Matthis的學習世界 - oxford path@Nov 13'

小嘉買咗oxford path好耐喇
不過matthis只有十個月大
所以一直都只係同佢揭吓書咁
而中間小嘉都聯絡過幾次learning planner
但都係話太細,暫時都只係等佢熟習要有睇書既習慣

前幾日Krystal (Matthis的learning plannerh)打嚟問進度
佢教我地呢家要定時每日都有一個時段同Matthis睇書
媽媽講,可以用smart pen輔助
at least要matthis有個習慣要睇書
不過...matthis呢家睇書好似無之前咁定咁專心
睇唔夠兩三分鐘就走去搞搞震
或者佢呢家行動力好咗好多
所以加更想explore其他嘢

但點都好,小嘉都會堅持同佢每朝睇書
睇到幾多分鐘就幾多分鐘
hoiling EE都話川川小朋友係18m開始勁鍾意閱讀
所以呢家重點係令matthis有個習慣先

P.S. Krystal話matthis 10個月大
嚟緊會開始明白書裡面既意思
係時候開始培養閱讀既時間
所以嚟緊每兩三個月,佢都會打嚟follow up Matthis既進度
同埋會俾意見點去運用套教材
Good!!!

Matthis的大世界 - 有趣的文字

睇咗《買錯玩具教錯仔》呢本書後
小嘉呢家唔好話買玩具
連其他人俾既二手玩具都盡量諗清諗楚先俾Matthis玩
但當然...有好多時都好難避免接觸到D唔太好既玩具
(例去去爺爺嫲嫲公公婆婆屋企)
不過,係自己屋企就盡力去做啦

前幾日係網上見到一個blogger女女有上little montessorian既playgroup
於是好奇入去望望
後尾見到有套字咭好正
但可惜無寫邊度買同套咭叫咩名
好在係D蛛絲馬跡到發現套咭既名
於是...比較過價錢後係一間叫匯趣坊既舖買
呢套咭有咩咁好呢???

套咭叫《有趣的文字》

因為小嘉較少買中文的書比matthis

(因為淘寶無咩繁體字既書,所以主要中文書都要台灣買)

所以見到呢套字咭就知必買

套咭有150個字

呢套並唔係咩flash card

(小嘉唔buy flash card...

我唔覺得D咭係咁飛係小朋友眼前,小朋友會明白個內容

充其量小朋友只係形象化咁記住某個圖案同某個聲音接合一齊

但呢個圖案真正係咩,個字又有咩意思...閃個一下,真係會知???有些懷疑)

言歸正傳

其實呢套應該話係配對咭

有150個圖案同150個單字

但如果只係簡簡單咁一D圖案配單字

小嘉都唔咁興奮啦XDDDDDD

 

登登登登!!!

呢套字咭,其實係用象形嚟講解中文字

有咗呢D圖案

相信小朋友會較易記同去了解去學中文

而中文字本來就係象形文字

所以同時亦可以教小朋友中文字既由來

題外話:

點解小嘉咁唔鍾意殘體字(簡體字)

因為佢真係好似將文字既歷史斬手斬腳咁

睇完個殘體字係唔可以追溯返個由來

所以難得搵到咁好既教材+玩具

而又經歷好多次想買既書點知絕版

所以見有即買...縱使matthis有排未用得到

 

 



My Lovely Life - BBQ@23.11.2013

本來呢日約咗以斯帖的姊妹同BBs嚟BBQ gathering
但最後因為大部人都有約/有其他事情
所以都cancel咗lu~
但呢排天氣實在好
唔BBQ實在太浪費個好天氣
再加埋李生實在太想BBQ
所以...就改為同上進一家蕉一蕉喇

日頭妹妹玩吹波波...matthis見住家姐有得玩

得個望住

波波吹到周圍飛!!!

終於warm up咗...想追住D波

哦!!?無咗!!?

開始crazy喇!!!

間中又做出...遠望前方的表情

開始BBQ喇

呢個小朋友無得燒...表哥塞筒古古力

但...matthis都唔知呢D係乜

hoiling EE嚟喇!!!!

仲帶咗好多海鮮,正!!!



Matthis的大世界 - 火車路軌@23.11.2013

之前淘既火車路軌
真係幾大副...
最可惡係姐姐幫我清潔完唔見咗張圖
幾經辛苦先砌返出嚟
即刻影低佢

要晒返張相出嚟

下次再對住嚟砌

砌到阿媽傻傻吓

但呢個小朋友...哥斯拉出現

呢個城市...就咁被催毁........



Papa MaMa & Matthis的大世界 - 長洲@21.11.2013

上進爸爸一個月大假真的超充實
香港遊繼續嚟
有空有陸....點可少得海呀!!!
所以今次坐船船啦!!!!

一朝早先返珍妮婆婆家

然後一齊搭西鐵~

只要有得出街就好開心既人

 

 

一落船已經十二點半

所以拿拿淋去食lunch

睇咗openrice既食評

小嘉揀咗去蘇波記

呢個生炒骨係推介

真係幾好味

佢有套餐...好似$298有六個菜

呢個價錢...都預唔會係俾好靚既嘢

味道都OK既

個蟹味道淡咗D

豉椒炒蟶子...都幾好味

呢個都係推介既蠔餅

初初食頭幾啖真係幾好味

D蠔都好大粒

但...食多幾啖好濟,都落咗幾多油

呢個都係少食多滋味

 

本來諗住食完踩吓單車咁

但估唔到平日既長洲都好多人

所以都係周圍行吓咁

本來諗住去一間叫允升既甜品店食嘢

去到舖入面滿晒人

見舖外面有枱櫈

珍妮於是好有禮貌問可唔可以出面開枱
嘩!!!個唔知係咪老闆既男人
態度好差咁話:唔得喎!!!
咩事???我唔係要有五星級既服務
咁問吓唔得都可以答得有禮貌少少呀
同埋我地有大有細企係舖頭前面
(仲有十幾個殘疾人士都係度等)
但佢地店裡面既人見到都唔理
當然...唔係話要你即刻俾張枱我地
咁易講聲無位,等一等都好哎
但係完全當你透明咁...咁我等唔等好哎
所以都費事俾錢買難受咁蠢
唔食甜品當減肥囉~

條街真係好多人

見到有燒蠔諗住試吓

$25/隻...好"醒" =.=""""

 

 



My Lovely Home - 領土繼續被侵佔!!!

之前成間屋,得我同老公兩日霸佔
當matthis出現...上年11月30日
其中一間房被工人姐姐侵佔

當matthis出世...一間客房已被一半侵佔
到matthis開始爬...小嘉最愛既私家房變成matthis playroom>~<
到matthis六個半月,本來被一半侵佔既房變成100%歸matthis所有
到今個月...matthis擴大侵佔範圍...客廳都不能幸免

其實...因為matthis開始唔係點肯自己一個係房玩
(可能有少少分離焦慮)
佢其實又唔係要人陪玩,而係要有人係附近
咁playroom將會主力用嚟放montessori既教具
有可能唔再用圍欄
咁到時都唔放心就咁放佢係裡面玩
怕佢搞電制又搞D櫃
於是...唯有係客廳鋪地墊
再放D書同玩具,俾佢自己玩
小嘉又可以遠距離睇住啦

之前買咗呢個skip hop俾珍妮用

點知最後唔要...呢家無浪費啦

其實個客廳都無咩用

平時都唔會睇電視

更加唔會係度同上進傾偈

基本上大部分時間都係睡房

所以...俾matthis用埋都OK既

呢個小朋友真幸福

咁多地方活動

佢真係幾自由自在...一放佢上呢塊墊,就知道係佢玩既地方咁=.="



Matthis的學習世界 - Little Montessorian

小嘉一直希望Matthis可以成為一個滿有愛心
獨立,有自理能力,有專注力,自學,有自己思考的小朋友
但講真...要點做都真係行一步諗一步
有時買書看看參考

直到有日hoiling EE問小嘉知唔知咩係蒙特梭利
聽就聽過...但係咩真係唔知
於是上網搵資料睇

原來...Maria Montessori所提倡的教育方式
就是小嘉心目中想要的
看完資料後...覺得好似有一D具體既方向方法
可以令小嘉去嘗試去做

簡單嚟講
蒙特梭利係提供一個自由既環境俾小朋友自由發揮
呢個自由環境並唔係自由到無止境
係要係一個規範下自由咁去選擇去做自己喜歡既事
例如...要尊重其他人,唔好騷擾其他人,用完教具要放好等等
因為小朋友會揀選自己喜歡的事去做
所以...自然就會可以全心全意咁去玩/研究
從而可以培養佢地既專注力
而教具亦係針對唔同發展而設計
有sensorial, language, maths, cultural同埋pratical life

小嘉原來無打算買晒整套教材
不過都會買好大一部份
但好似一D關於生活上的材料...事實可以從生活中搵到

不過,同hoiling EE一齊去Little Montessorian度了解
發現其實如果散買...可能都唔會慳好多
所以...咪又敗咗囉XDDDD

前兩星期已經送咗貨
不過因為搞亂咗
本來送整套但變咗半套
約咗聽日送埋另外半套
期待XDDD

話就話半套...睇返張list其實大約送咗2/5嚟,餘吓既仲有3/5未送

好鍾意呢D本造的教具

呢個櫃裡面有幾何砌圖(好似...未拆開睇)

其實有D都唔知係咩...要等遲D consultant嚟先再拆嚟睇

砌圖...呢D砌圖同普通唔同

好似馬咁,佢唔會亂咁將隻馬cut開再砌返

佢會按返頭,身,腳,尾,etc嚟分開

可以令小朋友對每個部份都有認識

呢D係認識唔同地方既生物既模型

數學...matthis暫時應該未用住

傳聞中的pink tower呀!!!!!

Brown stair!!!

呢個嘢呢....拆咗俾Matthis玩

佢識識地放埋啱圓型同方型

不過...俾Matthis玩時扑幾扑...個手柄甩咗=.="

要買萬能膠貼返先得

唔....曾經買咗個細D版本

duplicate咗添

唔記得咗用嚟放咩既櫃

呢個唔記得叫咩名添!!!!

但呢個好有用,一共有4個程度

可以教到小朋友粗幼,高矮,大小等等既concept!!!

買全套教材會送practical life既教材

話原先要$5xxx

不過其實真係可以係生活中搵到材料

如果唔係送,唔會俾錢買~

 

好期待聽日送埋既下半part

等下星期送埋個櫃

就可以約consultant嚟set

同時再問點同oxford path夾住嚟用

小嘉要加油!!!好好咁利用D工具嚟幫matthis成為一個樂於學習既小朋友!!!





極度傷心的一天@18.11.2013

這天跟家人遊完濕地公園
小嘉要到銀座快圖美取相
其他人都在車上等待
等待取相時收到豬咪的電話
當時...心內已猜到,心...已經開始痛了

其實早在一天前給珍妮電話
她已告知寶寶病了
驗到肝功能差
kidney已經委縮得似一朵花
所以那刻小嘉已知時間差不多了
說實在寶寶已經差不多二十歲了

而因為媽媽星期一有事外出
豬咪留守在家看顧寶寶
所以豬咪突然來電
小嘉已有心理準備

小嘉接聽後,豬咪已經不停哭
寶寶不行了...你快點回來看牠最後一面

小嘉心很痛...未結婚前
寶寶差不多每天跟我同床而睡
但小嘉更加內疚...
因為Matthis出世後
每次回家小嘉真的沒怎麼理會寶寶
只是簡單的摸摸牠便算
很內疚...

但...小嘉相信
寶寶現在已經在天父的身邊
雙手雙腿不再因為年老而無力
不會每次想跳落梳化都顯得力不從心
在天父身邊只有喜樂平安

小嘉真的很掛念寶寶
陪伴小嘉經歷會考高考大學工作
人生的重要時間都有牠相伴

獸醫說...當一些狀況出現時好像嘔,抽筋等
都是要離開的現像
這些會令寶寶很辛苦
所以出現後都盡快帶牠打針
好讓牠走得舒服一點

但...感恩
寶寶走得很快
沒有太多痛苦
當小嘉回家看牠是已經離開了
但樣子一點都沒有痛苦
而且看上去像是很有精神的
相信寶寶是想讓我們安心
讓我們知道...牠已經去了一個很好的地方

Bobo... you are an important piece of puzzle in my life

when  I was down, you cheered me up

when I cried, you always be with me

I believe ... we will meet again

we will meet in a peaceful place again

miss you

Papa MaMa & Matthis的大世界 - 濕地公園@18.11.2013

上進爸爸既大假已經過咗一半有多
所以要繼續利用時間
去遊遊遊!!!

第三站...濕地公園
今次又再同爺爺嫲嫲出動
因為大家都去過濕地公園
今次真係去行個圈
係出發前...當然先去食個飽飽先!!!

由於Matthis未食得街外食物

所以當天早餐係...香蕉!!!

朝早去開天水圍...所以順道到屏山華嫂食早餐

老公最鍾意既芫茜皮蛋豬肉米線

呢個叫招牌餐蛋一丁

仲有招牌菠蘿飽~~~

 

招牌蕃茄濃湯麵!

 

雖然係weekday

我地朝早九點幾去都已經坐滿人

去到都要拎張籌等3張枱

食完已經十點幾

出發去濕地公園喇!!!

 

又係到十點幾...Matthis又Zzzz

可惜因為車程短...瞓咗無十分鐘就醒咗

之後瞓唔返=.="""

咁橋呢家係季候鳥經過香港既時間

所以都見到唔少雀仔

出街就好開心既小朋友

都幾乖咁坐自己既私家車周圍睇周圍望XDDD

睡蓮都好靚呀!!!