其實小嘉和上進現在已經住住我們的家了,但花園仍舊爛泥一片,而家裡亦有些地方需要執漏.
講返花園,在最初的時候,A小姐設計我們家的花園前門位置會鋪戶外木,但…之前B君的報價回來,由於戶外木不是就簡簡單單的鋪在地上,而是要先做一個水泥地台,地台要接駁去水喉,去水喉會將水引走,單單這個地台就要做二萬多.
而戶外木,因為現在什麼都加價,一平方米要$1800大元,我們家前花園要做20平方米…嘩!!!咁就$36000喇!!!那麼...想要一個戶外木平台就要五萬多六萬.
B君都話…其實佢收成本價,佢都話價錢唔平,佢都唔建議去做,如果我地唔做的話,佢會用D好似呢家行人路個D磚,不用做地台就可以鋪,B君話這樣做可以慳很多喇!
由於我們家有很多地方都out budget,為了慳錢,所以上進都打算不做戶外木,待遲 一兩 年後,又再儲到錢才再做過.
小嘉好失望呀!!!!
不過!!!!!小嘉突然諗起…由於合約已包,我們家的天台和露台都會鋪戶外木的,小嘉心想,天台都不見得日日會到,而且也不外面也看不到地台,於是同上進講,可唔可以問B君,將天台的戶外木改鋪地下,我們照補做地台水泥的錢…那麼我們可以只用二萬多就做到戶外木,傾過跟P弟商量後,他們都非常讚成,現在我們決定…P弟家的天台不鋪戶外木而改鋪我們家和P弟的地下,而上進就計返個木地板錢給P弟.而木地板的價錢是跟之前合約列的…做計大約$600一平方米…所以大約要補$12000給P弟!
感恩!!小嘉又可以有返一個超靚靚的花園…超期待呀!!!!
