有一段時間沒有update我們家的狀況…看看稍稍執拾過的家,因為三樓之前都看過了,所以這次看看地下吧.至於我們家花園還是一片泥...沒什麼好看的,遲些時候努力找樹和花...小嘉想種香草呀!
這個是廚房...
在simple living 買的枱...很不錯哦!
廚房的窗要小心點...因為不太察覺,很怕忙了關之後讓bili bala跳出去!
sofa 位...其實客飯廳加在一起,不是太大...
客廳旁的偏廳...
右手邊是bili bala的閏房....左手邊是洗手間...
這個偏廳...原來則師朋友設計成麻雀房...嘉和上進都不打麻雀的..不過噚日可以讓宇爸在這裡"招呼"親友.
由偏廳看回客廳...
這個就是原先要賣$3288的燈...我們第一次看時,要$3288有八五折...也要$2800左右...但過一個多月去看,因為燈飾舖賣剩貨尾,只剩下兩盞,所以大特價...$688,yeah!!!!
我們家的樓梯...已成為bili bala的遊樂場...
樓梯旁這塊長長的玻璃...可是則師朋友的心血結晶.
二樓走廊...
現看到這裡...將來園弄好就再看看囉!
嘩...一個字...正.....
回覆刪除個kitchen超愛呀.....夠大呀...越睇越羨慕呀...
[版主回覆02/16/2011 09:36:00]不過....呢個廚房俾我用係有D浪費....
但講真喎...我情人節個日都有煮吓野...個富士皇(其實唔係富士皇...係同廠出既另一個牌子抽油煙機),都真係幾掂喎!!
我炒菜,咁我一路炒都見到幾多煙,同埋都真係有D蒜頭味,但係我老公係後面張餐枱度,真係聞唔到有味...呢部機應該真係幾勁!
你新屋好靚呀!!!簡單舒服....最緊要夠大!哈哈!!
回覆刪除[版主回覆02/24/2011 15:19:00]哈哈!!因為係村屋,所以會大D,實用率都好D.
不過比起傳統村屋,我屋企其實就無咁實用喇~
你屋企感覺好warm 呀...
回覆刪除[版主回覆02/25/2011 10:16:00]thx thx!!我鍾意屋企warm D,咁會舒服D...所以用得比較多木既野去裝飾^^
你都加油呀!希望你溫馨的家都可以快快完工啦!!
你間屋好靚呀~~~ 我諗裝修都唔少$$ 呀.. >_<""
回覆刪除[版主回覆02/25/2011 14:37:00]都唔知裝修費係幾多
因為我地起村屋度包左D基本裝修,所以油油同鋪磚同廁所裡面D野都係起樓包,連廚櫃都包埋...不過好似feature wall,假天花,木地板呢D就係另外造.不過...總之我地兩個都清晒袋,又要努力儲錢喇
咁都係,始終鎖係保安作用,我知道仲有更加貴既鎖的...哈哈~
回覆刪除咁你屋裡面大門有無一個門"率"?用途好似以前d防盜錬咁?
但唔係錬,"啪"一聲咁既呢...哈哈...我都唔知果d叫咩....
因為後尾諗諗吓,好似有個果d再安全d?!~
開頭有諗過加錢,要你揀果款石,但美廚話有個風險,話d紋會對唔到,
唔知我地接唔接受到,我地仲要有個擋係上窗既,所以有幾個駁口位;
然後又有d唔捨得加錢,哈哈....所以就揀左茉莉囉嗦...
係...唔會一直對住塊石..哈哈~~
美廚個餐都加左價呀...我地之前係$11580 ;而家係$12800了 ;
佢話因為corian加價喎...真係越遲做越貴~
好彩,本身租屋時都有d傢俬可以用番,床裖有用緊,唔洗再買,
所以慳左d錢,當留番,因為真係over哂budget~~
[版主回覆03/08/2011 10:56:00]個防盜好似個"卒"個隻!?
我屋企無呀!!我對大門因為係鋁門,連大鎖都用唔到,只可以用返佢地原廠門出既鎖>~<(其實主要係則師覺得咁整會唔靚)
所以我成日都驚唔安全架!同埋呢家個圍牆又未整好,感覺好似中門大開咁 不過第日整好圍牆,會搵保安公司裝一D防盜既野,咁到時應該會OK D既....
我揀個款石時,廚櫃公司無講話要對紋...不過可能我地地下有趟門,塊Corian石係原廠"L"形咁送嚟,中間都無cut開過,我諗咁樣簡單D,所以唔使煩對紋啦!
呢家真係咩都加價...但係你應該唔使補錢呀??你之前已經落左訂,咁應該hold左個package,就算Corian加價都應該跟之前個package價啦!!
裝修真係超用錢...真係慳得一蚊得一蚊....我因為之前租屋個間屋,咩都有,甚至沙煲瓦礃都齊,電器梳化都有埋...其實係老公個同事既屋,佢地因為生左小朋友,成間屋掉空返左阿媽度住....所以...我地搬屋時,真係咩都要由頭買過晒....到呢家都仲係有D野未買...諗住用到時先買囉!
呀!!仲有呀!!!我前排未話要去睇廚房廁所D架既...其實本身都睇中左,不過諗住再度度長度,點知行行下,係實惠見到有天上野既吸盤架(都有好多款吓!),佢仲話可以吸有花紋既磚,於是我地買左個廁紙架同毛巾鈎試...真係好掂喎...
於是前幾日再買左一個架...其實係一條棍上面佢有幾個鈎,我地再掛多幾個鈎,貼左係廚房用嚟鈎野,又OK喎!我老公超開心,因為佢成日都唔想係幅牆鑽窿,而佢個外形都OK既...白色咁啦!!佢仲有D係可以放醬油都OK靚仔既吸盤.等我今晚返去,記得的話影幾幅相先.
咁計落一來又唔使鑽窿,二來又慳唔少...因為佢呢D架都係幾十蚊個,當然如果同其他吸盤鈎/架計,佢都貴兩倍左右,但係同不鏽鋼架比,平超多,你有興趣,可以去實惠望望架!!
我都係o係灣仔番工o家....o係電腦城附近囉...
回覆刪除哈哈...又會咁o岩既~
係呀...出面住番工真係好方便,搭巴士又平,
不過同你地一樣,又係要放假番入元朗,
所以成日都覺得無乜放過假咁~呵~
其實市區同元朗都有佢既好處,
向番好果方面諗,就住邊都開心啦~~
我而家買果度就係翠怡8座囉....
我地上年出招前買的,果時有諗過買海欣新樓齡d,
但果時海欣d業主心都好雄,睇番銀行估價,都係估唔足的,
所以就揀左翠怡,係舊樓齡d囉...我地都覺得ok既~
係呀係呀...我都會咁o家,覺得屋企好細,
再買野番黎就好迫o家喇,所以都好的,慳番d嘛~
有時d野,其實唔買都得既~哈哈
[版主回覆03/09/2011 10:56:00]翠怡都唔錯架!!
以我個時係呢區嚟做...海欣真係第一選擇,翠怡都好好架!曉峰都OK,不過翠怡有一樣野要留心,因為樓齡始終耐D,佢地間唔中有D單位會有滲水情況,所以你要留意吓天花會唔會有D水漬咁啦,其他佢地都幾OK,管理公司啟勝都做得唔錯(如果無轉的話!),定時定候會有活動搞吓.
海欣就真係幾正,連我有個同事都係個度住...其實如果一個屋苑,無搞法團...我自己嚟覺得,係好事.因為...大多數要搞法團既屋苑,都係因為有D事出現左,咁業委會唔夠力去解決,所以先成立法團.