Lovely B ... 自家製合桃糊@22.09.2012

Yummy @ Walnut

 

之前整個半成功既芝麻糊

嘗試搵出半失敗既原因

於是上星期六又再出擊!!!

 

今次上網搵過資料

原來白米係要浸過夜!!!!!!!

而今次改戰合桃糊

諗住俾小B補吓個腦啦!!!

 

首先,米前一晚浸過夜

第二日先用攪拌機攪碎

OMG!!!係就係比上次好D…

但搞出嚟都唔係糊狀既!!!!!!!!!!!!!!!!!!!!

心有不甘…再出動埋本來用嚟攪milk
shake個類嘢既攪拌機

咦!!!?

OK喎!!1就係打到D米漿類似物出嚟!!!!!

 

到合桃喇!!!

D人教先用熱水煲吓佢

咁就易D咁剝到D衣…

唔…成個過程最艱苦係呢個工序

真係好浪費時間…有無D已經去咗衣既合桃買呢????

 

終於搞到D衣…諗住焗吓佢香D…

但焗咗6分鐘好似都唔太香

於是都係炒吓佢…D香味出返嚟喇XDDD

 

將D合桃加水搞到變糊

然後就將合桃水同米漿隔住個隔湯渣袋倒入煲

但…煲煲吓…諗諗吓…

其實想食合桃糊都係想補阿B個腦

咁我隔晒D合桃肉碎粒咪好似唔係咁好!!

於是…又拿拿淋倒返D合桃肉碎落去

 

煲吓煮吓再落吓糖

終於成功喇!!!!!!!

味道都唔錯,同埋都有D滑!!!

當然…有D一粒粒既合桃肉係度都唔可以expect非常滑喇!!

但覺得今次都算成功

下次可以改善既地方…係覺得可以落多D水

因為煲既時候見變糊狀就OK

點知放涼一陣就會好杰吓!!!

落返多DD水咁應該會好D~~~

 

本來呢個星期諗住再整芝麻糊

可惜…無啦啦胃炎又肚瀉

唔敢再食滑腸既芝麻糊

睇吓嚟緊星期先整!!

不過整芝麻糊就真係隔晒D渣先

希望整到又滑又香既芝麻糊啦!!!

眼真D幅相,都真係幾杰,好似糊仔咁…不過都算幾好味~