瘋狂購物@Amazon.com收到喇!!!

Crazy Shopping @
Amazon Rec’d!!!

 

星期二行程一浪接一浪

(返到屋企真係攰到腰都痛)

去完永安買咗四打紗巾

之後時間差唔多…就驅車直入Aki媽媽屋企

終於可以同靚靚用品見面喇!!!!

 

去到見到Aki媽媽好nice呀!

佢真係一個好好好好既代購

佢收到D貨後會望吓有問題

 

點知….不幸既事就發生咗!!

原來我其中超期待既skip hop bedding set

佢張被仔有好多一點點一tat tat既黃色漬

又唔知洗唔洗得甩~

感恩Aki媽媽一早同Amazon講咗要refund

所以…呢set靚靚bedding無緣跟我地返屋企喇!!

同埋蝕咗D美國來回香港運費

不過….計返其他嘢…都仲係有賺XDDD

P.S.所有貨運費$760,以下的物品價錢是貨價only~

~HKD$224

香港唔覺有得賣呢個牌子既哺乳巾

類似款式的話,大約三百幾…

~HKD$160

有機的BB床床單

一有”organic”呢個字係香港賣都唔平啦~

呢個睇amazon review都好多人讚~

1 set/ 3 pcs ~HKD$48

呢set一pack有三條都係$48!!!

香港隨時一條都呢個價錢!!

~HKD$56

大條呢隻夠放係BB床

香港差唔多款既都要$160左右

摸過防水得嚟都幾滑!!!

遲D洗時睇吓佢防水能力先~

~HKD$57

呢個係香港買都應該唔會貴好多

好似見過~$71

出街放幾張濕紙巾,咁就唔使成包拎晒出街喇~

~HKD$95

係Amazon review得到極多好評!!

只係$95左右!!

我諗香港買差唔多款,點都要百幾二百啦!!

佢既設計仲係得獎添!!保護小B既頭頸應該好OK!

~HKD$137

香港唔知幾錢???

不過1 pack/3pcs

計返$45左右一條…應該都會平啦~

~HKD$155

Ah goo Baby換片墊

摸過真係超舒服!!

係香港一D網站見過好似要$265~

平咗成$110!!!

~HKD$447

呢個musical mobile好靚!!

香港無見過…佢唔算平

但係荷花見過類似既要$550左右~

咁就當自己賺咗啦!!!

第二日有日光再影…好靚呀!!!

~HKD$900

Wow~

呢套真係慳錢代表作呀!!!

我無記錯係香港好似要$1800左右!!!

(代購既Aki媽媽話,好似要$2400添呀!)

呢家$900咋!!!!!!!!!!

真係好靚!!

摸落去都好滑好舒服!!!

一套包咗被仔,bumper,床裙,床單!!!

 

如果skip hop既bedding
set無問題

就一切完美啦!!

本來打算再試多次係amazon.com訂skip hop

不過Aki媽媽都話有風險

因為suppose Amazon既人係睇過D貨先出

但都可以有問題!!

所以…算啦!!!

見到香港都有得買…計埋運費都係差二蚊幾三百

嚟緊再睇吓有無其他牌子好鍾意

否則就係香港買返套skiip hop啦!!!

瘋狂購物@紗巾

Crazy Shopping @ Muslin

 

星期二照完結構

仲有D時間,於是首先去永安睇睇

 

永安做緊summer sale

不過BB用品無咩特別大減價

有D貨品就八折有D就有折

 

Gaze紗巾有八折

所以小嘉就買咗四打喇!!!

 原價$50 … discount:$40

  原價$58 … discount:$46.4

 

問咗職員maxi cosi的car seat

同埋angel care既monitor都係得九折

得出結論

上進認專登為咗呢兩件嘢要等到佢大特價

計埋時間車錢都未必賺得返

於是…car seat會去0/3 baby訂

感恩朋友有vip有八五折!!!正呀!!

 

而baby monitor就會託同事係愛嬰紡買~

贊育@結構...28.08.2012

Tsan Yuk @ Structure

 

不知不覺…已經嚟到21wk喇!

星期二約了到贊育照結構

約的時間是14:40

大約14:30左右去到

去到時人不太多…相信不用等太久

(因為之前普通產檢等了個幾鐘)

 

但…如果照ultrasound有點不同

約了的時間就大約是那個時間照

所以雖然有些人一早到

但一到14:40小嘉就有得入房照喇~

 

其實照之前小嘉都有點緊張

相信大部份媽媽都會這樣吧~

感謝主…照了大約20分鐘

姑娘表示一切都正常!!

 

而照既過程都有搞笑的事

上次醫生聽心跳

小B就走嚟走去避開醫生

今次姑娘照小B既嘴仔時

小B好似見到人地照佢個嘴咁

突然一照埋去就”O”咗個嘴仔

連姑娘都笑話佢打開咗個嘴仔喎~

最後,姑娘問我地想唔想知性別

於是…再照一次…再確定有JJ

 

其實係政府照都OK

姑娘都好好有禮貌

不過部機唔太清…小嘉唔太明照緊咩

同埋…個姑娘有照手仔腳仔

但就無數手指…上進就一路照一路自己數返

 

呢家期待11/9再去Dr Chan度照

今次應該會清楚好多

同埋有可能會清楚D咁見到小B個樣~

瘋狂購物@Amazon.com到港喇!!!

Crazy Shopping @
Amazon.com

 

Yeah Yeah Yeah!!!!!

之前無意中發現

原來係美國訂BB嘢係俾香港平…

於是…就上amazon.com狂睇!!!

仲睇咗超多唔同既嘢…

 

但…運返嚟香港係最大既問題

於是小嘉左睇右睇,見到bidbuy4u有船運

應該係最平啦!!!!

計過時間…如果呢家訂

應該十二月收貨…D時間真係剛好咋!!

仲要小B唔好提早出嚟喎!!!!

 

小嘉send咗去報價…

吓!!!?運費要$2280!!!!?

其實都預咗要1CBM

但小嘉已經預鬆咗…點解會差咁遠????

再望吓佢地報價…

原來amazon.com佢地有時用packing size

有時又用product size

好似有張床單咁…佢寫既size當然係笠咗落床褥既尺吋

於是…bidbuy4u無辦法就照計

咁運成張床褥同運張床單…運費當然差好遠啦!!!!

而最另小嘉苦惱…原來….

有D貨物要數稅!!!仲要好貴

 

本來都諗住算啦!!減咗D要收稅既

試吓照運過嚟…因為運費係返到香港度實物再計

應該會平返D…

點知…同bidbuy4u講完再俾佢地報價

吓!!!!?無啦啦又多件嘢要數稅!!!!!!?

呢吓真係頭都大埋…明明第一次報時無話要稅

咁…會唔會買咗之後先要收架???

 

係唔知仲訂唔訂時

係FB試既媽媽會裡面

有個媽媽原來through一個全職媽媽係美國訂嘢!!

就係Aki媽媽喇!!!

其實見佢主要幫D媽媽訂電奶泵等等

於是…膽粗粗問佢可唔可以代訂(因為小嘉真係幾多嘢)

Aki媽媽真係超好人呀!!!

佢好盡心咁幫忙..又報價又俾建議

(因為小嘉買俾小B既嘢咩都有D)

(所以搞到Aki媽媽要再三同速遞公司溝通同確定)

最後…就成功訂咗…而運費唔使$800!!!!!!!!!

小嘉今次係美國訂既嘢

粗略估計比香港買平咗成$1700左右

(不過未計上進開車收貨既油錢XDDDD)

 

而Aki媽媽最令小嘉佩服係

佢唔係為賺錢!!!!

因為佢無收任何手續費!!!佢只係將所有費用以兌HKD$8嚟數

因為小嘉都會係海外網購物

知道用credit card會有D唔知咩收費

所以…兌HKD$8對小嘉嚟講

即係完全無錢賺!!

所以…小嘉都有少少覺得唔好意思

 

貨品已經係星期六到咗Aki媽媽度!!!

小嘉同上進聽日就會去接佢地返嚟喇!!

好期待呀!!!!!

哈哈哈!!

等收到貨…再講吓每樣嘢平咗有幾多!!!!

好想快D到聽日呀!!!!

瘋狂購物@換片櫃完成喇!!!

Crazy Shopping @
Dresser

 

係Ikea訂既櫃

其實打風前已經送嚟~

不過因為無時間…所以上進到噚日先砌^^

 

個櫃砌完出嚟真係幾靚!!

呢個櫃本來係放客廳既雜物櫃

不過小嘉度個size

櫃身高度深度都夠放換片墊

好過買一個換片櫃又細又無咁靚

 

呢家BB房仲差BB床未送嚟

應該9月尾會有貨!!

到時砌好就七七八八喇!

10月再去買布…希望搵到合心水既窗簾布啦!!!

D相影既顏色偏黃咗好多

真身顏色有深褐得嚟有少少偏紫色咁~

呢個櫃都應該暫時夠放小B用品啩???

小B房既傢俬真係要做D砌好

因為都真係有幾大陣木味酸未咁

都要一D時間散走!!

小嘉已經買咗好多包竹炭

希望可以吸走D甲醛啦!!!

到放產假時,再用D梳打粉開水

抹吓所有櫃同傢俬…咁就可以乾乾淨淨

萬無一失喇!!

My Lovely Home .... 工人房傢俬@17.08.2012

My Lovely Home @ Maid Room

 

豬咪朋友上星期去完菲律賓

有幾個新的工人姐姐可以揀!!

因為星期六上進要返工就唔到時間

所以豬咪既朋友同另一partner商量後

可以俾小嘉同上進早一晚睇吓姐姐既information

我們首選了一個有少少貌似年青版曾志偉樣的姐姐

 

去到其實都有其他客人係度

咁豬咪個朋友就serve緊

佢朋友問我地有無心水

如果有就先用電話interview先

免得俾人揀咗~

於是就開始爆笑interview….因為小嘉同豬咪

都無經驗同埋有時電話唔清楚

(其實問既時候,對方應該聽唔清楚我地既問題)

 

不過感恩,細妹個朋友好快入嚟

佢完全自動波幫我地interview個姐姐

仲set咗好幾條case study俾姐姐答

So far個姐姐都答得有文有路

仲唱咗兩首歌我地聽…小嘉同豬咪覺得都幾好聽

但豬咪朋友就唔收貨,叫佢練多幾首歌…

連個姐姐都忍唔住笑住話好….

感覺個姐姐都幾開朗...於是confirm咗佢喇!!!

佢知道我地請佢…佢都好開心,仲Thx god添!!

我都thx god!!願這個姐姐是天父所預備給我們的.

 

好喇!!姐姐呢part settle咗

咁就要開始準備工人房!!

其實工人房既超簡單傢俬已經到齊!!!

上進係half day off時都砌埋喇!!

雖然都係一D較平既傢俬…

但砌完出嚟都OK幾靚喎!!!!

係Ikea買的衣櫃,$699

砌咗出嚟都幾OK幾靚喎~

係海馬買了一個超簡單的床架

好似只係$429咋!!!!已經買咗4個膠箱

可以放係床式放雜物,不過有可能其中1-2個會比上進霸用

放佢D十年都唔會再睇但又唔拾得掉既書=.=”

因為小嘉未必俾姐姐鎖房門

所以都買咗個有鎖既櫃俾姐姐用

咁佢可以自己放D貴重嘢喇~

希望姐姐嚟到可以工作得開心盡責

同我們一家都相處融洽啦!!!

又有禮物@23.08.2012

Gift @ Shoes
from Cher

 

小B真係一個幸褔既B

因為相信子子和豬咪都會瘋狂送禮

真係未出嚟已集萬千寵愛在一身

 

睇吓今次子子送咩~~~

登登登登….親手做的鞋呀!!!

雖然手工未係完美

仲有進步既空間

但用既心思同時間就無嘢可以比啦!!!!

唔知下次子子會整D咩呢???
P.S. 對鞋未真正收到...不過睇過實物喇~~~

香港...都仲有D好人既~

Hong Kong II @ 24.08.2012

 

經過尖隊小姐事件

小嘉對搭地鐵產生無限抗拒

(都係上進寵壞咗…慣咗有柴可夫車出車入XDDD)

不過…香港多咗D唔好既人

但好既都仲有好多…小嘉都係一個啦XDDDDDD

 

小嘉噚晚返咗珍妮度過夜

由於上星期既經歷

小嘉今朝放棄步行大約10分鐘就到西鐵站

而寧願早20分鐘起身坐車到元朗再轉村巴

 

其實上到村巴二人座位只剩唔多

仲要個個位都係D大隻佬

所以小嘉就坐係三座位近走廊位置

而最近窗的位置就坐咗一個男人

之後有一個西裝男行到嚟

佢都有禮貌講聲唔好意思

然後就坐咗係小嘉隔離個位

 

但係….大件事喇!!

估唔到個西裝男…著住套西裝都唔覺

原來好大隻(或者…有D肉地咁啦)

佢一坐低…小嘉成個人被咇咗出走廊

座位既3/5都係西裝男佔據咗=.=”

 

因為車程會經過高速公路

都有唔少彎位…小嘉真係怕拋咗落地

(珍妮陀住小嘉時,真係試過坐巴士係大帽山)

(轉彎時成個人坐咗落地…嚇到成車人問佢有無事)

小嘉再望望有無其他位…但已經無咩位喇

 

於是..膽粗粗,有禮貌D咁同西裝男講:

唔好意思呀!我大肚,你可唔可以坐入少少,我唔夠位”

小嘉初初諗…西裝男好既咪縮少少

唔好既睬我都傻啦!!

 

但個西裝男超有禮貌同小嘉講返轉頭:

“唔好意思呀!!咁我調第二個位坐哎!!!”

於是佢走咗佢車尾箱坐

好感恩呀!!!!

 

之後,再有人上車,今次係一個女人

但小嘉都係坐中間位喇!

點都唔會拋咗落走廊嘛!!

感恩…成程車無論左右既男士(其實都有D大隻)同女士

佢地都唔係個D迫埋你度要多D位既人

 

希望香港可以多返D有禮貌同公德心既正常人啦!!!