rome
終於可以離開呢個大閘門喇!!!
呢D酒店...根本就係好少少既重慶大廈...遲D再講~
離開酒店,小嘉同上進就急步去metro站
因為要係10:30前去到搭shuttle bus
小嘉同上進要先到鬥獸場站
然後再行/搭的士(睇情況)
點知!!!!!去到鬥獸場站…原來成個月台都俾大雨沖爛晒!!!
所以metro唔停站…救命呀!!咩事呀!!
去到下一個站…於是問metro station內既人
我地應該向咩方向搭的士會去到個目的地
佢地都好好…猛話唔使搭的士
只要搭3號巴士5分鐘就到
一出metro就見到對面馬路有3號巴士
於是係咁追…終於上到車
不過….
C火!!!!原來搭左反方向=.=”
我地返左去鬥獸場站…
因為時間得返15mins左右
所以即刻搭的士….
幾經辛苦去到個目的地
因為sheraton係無站牌既
於是問附近既café…佢話因為整緊路
個站去左前面(大約2~ 300m )既巴士站
去到個巴士站,都差唔多10:30…但係唔似有shuttle
於是問個路人…佢又話個站係返café個度附近
於是同上進又拖住行李飛跑!!!
結果….我地搵極都搵唔到個站
真係好唔掂!!!
話晒咁大間酒店…shuttle bus個站無站牌
改左站又無通知(小嘉係網上面再三confirm個location的!!!)
再加埋…豬咪架機原來10:30已經落左
佢10:45已經返到酒店….
無辦法…於是唯有即刻打俾豬咪佢等我地
我地飛的士去酒店
結果………..
去到酒店發現…..
原來佢地shuttle bus根本亂嚟…原來遲晒大到
如果我地係個巴士站再等左15~ 20m ins的話…
咁我地會搭到囉…
呢個國家…真係好無時間觀念=.=”
