瘋狂購物@梳化

Crazy Shopping @
Sofa

 

小嘉一直打算小B要學習獨立

所以希望佢盡早可以瞓自己房

不過…因為小嘉和上進的房跟小B的相隔一層樓

所以…如無意外,要等到小B可以自己瞓過夜

才可以讓他自己睡

不過…就算小B跟我們一間房的時間

小嘉也會由開始BB床放在我們側邊

慢慢去到遠離我們的位置

等小B慢慢習慣我們不在他視線範圍啦!!

 

因為小B最終都會回歸自己房

所以…小嘉一直都打算在小B房放一張armchair

可以放便餵奶時有地方坐

 

但經過上進的考慮再加上佢既慳儉性格

所以最後決定買張平平地的二人梳化

計過數其實張梳化只放幾年

小B大少少時房間就要改裝

到時要放兒童床,衣櫃,書枱,書櫃等等

 

於是左睇右睇(其實主要係上進睇)

終於成功俾上進係實惠訂了一張

無論價錢,顏色及款式都大致符合佢預期既梳化!!!!!

 

梳化是仿皮…米白色

其實款式就是簡單就OK

不過因為怕小B房太多顏色混亂

所以為咗就呢張梳化

BB床由原先想要既白色轉了原木色

可以跟地板色調一樣

 

題外話:

小嘉要俾個dislike實惠既送貨服務!!!!!

真的很不知所謂!!!!

首先,原先約了之前的星期六送貨…

時間約了中午12點至2點

因為上進未放工,小嘉又返了珍妮家

所以由上進爸收貨

上進爸媽每天朝早都出門買餸

但佢地多數無帶電話再者..有帶電話都無用

因為送貨既人無啦啦十一點幾打嚟話送貨

上進都話未夠十二點,屋企電話無人聽

叫佢地十二點送嚟!

當時係11:50左右…

點佑實實D人話唔得…話要走

好啦!到12:00上進打返屋企

上進爸準時回家

即刻打俾實惠問佢地呢家送得唔得

(強調…我地無遲到…係佢地早到!!)

但佢地話架車走咗…所以唔得要再約時間

咁都OK...其實上進呢次同佢地溝通語氣都OK

因為見佢地都仲有D禮貌!!

 

於是再約到噚日

送貨時間係實惠俾既…唔係我地要求!!

呢點要強調…係我地就佢時間!!

好喇!!約時間時都再講一次:你地約13:00-15:00

係咪真??唔好又無啦啦早嚟!!!

你講咗幾點,咁D家人就幾點係度

確定咗呢個時間

結果呢!!!!!

 

佢地又十一點幾打嚟!話可唔可以十二點半送貨!!

嘩!!好不知所謂呀!!!!

時間係你約既!!你唔係計好時間咩!!!

上進今次真係發火…話佢地明明時間自己約

但次次佢地自己都唔準時早到

今次同佢講明唔知屋企有無人…唔知收唔收到

個送貨人就發侮氣話:咁我準時1點到!!!!

點知…過咗無耐論到應該係實惠customer service個邊打嚟

又問可唔可以早D送貨!!

呢家咩事呀!!送貨佬拗唔掂就搵CS

上進唯有將過程再講多次

 

最後!!!佢地咁不知所謂好有骨氣話一點準時到既送貨人

咪又係早到咗!!!!!

好在今次上進爸係度先收到貨!!

上進爸講返D人一嚟就黑口黑面都算!!

因為張梳化要上返四隻腳

上進爸就同佢地講上實D!!

點知呢D不知所謂既人…竟然話:

如果鬆咗你地有鏍絲批咪自己擰返實囉!!!

 

呢D係咩態度呀!!

大佬!!你地送貨唔係免費架!!

我地係要另外俾錢架!!!!!你呢D態度真係好唔得囉!!!!!!

要再去實惠買傢俬….

真係要諗清楚…費事又俾錢買難受!!!!!