香港人...點解會變成咁>~<

Hong
Kong @ 24.08.2012

 

小嘉發現現在的香港人

比起洗腦既國民教育

德育堂更有迫切性要上!!!!

 

上星期,因為上進on call

小嘉返咗珍妮屋企瞓,所以會搭西鐵返工

其實上西鐵時已經要超小心

因為實在太迫喇!!!

不過感恩…在西鐵都尚算OK

 

到尖東站時要轉地鐵

去到尖咀站時…小嘉前面企咗一個中年既OL

當車埋站時…前面的OL無等D人落車就衝咗入去

小嘉當然等D人落車先啦!!

一個好簡單道理…架車D人唔落車

你邊樹有空位可以入到去呢????

同埋…呢D係基本禮貌…你係咁撞入去

會整親架!!!(或者俾人整親!!)

 

小嘉企係門既側面等D人出嚟

係呢個時候…有個後生化行妝既OL

由另外既車門插隊走咗去小嘉前面

又係唔等D人出就衝咗入去!!!!!

OK!!你入先…小嘉繼續等

當所有人出晒嚟…

小嘉見到尖隊小姐旁邊有足夠位置

(呢家唔會搏,粗身大細,緊係見有足夠位先入啦!!)

(點知唔夠位,對門會唔會夾親個肚呀!!)

 

一入到去,個尖隊OL就好似發咗癲咁!!

係咁又推又撞,想撞返小嘉出車!!

其實小嘉個刻都好想出車

同個咁既人一齊搭車真係要好小心

但當時已經開始閂門…無法…出唔到

而個為尖隊小姐仲不停推

問題係…佢其實有好多空間

唔明佢仲咩係度不停推!!

 

小嘉鼓起勇氣好有禮貌咁同呢無小姐講:

“小姐,你已經尖咗我隊,你可唔可以唔好推人呀!!!!”

呢位小姐好似好無知咁話:

“哦??係咩!!對唔住喎~”

 

於是…小嘉繼續搭車

而為咗避免不必要既推撞

小嘉都唔敢貼近尖隊小姐

(現場環境係…尖隊小姐有大量空間)

(佢可以遞諣手玩電話而整個身體係無人掂到佢既)

但整個由尖咀去金鐘既車程

少不免架車會有chok chok吓既情況

小嘉都堅持到一吓都無掂過佢

但尖隊小姐身後既人就掂到

點知!!呢位小姐又發癲

一有人掂到佢,佢就係咁又推又撞

小嘉又被佢推咗幾吓…真係好無言=.=”

佢身後D人都怒視佢…當然…佢係唔會理

 

到金鐘要落車

小嘉為保小B安全…轉身向去另一車門落車時

寧願個肚轉大D方向轉身

C都唔俾個肚向住呢位尖隊小姐

當小嘉轉身時…小嘉都知衰喇!!

因為個手袋角唔小心揩到佢

 

於是…呢位尖隊小姐係勁發癲

唔知以為佢有D社交恐懼症咁

又再係咁又推又撞

小嘉真係忍唔住出聲:

“小姐,我大緊肚架!!你成日咁推,可唔可以禮讓D呀???”

尖隊小姐當堂O晒嘴

(其實小嘉都有D衰,因為相信佢唔知我大肚)

(我咁講完,應該附近既人會卑視佢)

但…呢位小姐真係好無藥可救

佢既回覆係:痴線=.=”

 

真係唔明…點解香港會養咗D咁既人出嚟

尖隊推人撞人…但都仲覺得自己無錯

小嘉絕對要教好小B唔可以咁

聖經話要教養孩童當行的道,就是到老都不偏離

相信…呢一課很難….但小嘉要堅持希望做到!!!