昨晚天氣開始急凍,bili bala比平日黏人,每當小嘉坐在sofa看電視,上網,兩隻小鬼就跳上來,要坐在小嘉的身上.不過小嘉也很享受哦…因為…好暖呀!!!!
牠們跳上來時,小嘉突然好想念寶寶哦!寶寶很喜歡跟我睡的,就算我多天沒回家,再回去睡一晚時,牠都會特地跳到上層床跟我睡的,這幾星期都很忙哦!看看遲些時候回家看看寶寶先^^
原先想拍Bala看鏡頭的相...但...只影了背部啦!
終於望鏡得啦~~~
Bili實在太難focus...影了都好像黑色一片的...
小嘉出動左手...bili再隱約影到雙眼.
坐小在小嘉腿上的兩隻小鬼...
昨晚跟牠們玩玩的時候,發現兩隻小鬼的口超臭的說...上網看看,一可能是牠們有吃濕糧,所以會臭,二是腸胃不好,所以有口臭問題.
唔...小嘉本就打算幫牠們擦牙,只是這段時間較忙,看看星期五珍妮會否找到貓咪牙膏,然後就口腔大清潔...不過,bala的腸胃好像不太好,每次吃完肚子都會咕咕響...而且便便有時會爛爛的...要留意留意.
趁佢地仲細，真係要快快同佢地開始刷牙，咁佢地習慣左就唔會反抗得咁緊要 我依家鄉10蚊店買BB用的牙刷，我覺得比用動物用的更好！因為刷頭細粒d~~
回覆刪除[版主回覆02/15/2011 09:50:00]我本身諗住一拎佢地嚟就開始幫佢地刷...點知...我想買牙膏時,珍妮又話佢屋企有,佢話都幫唔到D貓刷,話俾我...但佢仲未搵出嚟呀!!
我呢個星期六會去寵物展,星期五見到珍妮時睇吓佢搵到俾我未,如果仲未就係寵物展睇吓有無得平....
唉~~我預定二三千蚊去寵物展,諗住如果有D貓糧貓砂貓罐頭平就大量入貨...佢兩隻野使我好多錢...最貴係貓罐頭,每貓一日要一罐,要用成$24蚊呀!!不過我有比足夠乾糧佢地...所以佢地重左好多,我嚟緊開始俾少D貓罐頭佢地,但就溝多隻乾糧俾佢地balance吓d營養,養佢地就嚟貴過湊仔呀~
係呀!!我噚日同同事傾開話幫屋企D貓刷牙,佢問我D牙刷係點,然後佢都講,佢用D有膠粒既刷頭幫個仔(係真係BB仔)刷牙,我都覺得會乾淨D同埋舒服D...等我都買過試吓先!
會唔會乾量唔適合呀！
回覆刪除[版主回覆02/16/2011 09:47:00]Thx thx!!
我都有D擔心係乾糧唔適合...但我又每朝同每晚都會俾每隻貓半罐濕糧,唔知係咪無刷牙先咁...其實我噚晚專登打開佢地個口再聞,都係有D臭,但又唔係好好臭咁...
不過我嚟緊都會俾佢地試多隻乾糧,睇吓會唔會好D咁,而家呢隻食緊既真係好似幾好,D毛有光澤左好多,體重又重左唔少,不過如果真係呢隻糧唔適合,都要搵過第二隻.