Matthis的新年大快樂 - 馬年年初一@31.01.2014

小嘉噚晚努力趕呀趕...
終於算係年三十晚將未寫既blogs清晒!!!

今年新年同往年有好大分別
以前未有Matthis都可以自由自在
去街街行花市...行到夜一夜都得

上年...因Matthis剛剛滿月
所以邊度都唔使諗留係屋企之餘仲要早早瞓
因為小朋友當時同房瞓
咁佢九點幾分...全間房熄晒燈...全家一齊大覺瞓

今年Matthis一歲...雖然都係唔可以去夜街
不過起碼日頭可以周圍去周圍玩吓咁XDDD

 

首先係年廿七

爸爸post call而Matthis又上完playgroup

所以一家人一齊去維園行花市^^

到咗年廿八

因為Matthis小朋友小睡晨吉咁早就起咗身

而Liza(菲傭姐姐)佢未去過花市好想去見識吓

於是一齊去咗元朗花市行個圈

小嘉買咗Matthis最鍾意既轉轉...風車

姐姐就初試士多啤梨冰糖葫蘆

小嘉都唔弱...食返個富豪軟雪糕XDDD

 

 

開開心心到咗年三十晚

六點幾先係Matthis爺爺嫲嫲屋企食團年飯

然後再去公公珍妮婆婆屋企再食

返到屋企小朋友九點左右就Zzzzz

小嘉就趕blogs

 

係一連串炮竹煙花聲中...上進同小嘉一齊倒數

然後...大覺瞓

 

年初一...即係今日,朝早七點幾成家就起晒身

(係瞓到自然醒架!!正!!!)

首先去爺爺嫲嫲屋企打個招呼

就出發趕去錦田搵公公同珍妮婆婆...

點解咁趕???

因為......去祠堂"手豆"利是!!!

 

呢個係小嘉既村傳統嚟

每年年初一,所有結咗婚既男丁都會去祠堂拜

拜完所有小朋友(或者未結婚既大朋友)就排晒隊

啲叔伯兄弟就會逐個逐個派利是

其實D利是一D都唔大封($1都仲有人封架!!!)

不過係個氣份好正熱熱鬧鬧咁

但今年返去...有個傳統無咗

以前派利是既男丁都會著長衫

呢家個個都只係著得formal D就算lu~

(其實小嘉好多年無返去喇!見Matthis咁可愛,帶去俾D伯公叔公讚吓囉XDDDDD)

 

準備好晒...連袋利是既袋都準備好

Matthis:可以出發未呀???

公公一馬當先...抱住Matthis去祠堂!!!

新年要應下節...全家都著一樣既衫!!!

小嘉細個時都係呢度門到影過好多相架~

係咪好熱鬧呢~

Matthis好搞笑,識得將收到既利是都放晒入袋XDDD

大大袋...成績唔錯!!!

玩得好開心既小朋友~

去完祠堂再同伯公伯婆屋企拜年後

我們一家又要趕返屋企食飯喇!!!

 

不過食飯前都玩吓先

 

開開心心,喜喜樂樂咁就過咗年初一既上午喇~







Matthis的學習世界 - Mathematics Workshop II

上數學II既workshop喇!!!
好期待...而結果仍然令小嘉讚嘆!!!

小嘉一路上堂一路諗
如果當年有呢套教材
小嘉小學時數學科唔使成日俾珍妮打(合格都俾人打>~<)
唔使到中學靠自己失驚無神開竅先識計數

小嘉一直都唔打算俾Matthis學珠心算個類嘢
因為覺得咁樣學好慘
好夾硬好被迫咁

而更加促使有咁既諗法
係見到身邊既小朋友
明明每星期都學數學
但越學越亂...用D小嘉都覺得好抽象既方式去計算
小嘉覺得...好似反而將簡單既事情複雜化咗

但要自己教...又真係好似好抽象唔知點做咁
不過上完workshop小嘉有咗個方向

其實蒙特梭利唔係D咩咁神化嘢
可以有咩神奇方式或方程式去教數
而係好簡單...就係好具體,有實物咁去教小朋友數學
用數珠仔數棒嚟學

 

 

其實用咗套教材唔代表小朋友記得晒D數點記

九恩歌係點

而係將數學既concept具體化咁去教

一步一步咁去學

唔好諗住一下子就會識晒

蒙唔係咁,係要自然慢慢按步就班

由最初學數量,再學數字,然後先再學加減乘除

當中有可能要兩三年,甚至四年

 

相信最早Matthis都要歲半先可以開始掂數學既教材

因為太細小朋友係get唔到

 

事實,Matthis呢家都唔係真係跟足教材既用法嚟做

始終只有一歲...無可能要去已經識得坐定定

聽你慢慢講解咩係紅黃藍

不過keep住接觸

其實小朋友都有吸收

當時機成熟時就會一次爆出嚟

 

就好似要Matthis執拾咁

小嘉一直以為要動手放D物件..要指住...要好明確咁講點做點做

Matthis先識...但其實佢係不經不覺中

做得多掂得多...原來佢已經可以自己做到

今日小嘉忍住手唔幫

只係口頭同Matthis講執拾好先出街街玩

講咗幾次...小嘉忍住抱住已行走幾步既小朋友返去玩具堆既衝動

真係...Matthis真係返轉頭,自顧自地將地上面既積木放返係盒

然後小嘉提佢要合好

合好後...佢真係可以自己拎住放好

從中唔需要小嘉插手!!!

 

所以...就算小朋友好似唔理唔知

其實佢地接收咁

而同時...我地都要學識放手





Matthis的大世界 - Matthis愛貓貓

小嘉好喜歡貓貓
所有妹妹和珍妮也是...
於是...珍妮家有十多隻貓貓@.@

小嘉都好希望Matthis喜歡貓貓
所以...每次到珍妮家
都俾佢同貓貓玩

感恩...Matthis真係鍾意貓貓
有時同佢講去婆婆屋企
佢就講貓貓XDDDDD

而貓貓亦真係很懂性
佢地好似知Matthis係BB要呵護咁
所以就算俾Matthis扯抓搣都唔會出爪
反而...見到佢都會俾佢摸吓或者...逃走XDDD

呢隻doldol係惡霸

不過佢面對Matthis都讓佢

睇吓...俾Matthis一手搣到皮同出晒嚟

都無話出爪出牙

所以...貓貓真係好抵錫^3^



Matthis的大世界 - 寶寶愛音樂@25.01.2014

之前收到oxford path的email知道
原來小交有個音樂會專係俾2歲以下小朋友!!!
於是即報名
感恩有位

於是...25/1小嘉趕得趕命咁同阿仔去欣賞音樂會
(因為同日朝早要去上Montessori的workshop)

音樂...果然無分國界同年齡
全場Matthis都算好專心咁欣賞
間中仲自己拍手讚好(當然...佢係咪真係因為勁欣賞D音樂而拍掌係無從得知)

而睇完後...
小嘉決定要定時去吓康文署既網
睇睇有咩文化活動既適合Matthis
等佢可以吸收唔同既資訊~

開始識得成日笑既小朋友~

開始前,樂手tune樂器,呢個小朋友己經好認真咁睇住

成個音樂會都好好生動有趣

期待下年再參加!!!

有鋪排...指揮都幾



Matthis的大世界 - 努力培養耐心

小嘉一直都好感恩
因為身邊有好多小天使
可以教導小嘉去教養Matthis

而其中一個小天使就係Hoiling EE喇~
由未有Matthis到大肚到生咗
小嘉都Keep住同hoiling &川川聯絡
見到川川既自律耐性
真係好羨慕...

而hoiling亦都毫不吝嗇同小嘉分享育兒既方式同睇法
所以小嘉有咩難題都會諗起hoiling

首先...講忍耐
其實呢個能力對小朋友真係好重要
呢家小朋友好缺乏呢個能力
想要咩就要,得唔到就會失控
其實就係無咗呢個能力
家長(尤其是長輩)以為小朋友有咩需要都滿足都係到佢地好
但其實咁反而係害咗佢地

因為小朋友從來無嘗試過失敗,得不到既感覺
但...人始終要面對負面既事情
如果小時無好好咁培養出面對呢種事情既能力
大咗..要佢地突然去面對係好辛苦好痛苦既事

所以小嘉唔會咩都就晒Matthis
而且亦跟隨hoiling EE既方法...延遲滿足

小嘉由Matthis10個月大左右開始訓練
方法其實好簡單...只係每餐開始時都要count 10
要望住D飯飯去等10聲
久而久之
Matthis呢家就算好想食
只要小嘉講:數十聲
佢就自己會收手...等
(當然間中有一次半次佢唔想等...但小嘉都會堅持)

而呢家呢個方法都開始擴充範圍
例如有時Matthis發脾氣想搶人玩具
小嘉就抱住佢要數10聲
基本上都可以成功

而最近...一件事令小嘉真係幾欣慰

看到這個背影嗎...充滿盼望XDDD

 

事情係...

當日Matthis勁想玩三輪車

其實同佢玩咗一陣

但堂家姐返咗嚟...而家姐好想同Matthis一齊出祠堂玩

不過家姐要先食埋下午茶先

於是...小嘉決定等埋一齊出

 

最初,Matthis喊晒要出去玩車車

但小嘉同佢係屋內行一個圈

佢冷靜咗D...

再同佢講:家姐都好想出去玩,不過要食埋嘢先,不如一齊等埋佢啦

重覆講咗兩三次

小嘉就由Matthis自己係屋玩

而小嘉就坐係梳化睇報紙

 

點知抬頭一望...就見到以上情境

Matthis坐係門口望住架車

但就無咗發忟...而係真係好似表現出一個努力等待既樣

 

小嘉真係好感恩

覺得Matthis真係明白亦願意等待

 

感謝天父帶領

小嘉知道教養Matthis仍有漫漫長路

願天父繼續保守

賜聰明智慧

更感謝天父賜下很多小天使在身邊



Matthis的大世界 - 一年就晒咗好多相@.@

小嘉好鍾意晒相
因為小嘉一直都覺得
相放係電腦度等於無影過一樣
因為有幾何會真係開部電腦嚟睇想

幾時都係揭揭吓咁係最開心最實在
而呢家多咗個小朋友...於是
每兩三個月係咁晒呀晒
結果...

呢度咁多本都係Matthis既

基本上已經入滿8-9成=.="""

 

不過小嘉會繼續影影影

(說實在...Matthis越大真係影少咗相)

而相亦會繼續晒晒晒XDDD

又到新年喇!!!

係時候又再狂影啦!!!

 

另外...

Matthis百日宴時詩班送咗個超可愛

Precious moment既相架

經過一年....終於可以完滿咁入好相喇!!!

 

其實每剪一幅相時都好唔捨得呀!!!

 不過入好後有好大滿足感~~





Matthis的大世界 - 識行識搞搞震@Jan 14'

踏入一歲
Matthis呢個小朋友真係有好大既改變
首先學識行...
全靠朋友帶埋小朋友嚟
Matthis見到兩個哥哥可以追住D bubble走嚟走去
一日後..竟然由原本只可以行兩三步
突然變行十步八步
而一星期內更加變咗識行
(當然...行得唔太穩,有時會跌吓咁啦)

而當呢個小朋友識行
看牛生活就開始喇...
例如...

某個下午,小嘉坐係sofa睇書

諗住阿仔係地墊玩,無問題啦

點知...突然...點解...

聽到"法拉利"響喇叭聲既!!!?

回頭一望!!!!!

Matthis自己爬咗入車!!!!!

無理佢....點知再聽到...

點解會有引擎開著既聲既!!!!!!!!?

原來呢個小朋友自己擰著部車

OMG

 

除咗"法拉利"事件外

呢個小朋友仲好鍾意搞電制

又好鍾意搞電器

雖然...其實...佢明白我唔俾佢咁做

但佢...會不停試我底線

所以...為保安全....

 

Joyful Prison出現喇!!!!

 

呢家小嘉好放心

放咗呢個小朋友係圍欄內

可以好舒暢咁攤係梳化睇書

而呢個小朋友大部分時間都可以自娱既

 

不過縱使有呢個圍欄

小嘉都會隨時把握機會

如果Matthis又搞搞震

就要超長氣咁講解唔可以搞電制,電器...

因為始終困唔到佢一世

佢都要學習咩可以做

咩唔可以做

 

唉...真係做咗人阿媽

先知媽媽係幾難做







Matthis的大世界 - 小小朋友玩電腦??!

哈哈哈!!!無錯...小嘉俾電腦Matthis玩
不過....係熄咗既電腦XDDDDD

 

小嘉一直都堅持唔俾電視Matthis睇

(當然...係爺爺嫲嫲公公婆婆屋企就控制唔到)

(小嘉唔可以熄咗人地部電視嘛)

而好感恩...小嘉過去一年都堅持到

 

所以有時係長輩屋企開咗電視

Matthis都未必會好有興趣去睇

不過...有時都會忍唔住望幾眼

但小嘉都會立刻去轉移Matthis既視線到其他地方

 

電視無得睇

自然電腦同電話都無份啦

不過有時小嘉用電腦做完嘢

咁橋要夠鐘餵奶...部電腦都會就咁放係床

Matthis亦見過一兩次小嘉用電腦

對佢嚟講當然好吸引啦!!!

小嘉都唔會比佢玩

但為咗滿足吓呢個小朋友既好奇心

於是...俾部熄咗佢打吓字XDDDD

估唔到有D制按按吓

個小朋友都一樣玩得好開心喎~

 

希望小嘉堅持到起碼3歲先俾少少電視Matthis睇

更希望阿仔係呢個無咩電視電腦電話影響既環境下

習慣放多點時間在自然環境,人與人既關係當中

唔好一接觸到就變....宅男啦>~<







Matthis的大世界 - My Love Matthis@Jan 14'

其實小嘉正式來說未跟Matthis同床瞓過
亦無正式咁抱佢瞓通宵
(只係試過最初一個月,半夜餵奶時,餵餵吓抱住一齊瞓咗兩個鐘Zzz~)
因為Matthis一出世回家
小嘉就由佢自己瞓BB床
寧願晚晚天寒地凍都捐出被窩餵奶
都唔想同床...始終同床危險

所以...小嘉基本上無見到阿仔瞓係床既表情
因為係床仔都望唔到啦XDDD

但前幾日...Matthis瞓咗個幾鐘小睡就喊醒
(佢平常會瞓兩三個鐘)
於是...小嘉就抱佢返房餵下午茶奶
(Matthis係六個半月大,就開始自己一間房)
點知餵餵吓...呢個小朋友瞓返Zzzz~
於是...小嘉見到呢個小朋友係床瞓得甜甜既樣
真係超sweet呀!!!

Matthis的眼睫毛好長~~

瞓瞓吓...自己係度笑...真係好sweet sweet呀!!!

小嘉媽媽每天最希望...都係呢個小朋友可以瞓得甜甜同冧冧^3^



Matthis的學習世界 - Oxford Playgroup@ABC Pathway

因為買oxford path的時候送了15張playgroup cupons
而到31/5就會expire
所以...小嘉就用來報abc pathway的oxford path playgroup了!!!

本來打算報荃灣的中心
但...原來...荃灣的沒有一歲班
如果等到歲半,cupons都過期
所以...唯有出銅鑼灣=.="

暫時已經上了4堂
感覺不錯
職員都很nice,老師teacher Joan亦好好
雖然暫時上堂只有兩個小朋友
但都可以帶動到氣氛

事實,Matthis始終細
上堂唔會expect學太深的東東
上堂時都係唱歌,聽故事,做手工咁
不過例如該堂學顏色
老師會準備唔同物品但同顏色
等小朋友易D掌握

啱啱第4堂
本來多一個男仔一齊上堂(呢家matthis同一個女仔)
但另外兩個小朋友都病咗
變咗做單對單
成堂matthis勁....開心XDDD
老師都話係咪佢自己一個霸晒個課室
所以好active

亦因為成堂只有Matthis一個
所以老師自然可以好專注咁留意Matthis啦!!
由於老師唔識廣東話
所以全程一定只可以用英文溝通
到差唔多落堂時
老師問小嘉係屋企係咪同Matthis講英文
佢覺得Matthis聽得明英文
好多時老師叫做既instruction都會follow到
小嘉話只係睇oxford path既書時先會

老師好訝異
佢以為half half咁英文同廣東話
小嘉同老師講...不過屋企有菲傭姐姐
咁老師即刻恍然大悟
可能小嘉平時同姐姐溝通
姐姐同Matthis溝通
都能令Matthis慢慢咁吸收咗英文

睇過書話0-2歲如果屋企有多種語言既溝通
咁小朋友就會自自然然咁識講
但如果過咗呢個critical period
當然要學都唔難...但就無咁自然,要刻要D

呢家小嘉回想...又真係好似係咁喎
不過...小嘉都擔心口音既問題
所以...唔單Matthis用教材
其實小嘉都會好仔細去聽D發音
等自己平時講都盡可能準確D

希望keep住努力
matthis既英文可以自然咁學好啦!!!

好搞笑...Matthis咁快有書包喇!!!

其實都揹唔到...太大啦!

影完相個小朋友已經唔耐煩

因為對佢嚟講,個書包都重~



Matthis的學習世界 - Montessori workshop Sensorial II@04.01.2014

又再上workshop喇!!!
因為sensorial I已經一早上咗
所以一上就上II
要等遲D再上返I喇!!!

今次上堂較maths輕鬆D~
輕鬆係指無咁複雜
因為maths真係要step by step咁去做
好多教材基本一講就明點用

不過唔好睇少sensorial既教材
表面上好似比mathematics既簡易
但連maths既導師都話sensorial係好緊要
因為佢係可以開啓小朋友既智慧
事關佢用唔同既教材去刺激小朋友既唔同感覺
同小朋友將來既學習都會有幫助~



其實sensorial裡面既教材都有好多數學concepts係裡面

好似呢個類似積木既嘢

又估唔估到係咩???

其實係佢(a+b)3次方!!!!!!!!!

 

當然啦!!!

其實我地示範時唔使解釋咩係(a+b)3次方

事實亦未必能夠識解

但小朋友係做既過程可以摸到feel到

佢潛意識會有呢樣嘢係度

對佢地日後學數都會有幫助~

(我都唔知係咪真係好勁,等matthis大咗計數就知喇!!!)

 

其實阿仔仲細

好多時D教材都未真係可以跟住做

佢只可以拎住當玩具咁玩

不過小嘉就成個傻婆咁

要盡量堅持去正確示範

而最成功都可算係pratical life既教材

阿仔做呢個"筆"豆好開心

可以專心成半個鐘係度玩....

不過....

之後就玩厭咗

但都可以維持到10-15分鐘既



Matthis的學習世界 - 初試Montessori

十一月中買了little Montessorian的教材
十二月中才set up好地方
接著上堂學習點用套教材

講真,真的要有時間耐性才能好好運用教材
否則,只會係一套玩具
始終俾咗咁多$$出嚟
小嘉都努力去用去做...不過有時真係會偷懶
所以小嘉都幫matthis幫緊playgroup
希望時刻提醒自己要點用
亦希望matthis可以有正確的帶領
(不過13年12月開始排...問staff可能要等到14年3月先有位上堂)


其實點解小嘉會buy呢套嘢
點解會想上埋佢地playgroup...

呢段片係小嘉用咗三四日左右時間

每次堅持開始工作同完咗工作時

要matthis幫手執拾

估唔到...唔使幾日佢真係識做!!!!!!!!

而佢當時未夠一歲!!!!!

真係好神奇

 

不過...其實小嘉係用教材時都仲有錯漏既地方

不過邊用邊學啦!!!





Matthis的大世界 - 生日@ocean park

唔好講笑,有小朋友的話
真係生日去海馬公園啦!!!
而小嘉更加要年年去...因為阿仔都一樣唔使錢!!!

唔使錢不特止,仲要有cupons送
去海龍王餐廳食飯都有八折呀!!!真係超抵!!!

而對小朋友嚟講
小嘉覺得海馬公園比迪迪尼更適合
因為分別係12月同1月去咗兩個theme parks
所以好明顯見到Matthis到兩個parks既反應

去迪迪尼...其實佢都唔知D卡通人物做乜
所以...除非唔使排隊,唔係都唔會去影相
而迪迪尼主要係機動遊戲
雖然好多阿仔都可以玩...不過無咁多元化

但係去海馬公園
有好多真既動物睇
阿仔睇到D魚真係係wow wow wow咁
仲指住D魚,睇海洋劇場
初初見到D海豚跳都會嚇親
不過睇睇吓都投入咗
見到企鵝又覺得好新奇

其實去咗一日海馬公園
都玩唔晒D嘢
所以真係唔錯!!!

朝早起身,先嚟個birthday kiss先!!!

阿仔睇魚真係睇到好開心~

個咀仔嘟到幾長XDDD

到第2日D氣球都仲好紥實~

睇水母都睇到好興奮

玩到咁上下...小朋友無咩電喇~

 

睇完企鵝,見到個企鵝公仔,竟然即刻錫錫~



Matthis的大世界 - Happy Birthday Party @ 01.01.2014

第一年同Matthis一齊慶祝生日
(無錯係一齊,因為小嘉同Matthis係同月同日生日架!!!)
所以...容許自己浮誇一次
搞一個小型生日會
下年開始唔會再搞
簡單同公公婆婆EE食個生日蛋糕就算喇!!!

小嘉係淘寶淘咗支氦氣返嚟!!!

仲買咗好多波波~

呢串係for Matthis的!!!

wow~超多波波...不過室外超大風,吹到打晒結=.="

係natural chiffon訂咗個cake tower!!!!!

D蛋糕真係好好好好靚...味道都唔錯

當然,同普通蛋糕比,未必一樣咁好味

但相比糖霜立體蛋糕,真係算唔錯!!!

呢串波最後長駐係法拉利後XDDD

砌好個cake tower,真係靚到無朋友~

 

經過完呢個一歲生日會

小嘉更肯定...

仔...你唔使諗搞咩M記生日會呀!全班同學生日會個D喇

實在太煩太難搞

自己人都覺得有氣無碇抖

更何況請埋其他人

希望阿仔唔好要求要搞生日會啦

如果真係要....唔該上進爸爸籌備啦~