My Lovely Life - 清洗冷氣機

前排唔知點解
發覺無論日或夜
三樓間房都特別熱
開咗冷氣都無用....
之前都唔係咁樣
上進諗住唔通天花太熱...
於是晚晚抽桶水淋天台
希望降吓溫
但都係無咩用...

最後發現部冷氣原來有D問題
(好後知後覺既兩個人)
於是搵人睇...先知原來部冷氣勁污糟=.=

等呀等...終於今日有師傅嚟整喇
嘩!!!一洗完...當堂唔同晒
成間房涼晒....
咁先似樣嘛!!!!

其實洗既時候小喜都擔心...因為部機下面係電視同插蘇
而隔嚟又有部琴係度
好在...師傅都洗得好細心,無整濕任何地方