金金佢兩隻眼係唔同顏色...佢係我細妹係垃圾站"手執"返嚟....返到屋企上網check,先發現原來D猫對眼唔同顏色都會係聾.....感恩俾我細妹發現...唔係實俾車撞死啦!!!
後嚟帶佢去做絶育手術時,D姑娘話貓貓藍色眼那邊就聾,而啡色那邊就會弱聽....我成日都覺得佢有時會聽到我地講野...但係會扮聽唔到....但係有得玩時,就好聽到少少聲咁!!!
呢隻吉吉又係細妹"手執"的!!佢成日都好鍾意人抱...我都唔係好慣,因為花貓好有性格係唔鍾意人抱.....所以,佢嘈親要抱,我都抱一陣就覺悶....
你隻金金好似我家nana,係對眼唔同呢,nana 係全白貓藍眼,但我肯定佢唔係聾呢,因為叫親佢都識應,仲要應得我地好大聲呢!!
回覆刪除好在你地屋企大可以收留咁多貓貓,貓貓有你地照顧真係好幸運!!!
其實全靠我媽咪,D貓都係佢照顧...佢前日先同屋企樓下的貓貓玩,可能玩得癲得濟,媽咪俾隻貓仔咬左啖,搞到隻手發炎,由咬到的地方慢慢向上腫起,所以都去左急症室睇睇(佢之前都試過俾貓抓,搞到要打瘋狗針),醫院超想我媽咪報警捉隻貓,我媽咪當然扮傻話唔知隻貓去邊啦!!呢家佢要食抗生素消炎啦!!!不過其實咬佢個隻貓係超得意,係玩得太癲o者!
回覆刪除