我的手作仔 の Ring Pillow~

呢個介指枕...其實我買左好耐啦!!!唔....無記錯係07年尾,去北海道旅行時,行過(其實係特登搵...想買D十字繡的東東)手藝店時買...

本身熊啤啤下面個枕同熊啤啤係分開兩個kits嚟...但係我買完個枕又睇中對熊啤啤喎...而又唔想浪費買左的枕..於是將佢地合而為一.....

講真...呢個枕未必比街上面見到lace熊啤枕靚...但係佢地每一隻眼,每一隻腳都係我造出嚟...我仲整埋副眼鏡添...所以好有意義啦!!!

有血有淚...整個時真係自殘過幾次....即係俾針拮到隻手指流血哦!!!

focus 埋個啤啤樣先.....我好認真o架!!!連D毛的方向都跟足指示...好彩網上面有日文譯中文..唔係就真係看圖識字啦!!!!

係喇...大家係咪好想知介指係點樣放上去呢...登登登登.....謎底而家解開!!!!!

見唔見到呀!!!就係咁穿係兩隻熊仔的手度...好有意思呀~~~~~P.S.呢家熊仔上面的介指並唔係結婚介指..我已經俾人問過好幾次...點解淨係放一隻,唔放晒成對上去....

俾個近鏡....係咪好得意呢!!!!我媽咪見到副眼鏡就係咁笑........