My Lovel y Travel @ Macau 24-25.09.2012

Short Trip @ Macau II

 

講返去旅行既情況啦!!

其實同老人家去,都預咗會唔同D

感恩…小嘉都大住個肚

所以都真係好hea咁遊

 

1^st
day

10:30係上環坐船

第一次坐船坐豪華位

諗住都係無咩特別…係個位濶D舒服

其他都一樣咁….

點知…完來都有飲品同船餐喎~~~

 

有一個菠蘿包同一個蛋糕…但出門口時食咗個包….食唔落喇~

去到澳門都係大約11點左右…

因為威尼斯人未有耐有得check
in

所以先去新濠天地度換咗水舞間張飛

到夜晚怕唔夠時間就煩喇~~

 

換完飛就搭的士去路環行吓

原來呢D時間,係新濠外面都唔太易有的士

大約等5分鐘左右先有~

 

去到路環…搵咗好耐先搵到open
rice話OK既萄國餐廳

唔…原來D地圖同現場情況係好唔同=.=”

而最奇怪係…現場都有個簡單既政府做既directory

佢個方向指到完全錯晒!!!

好在無跟啫!!唔係行到返氹仔市中心都未去到目的地

 

叫咗一個sausage and ham
set

唔….小嘉唔敢食,因為係未熟…怕食咗搞肚痛

上進爸媽完全唔欣賞呢類食物…

8成半都係上進清

 

仲叫咗唔知咩鴨焗飯

小嘉覺得幾好味喎!!!

上進媽都覺得OK~

 

另外叫咗個非洲雞…

上面舖滿好多椰絲

小嘉又係覺得唔錯…不過高要求既上進一家

覺得D雞有D鞋(哈!哈!!小嘉不嬲唔係食家…唔難食叫好食架喇!!)

 

仲有煎焗馬介休

呢個都幾得意喎!

上面又係舖滿椰絲

下面係煎過再焗既馬介休

D馬介休唔太咸…似係咁易用鹽醃過既魚咁

 

總括嚟講

呢餐上進既評論係覺得D食物應該係較傳統既萄國餐

咁即係點!!?咪係無就本地人口味咁改變囉!

小嘉同上進都覺OK既

不過…上進媽就唔太好

而上進爸…簡直全程黑面…D嘢食 一兩 啖就點都唔肯再食

搞到上進都好無奈…結果係點….

結果係…原先諗住夜晚再去出名D係氹仔既萄國餐廳

急急腳轉做是但搵間中國餐廳(去咗誠昌食蟹粥)

而之後所有餐都轉中餐

而上進爸事後回顧係….

除咗第一餐…其他餐餐都唔錯=.=”

 

食完飯就係路環周圍行吓影吓相

行到3點左右小嘉都有D攰

所以早D走早D返威尼斯人check in休息吓~

 

去到威尼斯人…check
in都真係…要好耐吓!!

我地去到其實係有counter唔使等

但都check咗成20 -30m ins

其實都唔知佢搞咩搞咁耐…

跟住有本passport物體

拎住4張”passport”再去服務台換cash
cupon

呢度真係好忙喇!!

好多”爛賭鬼”係度用佢D唔知咩嘢換船飛

咁又等咗15 -20m ins

終於…搞到成四點幾先入到房~

 

講真…D房又真係幾靚幾大

不過可惜…話就話有free wifi

但唔知點解connect度但上唔到網~

係間房坐吓休息吓…到差唔多5點

又再去搵上進爸媽出發去氹仔市中心

首先去咗龍環萄韻(無記錯個名)

見到有2對新人影結婚相

跟住小嘉真係太攰頂唔住…坐係度望住個大大蓮花池發呆

上進爸加入發呆行列…

上進同上進媽就周圍行下

到六點鐘多D…就行去官也街

去誠昌食蟹粥同小菜

 

上open rice最近個十個八個comments全部negative

話D蟹粥無以前咁好味

所以都同上進講定先

不過…D粥嚟到

上進話都OK哎~

同我地09年嚟影結婚相時食都差唔多

又唔覺差咗喎~

小嘉唔清楚…因為無份食

小嘉食咗菜同椒鹽鮮魷

同埋荷葉蒸雞…

D味道都OK…不過荷葉蒸雞

其實隻雞好似同塊荷葉無咩關係咁

因為都無荷葉味既~

 

食完飯,我地就返新濠天地

預備睇水舞間喇!!

初初仲諗住7:30去到會太早

點知已經好多人係度等入場~

好在一早換啫~

一開始無耐就升起呢座嘢,D人係咁跳水…真係搞到我地會濕身~

係咁fing嚟fing去,真係有D驚佢地fing甩手~

呢part都跳咗好一段時間…D人無吊wire係咁跳,都好驚險~

尾段有欠電單車(其實都唔太明跟個故事有咩關係)

但最恐怖係…個斜台就係小嘉坐既位隔離…真係伸手都會掂到,好怕佢架車失控撞埋嚟~

 

水舞間真係幾好睇

不過如果有D膽小的話

就唔好坐第一行…會俾D人嚇架!!

 

第一日行程就咁完結喇!!

 

第二日就先係威尼斯人行吓食早餐

再去坐吓貢多拉…到中午就check out

然後去咗東望洋塔再去大三巴

之後行埋福隆街…

食埋晚飯…搭早一個鐘船返香港

 

本來都有D相架…

點知上進將D相save晒入佢電腦

就delete晒張SD card既相

搞到小嘉有card都無相>~<

所以…第日有機會醒起…就補返D相啦!!