經過一輪雞手鴨腳的忙亂中,小嘉終於係2月6日完成第一次既手工皂,係2月7日打開看看…唔…好似凝固左喎!於是先折模…
嘩!!好淋呀…好似好軟既雪榚…好怕拆既時候整到變晒形…
好緊張呀...呢個發泡膠箱...係香草工房送既^^
其實...我只係象徵式咁搵塊報紙包住就算...都好怕唔夠保溫...
影到out focus晒添....凝固左喇!!!
戰戰競競咁折左四面既模...仲差底下那個拆唔到住...
到第三日喇!!嘩!!!下次都係包返保鮮紙(因為無買到...),無諗過隔一日,就貼到咁實....
折左喇!!感恩...個形狀都大致仲係到...
真係好似一舊cheese呀...
以為好易切...原來都唔係....因為買唔到切刀(得番波浪紋...但我唔太喜歡),所以只係搵普通生果刀切...點知好難用力,一路切,一路斜埋一邊...
小嘉望左好耐...點解有D一點點....
諗左一陣...估計係....小嘉本身想用洋甘菊粉做渲染(好一個未學行,先學"飛"既人),點知...洋甘菊既粉溝到杰"tata",唔好話做渲染,就咁溝落皂液都成問題...於是...出現呢家有一pat pat深色物體....我估.
呢家開始等佢成熟喇!!
made on : 06.02.2011
mature : 05.03.2011
因為我唔識 , 所以我初時睇, 未睇字, 仲想講我覺得好靚呀, 有啲深色嘢, 我以為係你專登嫁...嘻.....
回覆刪除不過依然覺得好靚囉....係喎, 我想問吓, 你呢啲皂, 我見你寫係抗敏, 請問呢啲係用係臉定係身到嫁??/ 因為我同老公都係敏感, 呢幾個月我哋好煩惱, 無論係塊面定係body, 都好痕, 好紅, 所以想問吓你呢啲啱唔啱我哋用嫁/???
[版主回覆02/13/2011 21:42:00]呢款係for身體架!
因為金盞花係可以防敏感,濕疹用都OK...不過因為仲未完全皂化,佢地係咪真係work都未知,我只係網見有朋友佢地D濕疹,真係用左手工皂而改善...
不如等我批皂OK左(要等到三月頭先得),我試過用無咩大問題,我寄一塊俾你地試吓哎!!我得閒再揭吓書,睇吓有無皂for洗面係可以止敏感...我其實剛剛噚日整左酪梨騳鞭皂洗面皂...佢可以保濕殺菌,或者都等OK又寄一塊俾你試哎^^