My Lovely Garden @ New Members
見到花園個花架仲有一層係未放花
一直都心思思
好想買多幾盆塞爆佢
可惜睇嚟睇去都未有心水既靚花
之前係紅磚屋睇中盆好靚既海棠玫瑰
不過…個店主話大人買咗
(不過買左之後成幾十日都未拎=.=)
於是…對海棠玫瑰念念不忘
終於….
前幾日行開伯娘幫襯開既舖
見到返多咗少少花
於是終於買咗三盆喇!!
第一盆係金魚花
呢種型既花花小嘉好鍾意
尤其是白色,淺淺既綠色+淺淺既黃色
好靚…..咁茂盛既一盆都係$15大元!!
問咗老闆,佢話呢D花係開完可以再開
唔係開完就byebye,只不過記得D花謝咗要剪咗佢
第二盆同第三盆就係….
海棠玫瑰喇!!!!!!!
其實兩盆都有少少殘
不過…見佢有好多花蕾
小嘉最鍾意係橙色呢個色既海棠玫瑰
不過間舖得一盆
所以就要咗另一個少少粉紅色
每盆盛惠$30大元
拆袋時…嘩!!!
D花瓣仲勁過落葉
仲有 一兩 塊葉係爛咗
估計係屈係個袋裡面太多
焗到D花又謝葉又爛
希望佢呢家吸到新鮮空氣會好D啦!!!
P.S.三盆花上進都換咗盆
因為個盆又細D花又大棵仲要D泥勁少
所以….園丁上進就幫忙換盆喇~
來個全家褔^^
個花架好靚, 貴唔貴ga?
回覆刪除[版主回覆03/08/2012 14:12:51]個花架唔係好貴,我老公同個老闆娘講價,架連下面左手個盆花,都係$235.
係錦田紅磚屋買~
靚靚
回覆刪除[版主回覆03/08/2012 14:13:44]係呀!!有D花係度,真係當堂唔同晒呀!
[版主回覆03/08/2012 14:13:37]係呀!!有D花係度,真係當堂唔同晒呀!
下次去你屋企一定好靚姐~~
回覆刪除[版主回覆03/15/2012 11:10:38]痷望下次你地嚟時佢地仲有花開啦！我遲d去花展，今年係風信子做主題花，我好想買到d又平又靚呀！
多謝你詳細的資料! 我之前都係合益嗰檔買過花. 又係紅磚屋買過海棠同長春花. 有啲花種咗落地, 比隔離屋隻狗條過離小便踩死同拿死咗. 啲長春花就由半呎大生到三呎大, 一發不可收拾. 我諗住再買都係種盆, 易啲控制. 所以都係買啲細細盆好了. 我今日又淘了些花架同種子. 希望快啲整好.
回覆刪除[版主回覆03/30/2012 09:03:19]我屋企都有幾棵花俾狗咬斷咗>~<
我覺得種盆易打理D,但就生得無種地咁靚...上星期花展我都去咗維園買咗D種子,呢家種咗D向日葵,希望佢地快D開花~