Knitting @ shoes
呢個作品同途下既背心set
睇怕都會被拖拖拖
其實對鞋仔已經整好七七八八
就只係差縫好同圍邊
而背心set都應該可以兩三星期完成
(如果發神經起勢咁織…一星期都應該搞得掂!!)
但…
星期日收到個開心消息
搞到小嘉即刻急速冷卻織埋既決心
哈哈哈!!
其實係好無聊
之前織好既angel
proclamation拎咗去裱
裱好珍妮幫小嘉去拎
點知店主問我D圖係邊度買等等
原來…佢好多客見到我既作品
都想買咗佢!!!!勁多人想買喎!!
好感恩喜樂,有咁多人欣賞!!
好有成功感呀!!!
店主話佢都幫唔少人裱十字繡
但就得小嘉既作品係比較特別
(我相信好多人都繡韓國cute圖,褔字呢類)
(但小嘉锺情外國圖多D,好似MD呢類)
(咁所以咪好似特別D囉!!)
所以小嘉繡嘢條引又俾人撩起咗!!
再加上…織既東東都有三樣喇
但小B房一件裝飾品都未做
所以都想快快手搞吓佢~~~
不過今次既繡繡比較簡單
我諗拎去裱時唔會有咁大回響喇XDDDD 好可愛既鞋底~ 其實鞋仔都好快織到…有心機一日搞掂
我覺得呢對鞋唔會好靚…因為緝咗一隻,感覺有D變形XDDDD
Knitting @ Shawl
織完袍仔…
襯呢家有心有力
一鼓作氣快快手織多幾樣嘢先!!!!
呢件披肩仔真係好易
無咩難度…織咗三四日就搞掂喇!!!! 幾鍾意呢隻冷,夠實唔會鬆鬆咁~ Thx model Eeyore 件披肩仔好靚,希望阿B著咗會型仔啦!!!
親身示範~
Knitting @ Grown Completed!!!
終於完成咗件長袍仔喇!!
呢家只係差縫鈕啫!!
不過未買鈕XDDDD
件袍真係幾女仔樣
不過BB仔咁細個無所謂啦!!
今次織嘢又學到D嘢
事關因為先織背幅
咁起針同織好都用尺量住
知道尺吋差幾遠…所以超手鬆
點知到織前幅時就無再量
織吓織吓又織返自己既力度
咁就….前後幅既長度都差好遠吓
不過感恩併埋都唔覺
小嘉功力都未去到可以自由咁改變D針數
如果唔係就唔使用手鬆手緊嚟就
個款都真係幾女仔XDDDD
Crazy Shopping @ Dwinguler Mat
上星期去開nicholas and
bear開倉
咁橋見到皇室市場有新款Dwinguler
mat
原價二千幾,呢家$1888
講真...如果買舊款就可以平D
如果買舊款而個圖案又無咁得易
就更加可以慳到二三百蚊
但係…如果同返小嘉揀得落手既圖案嚟比
呢家係皇室市場買呢個新款都係貴百二蚊到
所以都係唔煩喇!!買埋啦!!!
做特價既只係得大碼
去到見sales姐姐打開睇幾大張
嘩!!!
原來都真係幾大張喎!!
一直覺得2.3m x 1.4m唔係好大咁
但實物係咁大張…不過只有大碼無中碼
所以都係揀大碼喇!
本來仲諗住間唔中可以放吓係BB房
但呢家都唔得喇!!
都係放返係地下間房/偏廳
或者到時搞搞吓…
地下間房都變咗Matthis
B既game
room都似
呢家都放咗成箱玩具,單車仔係度
睇怕上進爸爸既領土開始俾多個人霸佔喇XDDDDD
Crazy Shopping @ Clothes
今次真係crazy喇!!
真係痲到爆!!!!!
上星期Nicholas and
Bear開倉
買咗好多衫俾Matthis
B
不過…一出世著得既得好少
反而買得多係12
mths=.=”
哈哈哈!!無所謂啦!!
買定下年冬天著
到下年又掃D歲半至兩歲既!!!
呢個阿媽好瘋狂呀XDDDDDD
感恩…小嘉有既Matthis 仔仔B
如果係女仔….實破產都似…
因為現場實在太多太多太多
好靚好靚既女仔衫
初生既已經好多
D半截裙仔靚到無人有
女仔褸簡直cute到爆
仲有露背top
型爆既pants!!!!簡直令人瘋狂呀!!!!!!
睇吓其中一件靚褸就知有幾正!!!!!
Lovely B @ Matthis
My name is Matthis!!!
小B暫時有個英文名喇!!!!!!!!!!!!!!!
暫時…係因為如無意外都係呢個
但萬一係小B面世前有一個令小嘉同上進改變心意既
咁當然會改啦!!
其實改名真係超級難
中文名已經努力搵咗幾個音同字型意思都唔錯
但就未併埋睇吓點
同埋都仲想睇吓有無多D字揀
而英文…都唔簡單
小嘉想要有意思
上進就想要簡單唔好太複雜
複雜到連讀都唔知點讀
心思思有諗過叫Mathias(馬提亞^^)
但…上進都話呢個讀音麻煩=.=
好喇!!Matthis點解呢??
其實係法國名…英文既寫法係Mathis
但Matthis好似型D咁XDDDD
意思係… Gift from GOD!!!
小B當然係天父賜既禮物
天父給既恩典和愛
小嘉諗過…想揀一D意思可能係
感謝主,榮耀主等….
但…最終覺得gift
from GOD好有意思
呢個名令小嘉同上進要記住
好好咁珍惜天父賜下珍貴的禮物
好好教養小B … 直至到老都不偏離正道!!
Gift @ Red Ginseng from Amei yee yee again!!!
又收到豬咪姨姨既禮物
真係實在太厲害喇!!!!!!
你話…小嘉同上進遲D點可以唔打對金鈪俾佢哎!!
收到豬咪既whatsapp
佢原先打算送一張可透氣既床墊俾小B
但係…小嘉見D size唔太啱BB床
二來…小嘉都唔信呢D床墊會點透氣法
於是…豬咪姨姨sent嚟話送個”良心”俾小嘉
咩係良心…………咪係韓國良字高麗參囉XDDDDDD
事緣豬咪飛去韓國
小嘉多口問會唔會去到機場買嘢
其實豬咪都唔肯定因為要等佢地經理去批淮
點知…真係有得去買嘢喎!!!!!!
於是佢就係機場幫小嘉買咗
小嘉指定既正官庄高麗參良字20既300g喇!!
嘩!!真係講都唔信!!!!
係韓國買真係平好多好多好多!!!!!!!!!!!
下個月豬咪又再飛去韓國喇!
如果今次又去到機場買嘢
佢就會可以幫我朋友買返盒
咁我地坐月時齊齊有參食XDDDDDD 正官庄既罐…必有既圖畫…好似話係有個女人食咗之後生到仔咁啦~ 打開個蓋…完來仲有個密封拉蓋!!! 再打開就見到真空包住既木盒喇!!!! 官入面有D介紹呀咁~ 食晒D參個木盒可以留返嚟放吓嘢都得喎~ 仲有埋證書,唔怕買咗假嘢!!! 小嘉一拆開個真空….其實既事發生喇!!!!!!!!! 多多剛好係廳…佢離遠就聞到D參味就不停係咁聞@.@. 個木盒都真係幾靚仔~ 好緊張呀!打開喇!!!!!!!!!! 原來高麗參係咁樣(小嘉無咩見識啦XDDDD),一邊係紅色,另一面就較黃~~~
哈哈!!過多 一兩 星期,小嘉可以試吓味道喇!!!!婆婆話要燉一條參俾小B強壯身體喎~
