My Lovely Handmade Soap ... 金盞花抗敏皂@06.02.2011

第一次做手工皂,真係超緊張呀!!!

過程中錯漏百出,最後仲搞到俾D未皂化晒既皂水灼傷左少少隻手…仲勞動上進兄幫忙清潔…搞到小嘉都起勢同上進say sorry,不過感恩,上進話如果再小心D,又唔會整爛屋企D傢俬,佢覺得任我玩都OK!

首先...小嘉暫時有的儲備....

大部份的材料都是從台灣托返嚟~

櫃桶下格是放工具...小嘉遲些要買些架,好好的放整齊!

係Jusco十蚊店買的...用來墊枱...因為我們家的枱是木,如果皂水/NaHO不小心滴上去,小嘉實俾上進打死的>~<

好!正式開始....先煲水...

再用電子磅量材料...

由於家裡的水有少量物質....所以...用住蒸餾水...

不過...為安全計...或許第日都繼續用蒸餾水....不過買一些便宜些的~

好!!跟返本書去量材料...

唔....努力中...但係...點解左手邊個圖既皂...好似有D唔同左...咁似月餅既~~

今次既主角...金盞花....

嘩嘩嘩!!!!唔怪得啦!!原來....小嘉揭錯左去金"銀"花那個呀....從此可見小嘉有幾"細心"...

量了12g既的金盞花....

用250g水煲.....問題嚟喇!!!

本書明明寫呢個分量...然後煲完既金盞花水雪冰去,之後用220g金盞花冰嚟做皂...

但係...點解我煲完...出埋手用力渣...都係得160g水....點算!!?

小嘉唯有加返70g水落去....感恩...感覺望上去都仲係好濃味...

做皂不可少的不鏽鋼盆....

今次既材料...椰子油,棕櫚油,橄欖油,乳油木果脂,甜杏仁油...同埋因為無榛果油所以就用澳洲堅果油....唔都一樣係保濕,所以...無咩所謂啦!!哈哈哈!

努力搞努力搞....由於第一次做,所以份量都係減返半...

不過實在太怪,明明係網上面同書上面都講...溝NaHO時,D水會好熱...但...

我用溫度計...量到最高溫都係得個30零度...最後搞到要加熱添...

唔通...D冰太凍???下次試下用冰水先!

最後....幾經辛苦,搞左半個鐘...小嘉將成品倒落個亞加力皂模到...點知...

一拎起,成個皂模分體呀!!!D皂液倒晒出嚟....灰爆...

感恩係努力撈返起..唔都仲有八成係度....今晚就會脫模...希望成功啦!!!