最後二人世界的中秋節@30.09.2012

Lovely Life @ Mid
Autumn 12’

 

最後一年同老公二人世界既中秋喇!!

下年就多個小B加入

最後一年中秋

果然係令人難忙

 

首先…因為呢排都有偏頭痛

所以朝早一路崇拜都一路痛住

到下午無咁痛…終於舒媛D喇!!

就同上進食個簡單既餐就返屋企

 

小嘉呢個中秋既下午

就用咗嚟做小B用既手工皂

(詳情遲D講)

 

到7點左右就做節食晚飯

食到8點左右就返珍妮家

因為中秋節係小嘉爸既農曆生日

 

切過蛋糕…小嘉都食左一小件藍梅脆脆

之後就一齊打算去市鎮公園熱鬧吓

諗住叫埋舅父表哥佢地一齊

不過…救命

又係一慣既作風去到婆婆屋企樓下

佢地都未知去唔去同幾時去

 

係呢個時候…小嘉都真係幾攰

因為都成十點幾喇!!!!

所以…小嘉放棄…珍妮佢地落咗車

上進就開車返屋企

 

但為咗感受吓氣氛

上進沿住市鎮公園外圍兜一圈

嘩!!!!!今年可能天氣好好又有月亮

超級多人呀!!!!個草地坐滿人….熱鬧過星期日既皇后像廣場一百倍

感恩決定唔好…因為D人多到行人路都好迫

小嘉真係無咁既體力去行….

 

返到屋企…沖過涼就瞓喇!!

點知凌晨兩點去個尿尿…

咦????!

唔對路…點解個胃同個肚都有D唔舒服

 

越嚟越唔舒服…

瞓都瞓唔到..小嘉決定坐係椅度(咁會舒服D)

等待大瀉特瀉既來臨!!

但…等咗超耐都無得瀉!!!

咁就仲大件事….D菌出唔到嚟

咪仲有排痛!!!!!

D菌困係入面…會唔會變嚴重影響阿B架!!!!

 

終於…感恩….

係四五點有得瀉喇!!!

 

但今次有D唔同…

之前瀉完多數無事

今次仲keep住痛>~<

原來今次應該主要係胃發炎…..

 

嗚嗚!!!明明10月1日屋企BBQ

小嘉就係床…toilet…粥既來回中間渡過>~<

今個中秋無食月餅,無玩燈籠…只係睇住人地掛好既燈籠=.=”