今次真係好驚喜!!!
原先小嘉噚晚唔太想返去新屋度,一來車程真係好長,
灣仔放工返元朗,食完個晚飯行個圈咁又搭返車出港島東,絕對係十萬五千里長征…
不過,因為上進噚日下午off,所以一早返左去,佢話我知有好多野睇,於是…好啦!返去望一望啦!!!
之前真係覺得呢個鎖係膠...原來係鋁嚟!!
不過...都係換唔到鎖,連最初想要既電鎖都做唔到喇>.<
不過B君都話,其實電鎖無保安作用,純方便D人出出入入時,
可以用video door phone嚟開門,因為用電鎖開閂門,咁就要開住個普通鎖,
而電鎖本身好易比人爆...所以...都係放棄lu>.<
不過,小嘉堅持要有video door phone...型好多,雖然唔平,但....我點都要架喇!!!
門框都到左...不過未開始裝,P弟家就開始裝喇!!門框後面係廁所櫃
成間屋既廁所櫃都到齊喇!!!快D裝啦!!!
師傅JJ既工友,勤力好多,做野又快手!!
二樓feature false ceiling既木板已經裝好咁濟...唔知下次返去,會做到點呢??
好令小嘉surprise呀!!!三樓隠形門連feature wall都開始做喇!!
見到原先既石屎牆已經釘左木板....好期待...好期待!!!
唔唔...見到木板上面畫晒圖案...小嘉估...feature wall有1918mm濶,
而隠形門就830mm...仲見到隔離有D橫線...我估係木條既放法!
三樓廁所終於鋪磚喇!!!唔....原來呢層全部都係用同一隻磚...唔會有feature wall..
點解做唔到feature wall...因為無位囉!!成個浴室做好就明喇!!!
wow~~Study room既窗框終於裝好!!!
窗中有窗...係study room呢個窗既對出,就係往天台既樓梯住...樓梯隔離係玻璃,
所以好開揚架!!
實在太黑...所以影到好模...
隠約見到露台上面既窗簾殼已經開始做喇!!!!
因為要拉一個水平線...所以見到會做燈槽窗簾殼既牆上面有一條木條...
不過..講真...有做燈槽既位置...都好似矮左好多咁....
上進伸個懶腰都會摸個燈槽....不過...只係燈槽位,都應該OK既!
另外,見到有一條野係牆中去到牆腳...佢就係放電視既位置喇!!!
因為部電視掛牆,唔想D電線"fing fing"下,所以...B君叫壞人J幫地係牆度做一個喉位,
用嚟俾電視電線穿過...咁就好型好neat喇!!!
借用P弟家的地下廁所及工人房門...
門框和房門...就是..白色囉!!!不過...有些地方待油油時,會跟牆油返一樣色^^
B君噚晚同上進講,我們家工程大部份項目,下星期應該可以完喇!!
只係剩油牆同木地板,因為呢D要等其他完晒先做...超期待呀!!!!!!
所以小嘉訂既燈,電器都會安排係十二月中送貨...
而傢俬(except師傅JJ訂造的),就十二月聖誕個幾日送,等我地執好間屋先送嚟!!
好感恩呀!!!
你講第一張相係指地下大玻璃門 ?
回覆刪除[版主回覆12/03/2010 09:22:00]第一幅相係地下正門.
我間屋D大門返而係前花園同後門...正門返而係普通size個D門
不過正門同前花園其中一隻門(唔係趟門嚟),天台門..都係用呢隻鎖~