第一次帶住BB一齊去旅行
去之前真係有點緊張
感恩Matthis好合作
見到佢都enjoy個旅程
雖然好辛苦,但都值得既!!!
Day One
第一日其實無特別行程
一朝早出門口...
原來帶住個BB
早兩個鐘到機場都好趕
09:40起飛, 09:15剛去到閘口已經final call =.=
去到機場,先俾包早餐Matthis嘆~
睇咗資料起落機BB可能都會耳仔痛
所以小嘉就諗住起飛時埋身
等Matthis keep住吞口水
可以舒服D
點知...香港有條跑道封咗維修
delayed 30mins小嘉架機郁就埋身
Matthis就咁瞓著咗
但係一起飛佢就喊吓停吓
而佢又唔肯再埋身...
感恩佢都唔係喊得太厲害
當飛機過咗對流層...佢就生龍活虎咁
不停係度玩,又撩其他乘客
到落機又耳仔痛...今次俾包果汁+餅乾
順利無喊仲係度玩添~
出到去arrival hall,去咗買巴士票
巴士直到酒店門口
不過後來發現...搭air express仲平過搭巴士,仲要快好多!!!
小朋友係飛機無再瞓
落機時都兩三點
所以係arrival hall就Zzzz~
因為香港機場delayed 30mins
到仁川機場又miss咗班巴士又等咗40mins
所以返到酒店已經17:30
上到房發現無babt cot
等咗十幾分鐘送嚟既太高
Matthis一企起身就會跌
個職員又唔識英文
搞咗一大輸要去front desk同staff講
本來諗住去Seoul Station買EG sim card
但出到去都19:00關門了
唯有等第二日啦!!!
Fraser Place Central Seoul
呢間酒店好適合好似小嘉咁
一家大細去
房好大,又有獨立房
搞掂Matthis瞓先慢慢沖涼執嘢
都唔怕嘈親佢
而front desk staff勁勁勁helpful
因為一D事情,佢地好用心落力幫忙搞咗足足3日
所以俾個讚!!!
門口玄關,隔離係bathroom
而係睡房入面都有一個有埋衣帽間既是bathroom
係bathroom對出係細廚房
so far用具都齊全
但小嘉都自備私家煲煮Matthis的軟飯仔
再行入係個sitting room
好大!!!
右手邊係sofa同餐枱
餐枱前有個衣櫃
另一面就係電視,有埋D簡單音響~
另一面既睡房
有張king size既睡床
有一個衣櫃,再行入就係有埋衣帽間既bathroom
小嘉連baby monitor都帶埋XDDD
Dinner
第一晚無咩時間
又要趕住Matthis既Dinner Time
所以求其係Lotte Mart既Food Court食~
石頭鍋飯~
辣海鮮麵~
baby monitor都有,哈哈哈!!!
回覆刪除到底帶咗幾多喼XDD
哈哈哈!!!帶咗一大一中匧!!!
刪除再加埋一個手拎大袋~