主的恩典滿滿: 2009

2009/12/23

完滿....

感謝主...的婚禮,已經係12月19日完成喇!!很久沒有上來update狀況...因為實在太太太忙喇!!!!

明天就起程去honeymoon...希望影到多D唔同的靚相返嚟...遲D回港後,再慢慢分享婚禮細節啦!!!

2009/11/18

今日都幾好笑呀,因為原先已約定係早上十一點左右,男家就會來過大禮,於是媽咪就預備十點叫我地起身準備(因為我地好夜瞓....),我媽咪九點五十分叫我起身..我呢頭刷完牙梳緊頭,就有電話打嚟...我媽咪話:唔會係男家呀??!,我回答:唔係啦!我都無飛線,都唔係我手提...但..當我接起電話時......原來佢地已經上左的士啦!!!!Oh My God!!!成屋得我同媽咪外,全部都未起身呀(唔計有個細妹要返工),點算!!!跟住我阿媽即刻走去叫細妹起身,我走跑去換衫,當我求奇著好衫走到露台一望....呀!!!!!!!!!!!!!!!!!!!!!!佢地已經到左啦!!!早左一個鐘呀!!!我即刻飛落街同嬸嬸返屋企...佢地上到屋企時,我有個細妹仲刷緊牙=.=' 個個都一面未瞓醒的樣.....然後我D細妺同爸爸都陸續歸位(哈哈!!!)...跟住,好快咁分好D野...兩個嬸嬸就走啦,佢地真係令我諗起徐志犘的再別康橋....佢地走後我媽咪猛講:笑爆嘴(無錯,我媽咪係好in,佢會用呢D潮語的!!!!)間屋又亂,我地又未瞓醒咁樣....

不過...最爆係....男友的媽咪係兩個嬸嬸離開十分鐘左右後打俾我,問我佢地到左未,我話佢地走左啦!!!男友媽咪超搞笑...佢話:吓???!我仲係元朗喎(可能佢諗住同佢地係元朗join 埋一齊返屋企),佢地仲乜咁快呀??我就答:係呀!兩個嬸嬸話快D拎D野返去俾你拜神喎~,跟住男友媽咪講:哎呀!俾佢地激死....我都仲係元朗!!

我聽完覺得好搞笑....不過雖然烏龍百出,但真係一個令人印象心刻的過大禮過程!!!!

用擔挑拎嚟的大禮!!!

裡面有的物品.....我地已經拎左三份二走~~~

還有乾貨...

龍鳳餅一對...

我地回的禮!!!

開始分野...(其實已一早分好~)

睇得出邊個最得閒.......屋企好亂..無時間執~~~

走lu~~~

yeah!!!係屋企外面影返幅相先!!!!

My LoVEly の InVItaTiOn CaRD

終於係星期五時拎到所有invitation cards啦!!!好開心,超級開心..看到自己的設計變成實物...感覺很得意呀!!!!!!

這個是內頁,印在牛油紙上.....上面花花的圖案,是我用了好幾天在AI中不停畫才有的...見到它...有種很感動的心情呢!!!

因為內頁比較colourful所以cover就只簡簡單的用燙銀印上我們的名字,而這個cover的設計是可以將裡面咁繽紛的花花圖圖show 出嚟啦!!!

呢家要等的是婚禮程序表lu...唔知幾時有呢??

第一回 ~ 原貌

其實呢D相係上星期影的...不過屋企的card reader都read唔到張CF card,所以今日買左新的,即upload~

呢到就係第日間屋的位置啦!!而我所在位置就係男友現在的屋企~

前面的位置會是我們的家...後面就會是男友弟弟的...

從男友屋企的圍牆望過去...

這塊地未起屋前都用來種些蔬菜....現在都清理了....

清理好後我才見後面有一間似時丟空多時的爛屋!

男友家的廚房和厠所都是另外一間屋仔內....他們幾年前搭了一個臨時灶...用這個灶煲的湯味道超濃...好好味!!!

不過這個灶到起屋時都要拆lu~

來個近照吧~

到附近走走吧....我們踏單車來到村入面少少的地方...有稻草人呀!!!!

還有人耕田...

有未熟香蕉~~~

無聊坐係一邊.....

好期待.....呢家只等承建商的報價.....一揀好就可以啦!!!!!

2009/11/15

整靚靚!!!

很感恩...主賜給很愛很好的家人...

為了結婚當天家裡新更整齊,更大....妹妹的房拆了(我嫁後,我房便屬於她啦!!!),又為了接新娘時,樓下可以更漂亮一點,爸爸,媽媽和妹妹,還有妹妹的男朋友都到了我家,為樓下的大閘,圍網油上新油...而我從沒有幫忙過..真不好意思啦!!拆房時要返工,今天要崇拜...回家時工作都差不多完成(事實未完成,我也不會動手....因為D油"0拿"到我雙眼紅了又標眼水...差點連眼睛也不能打開....所以....油油,我是做不到啦=.='),不過...心裡真的很感動啦!!!!

由露台影的.....

很模糊的相...因為露台用膠版封了所有位置...為了防止貓貓"跳樓"...

P.S. 回家時抬眼看見有個人帶了透明的浴帽爬在木梯上...我還以為...為何有個菲傭在家外做工作....原來是妹妹在油油=.=" (哈哈!!激死我細妹啦!!!!)

地下的鐵門...

原是綠色的....我媽咪果然好鍾意紫色....

大閘變了啡色了.....

妹妹的男友也幫手呢!!!!(好!!!加十分俾你!!!!)

另一個妹妹....睇嚟佢好enjoy呢個工作......哈哈!!第日我要油油就搵你啦!!!!

油到無野好油....連D磚都唔放過....

好感恩.....謝謝你們呀!!!!

2009/11/13

Yeah Yeah!!!Ｍy LoVEly PhoTOs

好開心好感恩...(所以興奮到呢家都未瞓....),我頭先去伯娘屋企拎左相同油畫啦!!!(因為堂哥幫忙印的,所以放了在伯娘屋企囉!!!)

一去到...首先伯娘係堂哥間房拎左幅油畫出嚟....見到個size,真係眼都突埋....唔係咁大幅呀????跟住我媽咪驚訝地問伯娘:咁大幅??!伯娘回答:唔知呀!!我都無睇過...可能裡面塞左D野保護先咁大幅......返屋企拆開.....原來真係咁大幅....我仲以為30 x 36吋唔係好大....而家望落....成個window咁大..唔擔心無地方掛...係擔心到時教堂同酒樓的畫架會唔會托唔起...不過真係好靚...呢家諗緊會唔會再整多一幅細D....(感恩有堂哥在....好平呀!!印咁大幅都係$750咋....如果細幅的大約24x30吋,就$500-600啦!!!咁係咪算平呀???)

因為已經包好..所以唔拆lu...幅油畫高度差不多係Wall的一半....

跟住就開相簿睇...超緊張...但係好好好好靚呀!!!!兩本相簿都係封面封底水晶有十一頁(即係二十二版)size係14"x10",每本都係$800咋,我上網見過...咁的size唔包設計都要千計蚊...但係我有埋設計....真係好靚....

兩大盒...超重...

很特別的cover...我好鍾意呀!!!!black 個本保護膜反光唔係好清楚...但紅色那本...看看!!我起歡那個fade out效果加有D花花圖案係隔離....超正...我唔記得影封底...封底都有幅相係正中間的^^

黑色zoom近的....

紅色zoom近的....

金金都好好奇~~~

又要感謝主啦!!!

感謝主賜我有個好妹妹...我去了三次影相...她就辛苦三次幫我化妝兼做assistant,感謝主賜我有一個好好的photographer terry,將來的妹夫,不辭勞苦,分文不收仲拎埋假同我地去HKU, central, Japan同macau影相...D相真係好靚,將來攞嚟做生招版,我個靚樣都唔會失禮^^....好感恩天父賜我一個曾做過婚紗攝影的堂哥,得佢幫忙介紹朋友(仲要佢自己幫我做聯絡同苦力),將我們影得靚靚的相排版得非常好,將好靚的相變得更加無得頂^^..而且仲係一個好平的價錢...好開心呀!!!

2009/11/11

感恩!完成多項任務!!!

噚日超開心又興奮…完成多項任務…yeah!!!!!

首先拎左下午time off…放半日假,先係駱克道行吓睇吓D磚…發現原來有D磚係呢度買都唔係貴大陸好多…當然….有好多磚都貴好多…但真係好靚呀!!呢家mark左D號碼,等建築師朋友同佢的同事夾吓…或者D好靚的磚會用少少嚟做theme wall都唔定~

睇完磚即去尖沙咀marriage regitry度拎婚姻官證明書,拎完又踩落深水土步買材料做回禮禮物(上進青年話佢會做喎….噚日教佢時,個畫面超好笑!!!!)

去完深水土步走再搭MTR到葵興天恩堂教final deposit同埋婚姻官證明書,問了林小姐可否早半小時取場準備,佢話可以不過要俾$700,咁惟有都要俾啦!!咁佢地D燈,冷氣,音響都要電費o既…剛剛有天恩堂的教友練習行禮…林小姐話我地可以過去望望…於是去睇吓….

去完天恩堂,又即刻再落荃灣欣欣度訂花球…..好開心,訂了自己喜歡的花…詳細如下:

1. 園形露腳的花球:

材料:白色大牡丹+白色小牡丹+淺香檳桔梗+少量綠足球+少量銀絨葉….

(原先諗住只係用白色大牡丹…因為牡丹都好貴…但係我都好鍾意小牡丹…同埋小牡丹做Corsage會靚過用大牡丹啦!!所以…哈哈哈!!!!

2. 都係圓形露腳的花球:

材料:瑪利亞玫瑰+粉色小牡丹+香檳小玫瑰/香檳桔梗

呢個又有小牡丹出現啦!!但係呢個會係粉紅色的…其實我唔太喜歡那些很玫瑰樣的玫瑰(係咪好難明呢??),但呢個玫瑰唔係太玫瑰樣的…同埋D花靚的話會用桔梗..所以好喜歡哦!!呢個花球的花係用細花.所以同白色的唔同…同埋呢個的感覺係cute好多….用嚟襯褂的!!用完接新娘再俾伴娘用!!!!

3. 襟花:

因為杜生(老闆啦!!)話用惠蘭(其實本身無諗用咩花…但係…唔想用太陽花…咁佢話靚D可以用惠蘭,但就貴D….),咁因為惠蘭係一串咁…如果一次做晒十個就平D囉!!咁就十個襟花(包括主婚人同司職人員)都用惠蘭…不過主婚人(即四個家長)會用誇張少少的襯花..而司職人員就會清雅咁囉!!!

4. 聖壇獻花:

呢個只是很簡單的用馬可百合為主,再加其他襯花…

5. 婚桌:

因為婚桌無特別佈置,所以放一盆少少的花束(插在方型的花瓶內)…嘩!!以前見過香檳色的玫瑰…但我地揀左米白色的玫瑰…我初初都諗唔到係咩色…老闆即刻係雪櫃拎左一扎出嚟..超得意呀!真係米白色(即係好似象牙色的!!)…雖然唔係咁鍾意玫瑰…但呢個色真係好得意,我諗加埋其他襯花應該會好靚!!!

哈哈!!!訂左咁多野….你地估我地出左幾多血??!

去完花店就再去印帖度…去度,其實觀禮咭仲印緊..好得意,係度睇住部機一隻色一隻色咁印!!無錯….我係直接去印刷廠度印,全靠主安排一個好好的弟兄幫忙,我先可以安心唔理咁多咁去印D帖^^

去到首先見到張盆菜帖….嘩嘩嘩!!!!好靚呀!!!!實在比我想像中平好多好多!!!!超開心…再望吓婚宴帖的內頁…..OH MY GOD!!!!!真係好靚呀!!!無諗過自己傻更更咁用AI畫出嚟的圖真係可以用嚟印帖…而且真係真係好靚呀!!!好感恩呀!!!!因為只有盆菜帖ready,其他要等D墨乾同埋觀禮咭印緊…星期四可以拎…所以我地兩個最後打道回府,星期五一次嚟拎…但臨走,我地兩個都拎走兩張盆菜帖…一路行一路睇一路笑!!!!!!真係好開心呀!!!!!!!!!!

一日行程完成….最後去食大餐….因為噚日其實係上進青年的生日…哈哈哈!!佢仲話生日大出血呀!!!無所謂啦!開心咪得囉..呵呵呵,唔使我俾錢梗係咁講啦!!!!

2009/11/9

40日倒數...咁快呀!!明明50日倒數都好似無耐前~

原來今日已經係40日倒數...時間真係好快呀!!!!

下星期就只剩一個月....開始煩....

今日發現自己整的回禮....原來唔夠,仲要差成一百件咁多...(因為...實在可能擺太多圍...),唔諗住整啦!因為呢家無呢個時間同心情啦!!!!都係去金都,上吓網睇有吓有邊D現成先!!!

個日睇吓邊D賓客咁幸運,可以收到我造的哦!!!!!

另外,好煩呀!!!本身自己女家有十圍....但係...今日數吓數吓....原來都請左十圍半...超出啦!!已經好痛苦咁決定請詩班去食盆菜...但係點解都會超出....而且....應該唔只半圍咁少...仲有D唔知邊"樹"的親戚都未計...好煩......

感恩...上進青年話無問題....唉~本身想擺得鬆動D...呢家無法....唯有圍與圍之間迫D啦!!!!大家close D啦!!!

2009/11/6

點解可以咁呀??!

如果唔係別人的告知,我真的不知道她已有決定...

我不知道她怎樣想自己的婚禮,但我只願我的婚禮是榮耀神,見證神的愛....當初是她自己口口聲聲,實牙實齒的說,若有結果定當第一時間告知,好讓我有所準備...但我從別人的口中得知消息也過了個多星期,難道我認為的第一時間,和你認為的第一時間是不同...難到我和你所在的空間不同.....難道要等到結婚那天才知道....

我不想這樣說,但心裡真的這樣覺得....她做了一個不好的見證.....我的家人,身邊的同事都知道事情的發生....他們都認為....為何....為何基督徒這樣處理事情......她不單對自己的婚事拖拖拉拉,但也把我籌備已久的婚禮受到影響...幸好亦非常感恩,身邊滿有很多很多的天使,知道我的不安,知道我的不忿..安慰我,為我祈禱...感謝主...沒有你們,心裡的委屈真的不知如何舒發.....

唉...可惡!本想打電話到教堂查詢可否早點到場準備...但....原來教堂那邊並不知不會行禮了....真尷尬..前天問教堂程序表的情況,林小姐問我知否她的情況...我只能之吾以對..林小姐還說她們已督促她早點交齊所需的文件.....唉~很想問問可否早點取場...但如果我問的話,我的立場不是很怪嗎??到現在都沒有很多人知她不行禮(甚至不知她要結婚...啞晒),唉!!真的不明,為何可以如此不站在別人的位置去想想,無論是我,是教堂....噢!!!突然明白之前的教友所說的...他們曾經也"中"了招....唔...或者她不告訴人,是不想做醜人吧...因為她永遠也是一個弱者的表現(所以那對表面看似較強的教友,無奈成為"蝦"人的角色...),那麼我來吧!下星期交結婚申請證明,那時我不理會了,我會照問教堂能不讓我早點到場打點...哈哈!!我就是直腸直肚的...

不過,我仍祈求主祝福她的婚姻,因她在家庭所受的壓力定會比我大...我的家人和男友的家人,緃然未信,但仍通情達理....但,她的....願主祝福她,講到底,大家也是主內的家人,我仍希望她得到幸福的生活....