瘋狂購物@換片櫃

Crazy Shopping @
diaper dresser

 

差D漏咗小B大件傢俱還有一樣

就是換片櫃啦~

之前一直都打算買Brevi的換片連浴盆櫃

打算將個櫃放在BB房

因為toilet好像有D細

覺得放咗個浴盆就唔夠位係附近幫小B沖涼

打算買白色款...未計discount大約$2500

 

但陪月姐姐探查過家裡情況

佢唔建議在房內幫BB沖涼

因為要裝水倒水都麻煩

同埋佢睇過浴室

馬桶位夠位放浴盆

而馬桶位既高度適中

幫小B沖涼時坐在櫈仔上

不用太彎腰無咁傷腰骨

 

於是…又再諗諗買唔買呢個換片櫃

因為小B房點都要有個地方換片

BB床有圍欄高度又唔啱又驚整污糟

 

之後再去望望Brevi櫃

再望望…其實佢都唔係成個用木做

小嘉發現佢櫃既四邊是用樛

而諗過….櫃既size又唔會好大

好似唔太夠位放小B既用品+衫

於是….再諗諗

 

哈哈!!!非常聰明既小嘉

係Ikea睇到有好幾款既抽屜櫃

左度右度…最後揀咗個無論高度,濶度,款式都好啱心水既櫃

於是決定將客廳櫃變身做換片+小B衣物櫃!!!!

呢個櫃睇落都唔錯啦!!!($2790個大洋)
不過因為好深色
所以BB房其他傢俱都會揀淺色或跟地板一樣的原木色
希望BB房不會變到亂七八糟咁樣啦!!!