Papa MaMa & Matthis的大世界 - 帶住BB去旅行後感

其實去旅行前
小嘉一直帶住少少擔心出發
去之前幾晚真的較難入睡
因為思前想後...matthis會習慣嗎?
會唔會好驚?病點算?行李齊嗎?etc.

感謝主,旅程真的滿有平安喜樂
Matthis整個旅程可以話好開心
不停主動去同其他人玩
不停笑
感恩基本既作息都可以跟到
每天朝早和下午都會小睡(有時要揹住,有時自己係Stroller瞓著)
食量都跟香港差唔多
夜晚睡眠都一樣跟香港差唔多　
只係最後個晚瞓得唔太好
成晚keep住喊吓瞓吓仲好早起身
而返到香港所有作息基本上都正常
呢點真係好感恩

講返今次旅行既experiences:

機場
帶住小朋友真係要早好多去機場
來回都已經預早兩個鐘有多到機場
雖然已經做咗online check in
但...都一樣要搞成半個鐘有多先可以將行李寄艙
而個gate又好遠兩邊都一樣要搭無人駕駛
回程又要幫人買嘢
真係搞到要跑去機口...剛剛開始check in
所以都可以上機先(因為要收stroller,所以有得上機先)
講真....雖然有朋友係cathay做地勤
但相比外國...香港既真係差咁少少
so far態度OK(但我見過有D黑口黑面)
但唔夠helpful
相反係韓國返香港就唔同
我網上check in揀唔到有BB籃既位
咁我就揀咗有BB籃隔離個位
希望到時人地肯同我換(p.s.好搞笑,其實mark住for bassinet既位(走廊位)唔係對住個BB籃,而係入面兩個位最近=.=)
點知個地勤就自動幫我地轉咗個bassinet位...就算本來人地已經mark咗
不過上到機小嘉都掉返坐無bassinet但其實近bassinet既位
而個位乘客係一位外國女士
好nice好好人佢完全唔介意
仲話最緊要我地方便

安全檢查
小嘉初初都驚帶唔到太多阿仔既食物上機
因為有一壺粥,幾包baby food,一樽水,etc
小嘉將呢D嘢全部放晒入手提袋
過安全檢查時就咁過X ray機
又OK喎!!!無論韓國定香港都無問題

過關
唔....其實因為都無咩人出入境
所以香港個part無咩嘢
係韓國入境時
因為阿仔係萬尺高空poo poo
所以落咗機都先換片
去到arrival hall好多人
點知大堂有個叔叔就direct我地去咗個
寫住"diplomatic passport / disabilities"既counter
唔使排隊即刻有得過關^^

飛機上
首先...Cathay要早D係internet book baby food
但唔知係旅行社定網上問題
總之小嘉上網訂咗一餐baby food就訂唔到
於是...去程無,回程有
不過...小嘉都一早帶定粥仔同baby food
所以無影響
係網上資料同朋友都教
take off / landing時,都可以埋身
等阿仔有吞口水
咁耳仔唔會太痛

但...點知埋身唔太work
因為埋唔到咁耐
阿仔斷續咁大喊>~<
後尾俾果汁...一半work
因為佢好快KO包果汁=.="
最後,原來最簡單既方法
佢鍾意食嘢...佢係咁喊
於是求其拎佢食開既餅塞住佢把口
佢食咗即收聲仲笑同我地傾偈
所以下年再去旅行...上機一定要有餅!!!

酒店
今次間酒店好好
staff 好helpful
而小嘉揀呢間類似service apartment的確唔錯
因為佢有bedroom
所以每晚返到去第一時間settle down個仔
佢瞓咗我地可以慢慢執嘢沖涼傾吓偈
因為阿仔係房
所以都唔怕會嘈親佢喇

行程
帶住小朋友,尤其是BB
真係早午各去一個行程已經好夠
因為搭車上車落車都用唔少時間
行又行得慢D
途中又要幫佢換吓片食吓嘢
所以去唔到太多地方

BB車
有D人話唔帶...尤其是去首爾
因為好多subway無elevator
但...我既經驗係必帶
用佢嚟吊住D袋真係好有用
如果成日都要揹住個袋會死人
同埋...其實只要一早做好搜集資料
首爾subway好多個站都有elevators架
不過就未必真係層層有
可能轉車時有得搭,但上地面就無
但...上進既結論係
寧願抬個幾層樓梯都要帶BB車出去
就算去水產市場同南大門呢D咁窄既地方都帶

Sim Card
我地去到首爾　
揀咗EG sim card
佢係seoul station (airport track b2)有個customer centre
買咗張W30000既card(之前有W20000,唔知係咪賣晒???)
然後用W16500買咗個1Gb 3g plan
之後用小嘉既電話再share wifi俾上進
咁我地就可以全個旅程有得上網喇

暫時諗到咁多
下年有可能去台南...未肯定
到時再諗~