聖誕節再去我們家看看,嘩!!!看到假天花和feature wall已做左一半喇!!!!
唔唔唔…就咁睇已經覺得好靚,相信完成後會超靚啦~~~~~
唔講咁多,去相!!!
嘩!!!一入屋,就見到corridor邊已包左好靚呀!!
偏廳趟門裝緊喇!!!!
open kitchen變左暫時儲物地方...抽氣扇,電制,MCB都係晒度~
二樓走廊假天花...好靚呀!!!!
不過天花矮左好多....但係靚就OK啦!
feature wall同corridor假天花用同一物料做...都一樣係超爆靚呀!!
如果係再raw D既木就正喇!
concealed door 同假天花材料都放晒係三樓~
呢舊白色東東就係書枱喇~~~
噢!!!天台既扶手都裝左喇!
原來外牆既凹突感係先噴一層呢D野,再油油既!
花園的進度:
1. 我們家的花園圍牆最終又交回T師傅做喇!!!他真的超有效率,一個星期不夠,成幢舊廚房已拆了,屋外的建築垃圾也清得七七八八,暗渠的位置亦已劃好,開始做渠了!l相信下星期起碼有一個較乾淨和平坦的地可以行啦!!!
2. 至於花園圍牆的設計還未confirm,感恩隔離屋的叔父,之前用剩一些外牆天然石,好靚架!!不過數量唔多,不知可以鋪到多少地方,代A小姐看過後再決定用在那裡…或者其中一幅牆,又或者用來做planter啦!!!
而花園中的樹遲 一兩 星期,會跟嘉爸的朋友周圍看看,我們心目中要有桂花,雞蛋花和羅漢松,看看有沒有其他小小的叢樣.小嘉想在屋前做一個小小的花圃,種一些香草…用來做手工皂也好啦!!哈哈哈~~~電器的進度:
1. 要係sogo買miele的吸塵機,小嘉仍諗緊用cat and dog定係baby care,噚日個sale哥哥就講解過,cat and dog主要個filter可以除臭味,而個吸嘴呢就可以用嚟吸床單(唔…我諗我唔會用吸塵機吸床單囉=.=)
而baby care的filter係勁D,有一層空氣清新機的過瀘,不過吸臭味就無cat and dog咁勁,但都吸到D,而佢個吸頭會有sensor,如果detect到吸既地方已經乾淨(佢話好似床單…又係床單),咁佢會著綠燈話你知可以吸第二個地方喇~
唔…我諗我多數會揀baby care啦!因為佢filter好D,我係其他blogger網見過,屋企人有哮喘都係用呢款,而且…其實貓貓唔會有咩味(當然…要每日幫佢清貓砂啦!!),所以…應該係baby care喇!!!
2. 仲要買個燙斗,完全零knowledge呀!!同事教最緊要拎上手要順手,唔好太重,如果要垂直燙就揀埋可以垂直用,如果垂直用埋最好揀有線及無線款,咁用燙板時可以有線,垂直時就拆左佢…經過一輪研究,如無意外會揀Tefal既FV7010,因為見佢可以垂直用,又係有線無線都得,噚日Sogo個邊Tefal有discount,15%off,唔知呢款係咪都有呢???豐澤賣緊$698,如果Sogo真係有discount就好喇!再加埋滙豐咭,就再多9%現金回贈.不過始終未拎上手試過,到時先再firm啦!
3. 洗衣機29號送貨
4. Sharp的電視機安排15號才送貨和安裝,到時應該天線已較好,咁師傅先可以調教啦!!而Panasonic的電視安裝還未約時間…看看也約15日安裝啦!
上進約了30號送抽油煙機和安裝,小嘉今晚要去settle尾數啦!傢俬的進度:
1. Franc Franc今天送電視櫃
2. Simple Living和Taste Living都會29號送貨喇!!!可以重見我地超爆靚櫃.而sofa, single chair 同餐枱等都係訂造,唔知做出嚟既顏色配搭會係點呢??好緊張呀!!!
3. 至於其他傢俬,做冬那天回去時,已經看到材料送到我們家了,師傅JJ會由今日開始砌喇!!!不過床仲未Confirm,要等A小姐今日去巡視時再final confirm,不過床會現場造,所以應該一兩日搞掂^^
至於廚櫃呢,應該28/29送貨+安裝,但Corian枱面就要再等等,完成好個廚櫃才做,估計都要一月頭先完成喇!雜項的進度:
1. 星期六/日要到sogo買simple human圾垃桶,買一個唔記得係25定30L放係open kitchen位置,唉…因為open kitchen關係,小嘉和上進要買D靚仔少少既廚房用具,費事人地見到D核核突突既…所以…抽油煙機,靚…好貴,刀…靚…唔平,連個垃圾桶都要揀個型仔.
另外再買一個都係simple human既膠垃圾桶(平好多~),放係三樓主人房,會買個白色靚靚既,至於廁所垃圾桶…未諗...或者地下買埋灰色,因為使用率會多,買個耐用既好D.個垃圾桶都好大個,如果買埋細既垃圾桶,真係唔知點樣由銅鑼灣“的”返入新界西…感恩,有送貨的…咁就唔使煩啦!
2. 噢!!仲有鑊鏟…都係那個原則啦…最緊要外型靚囉~~原先睇中一把buppalo的,但上進逛左sogo一圈後,係within佢心目中budget內,應該會買同我地個鑊同牌子既鏟…不過我唔記得個牌子lu~
3. Ikea會係27號送貨.
4. yeah yeah yeah!!我的超可愛鋼琴定左係30號送貨喇!!!!因為二樓上三樓那個轉角樓梯唔夠位,所以部琴要用吊機車吊入三樓…嗚嗚嗚…咁就要$1200大元喇!!!!
在網上看到用艾條可以燻死D蟲呀虱呀咁…而且唔會好似用滅虱器咁會搞到成屋油,所以睇下邊日OK,等我放燻下佢先!!!最近都沒有怎麼update我們家狀況~~
就報告一下啦!!!
裝修情況:
1. 由於現在集中火力谷我們家,再加上F君+A小姐連環炮轟B君,如無意外,我們家大約29-30左右大致完成,當然還有一些地方要執漏啦!!小嘉都唔強求啦,只但求有個地方可以放東西,有個四四正正既廳讓親戚朋友坐坐,就好感恩喇!!
估計我們家真正完成日要到一月中,及申請滿意紙,希望趕及農曆新年前settle所有野.
2. 昨天噴了第一層外牆油,油漆師傅話要多兩日才完成
3. 室內的油還未開始,實在…唔知…下星期怎樣完成呢??還是油室內只需要三日左右就OK???
4. 做冬那天回去,B君還未走,佢話我知一年後會再回來補油一次(thx GOD!!!),不過,並唔係成幅牆重新油啦!!而係如果有hairline咁既裂縫,佢會補返咁喇!!!
裝修part大致這樣...下次再跟進,如果真如B君說,那麼下次我們家應該有90%完成照post上來喇~~~
由星期四開始鋪,星期日quickstep已經差不多九成九完成.
最初初盧總監(quickstep的工程總監)預計要用一星期安裝,但實質其實三四日左右,咦??!但係星期四做到星期一(執漏),用左五日喎,點解多左一日呢??
因為…星期五 時A 小姐去左現場睇,覺得有D地方鋪牆腳線會好肉酸(影響整幅牆既簡潔),而有D牆腳線太高唔靚…於是擾攘一輪,拖左日幾先可以再全速前進.
樓梯鋪左喇!!!估唔到啡啡地襯灰磚都幾型同幾靚喎~~
如果側面油返白色,我諗會sharp好多啦!
樓梯既邊邊未修口...今晚返去再望下變成點先!
wow wow wow ~~~
呢個係小嘉房既地板,其實本身小嘉唔太prefer用白色...想用埋country既自然橡木...
但因為A小姐設計我間房係希臘style...所以唔係藍就係白,所以佢就話揀白色會好D..
yeah!!出嚟效果好唔錯呀!!!好靚又型...期待feature wall同傢俬放埋一齊個樣呀!
呢個就係走廊位既修口喇!!!
我相信因為A小姐想成幅牆都好neat好simple,要白雪雪...所以先refuse用牆腳線...
不過...呢家會有條隙係地板邊同牆之間...聽quickstep師傅話,遲D油油個邊會批返靚靚既!
好喇!!呢個其實係同走廊用同一款木地板既客房...
原先想兩層用晒呢款...因為好鍾意country series既浮雕效果,踩落去軟淋淋,好正...
不過呢家得走廊同呢間房用咋!
三樓用了這個...較深色的...
這裡是放電視和鋼琴~~~
牆腳線好靚....呢個高度就剛剛好!!!
總結quickstep:
1. 售前服務: 都OK既,可以隨意拎samples,又唔會話迫你地落訂買貨.訂左貨都唔會話迫要用埋佢地既安裝服務.
2. 度尺服務: 因為有樓梯關係+有埋安裝保養,所以決定搵quickstep安裝埋,度尺既係quickstep的工程總監 盧 先生,人超級好,約第一次度尺時因為我們自己溝通上既問題,令到quickstep誤會不用來度尺,後來發現立刻通知quickstep,盧先生都趕來我們家,而且沒有任何微言,而度尺超仔細,我看過他畫的圖,簡直是一個超詳盡的平面圖,超正
3. 安裝服務: 安裝的是另一班較後生師傅,佢地都比較自己做自己事,so far都OK,而鋪樓梯既師傅好好,我上次見佢裝木板(鋪樓梯前要先在樓梯鋪木板)都唧勁多膠水,另一個師傅仲問佢仲乜用咁多,一支膠鋪一級樓梯都似.但呢個師傅話落多D貼實D,咁先穏,所以超讚.因為未真係做完成個安裝,暫時99%完成的都很好!
4. 安裝中的插曲: 因為A小姐對部份地方的要求,所以導致走廊位要拆走已裝既牆腳線,其實小嘉和上進都不知發生什麼事,因為我地根本唔係現場,而上進都有致電盧生,亦有表達不好意思(之後星期日,盧生親身到現場看過一篇,而上進都再次向佢表示不好意思時,盧生都說這是很平常事)
但想不到,反而門市小姐,多次致電來的時候,語氣都勁不滿兼不耐煩,與最初面談時很不一樣哦!我地都勁唔意思,但佢仲係度話我地個則師好多野改,又話我地拖住佢D師傅,又話D師傅趕住第二個job要做.呢點我地明白(雖然..盧生說過預了一星期安裝時間而實際只裝了五天,但亦明白快做完一天,他們又可以快完成其他工程),但我們都表達左歉意,而亦現場跟師傅說不好意思,他們亦沒問題.
但門市小姐在電話中的態度,令我覺得她有點像變了個人,佢仲表示因為我地改嚟改去,又話我地無啦啦要cut D牆腳線(呢過真係好無奈…因為師傅講返俾我地知,原來不嬲都可以改高度,我地亦都曾話牆腳線太高,但佢無話過我地知可以改,所以先搞到去到現場,則師有呢個要求先知原來可行囉!)
呢家地又鋪好喇,佢都未打過電話嚟話尾數係幾多,其實我懷疑佢係要退返錢,因為我地用左少左牆腳線,而上星期又一早俾多六千幾蚊P弟屋既尾數佢,所以都唔知佢想點…唉!本身一切好完美,俾呢位姐姐仔搞到要扣佢地少少分喇!
雖然間屋未整好,但部分傢俬已經送嚟喇!!
呢個...因為...好似Simmons咁,我地好最訂貨,初初諗住十一月左右可以送貨,點知到呢家未入到伙...係咁拖人地...但simmons都好好,俾我地遲拎貨.不過都只可以放到十二月拎,唔係就要收存倉費...咁當然送左嚟先算啦!!
由於新屋真係無碇放D傢俬...所以暫放係上進家的舊屋....這個是come in 買的designer chair ... 上進媽覺得好肉酸喎>.<
不過...隔離一樣最緊起好屋既叔父激讚,佢都話好靚...果然潮D呀!
呢個又係咩呢??
登登登登...就係二樓既茶几喇!!!!睇落都好靚!!
接住就係蓆夢斯既床喇!!!!好大張呀!!因為真係怕舊屋有白蟻,唔敢博,所以放左係地下間房度...
嚟緊仲有好多傢俬陸續到場...今個星期五就有francfranc既二樓電視櫃,下星期就差不多其他所有野都送晒嚟,連Ikea買既東東都送....希望間屋快D搞掂啦!
期待已久既quickstep終於鋪喇!!!!!
係清明節個日訂,等到十二月中先可以裝,真係等到頸都長,而且安裝期間都有D挑戰,呢家最後覆尺加尾數quickstep都未計好,等佢慢慢計喇!!
D木地板噚日基本上鋪好,只差少少收口...呢家睇住星期六既進度先!
quickstep的收口條...原先不會用太多...但..A小姐的要求下...走廊不用牆腳線,轉了用收口條...唔知最後會變成點呢??
樓梯鋪了vertical side的磚喇!!!!最初話係白色...點知最後變左做灰灰啡啡...唔知成條樓梯砌出嚟靚唔靚呢???
quickstep的珍珠棉,有佢可以防濕又唔怕地面不平喇!!!
噢!!!走廊鋪好喇!!真係超爆靚...不過太多木屑,未睇得清楚...但係踩落去感覺一流!!!
二樓客房鋪好喇!!!!!!好靚呀!!如果幅牆整好埋會perfect晒!!!
萬眾期待既小嘉房呀!!!白色的木地板...好靚呀!!!!!!
二樓上三樓樓梯已經鋪好喇!!!!唔知成條完成係點呢???
嚟個closeup 先!
三樓鋪左大半...好靚又好型呀!!!!!!間屋快D完成就好喇!!!!
師傅係度做咩呢???
原來A小姐唔滿意牆角線太高,所以要求改短...不過cut短左整出嚟又真係靚仔好多!
同場加映....絕對懷疑砌磚師傅有colour blind囉!!見到個廁所D磚咁得意,我仲以為係專登,點知一問下...原來砌錯...咁大色差都砌錯...好啞=.="
灰呀!!!
一直都諗住遲極都十二月尾可以入伙…點知…噚日大判B君竟然話…一月十五日先得!!
點會咁架…我地最後限期不嬲都話係聖誕前,一月一日上進家那條村打醮,會有好多親戚朋友入嚟,所以早在起屋時都已講明一定要十二月尾前交到屋!!
本身話十月中,之後變十一月頭,接住又話要十一月中,好喇唔得又話十二月中一定得,到上星期都仲話聖誕前OK!!!
呢家又變左一月中,搞咩呀!!!!
係商量過後,呢家決定先停P弟家的工程,全力先做我們家,希望趕及聖誕左右大致完成,起碼有個廳俾親戚朋友坐哎!而我地都退左租,所以起碼都有個地方放野,大不了小嘉和上進各自回家瞓,等間屋搞掂先真係搬入去囉!!
B君話咁樣有得諗,不過都要等一陣先覆做唔做到…好煩呀!!!!
上星期已送嚟既外牆底油....其實整個工程要defer都係因為油漆方面...佢地話要一月十日先完成室內油油喎!
正門...原來係咁樣....
後門都已經裝好玻璃喇!
外牆就批好灰喇!!好滑....大判講返,因為則師要求好高,平時其他工程,呢層批灰唔會做到咁滑的,但係則師要求做到最好,所以就要用好多時間喇>.<
外牆...反而十二月尾可以完工
工人房的牆已經間好喇!!!
入面都鋪磚喇!!!
廁所都裝晒假天花...而個浴屏係前日終於被移除喇!
