My Lovely Home ... Day 202 (06.12.2010) ... 村屋裝修進度^^

嘩!!原來我們家有興建到現在已經過左二百日喇!!!聖誕…真的可以入伙嗎??

星期日那天,B君說聖誕入伙應該沒問題,不過…還未有水電,因為要等WSD同中電驗水驗電>.<

咁點住呀???哦~壞人J話可以用住宇爸間屋既電,可以駁住去我們家,不過就唔可以開冷氣暖爐呢類要多D電既電器喇!!

B君話應該1月中咩都搞掂喎…不過唔計花園>.<而家小嘉同上進都等緊B君花園既報價,希望可以平靚正啦!最緊要係農曆新年前搞掂,整到靚靚仔仔,咁親戚朋友嚟house warming/千年,都可以有靚靚地方嘛~

正門噴了綠色...後來才知道...原來是底油...面都是白色的

TV/AV/internet的電制都是隠藏在電視櫃下...所以電制就造在地上喇!!

冷氣喉已經圍繞全屋喇...遲D會有廚櫃遮住~

地下廁所的大鏡....仍放左企缸位置.

而廁所櫃已經裝在牆上了!櫃的上面放了很多雜物...所以這個櫃負重能力OK!

地下的窗簾殼造了~~暗燈槽會係點呢??會唔會係向上???

二樓假天花和地下收口已經基本包好木板喇!!而家只差飾面物料到場!

呢個係咩嚟呢...

哇哈哈...係Bili Bala廁所專用出入口呀!!!

二樓假天花~

房門同廁所門都已經裝好...好似好快咁..乜唔係差不多裝修好先裝???

二樓客房的窗...原來都有一塊玻璃欄河...咁就唔怕跌落街啦!

二樓上三樓的假天花...已經做好喇!!!

三樓feature wall + concealed door ... 木板已裝上牆lu!

出事之位...呢度原先好型咁...有一級樓梯先入個浴缸...點知....上進太高,而天花太矮...

相信一入浴缸就會撞甩個假天花...所以最後放棄,浴缸繼續放返係地喇!

study room的窗簾殼同燈槽搞掂!

電視牆上的燈槽搞掂!

露台窗簾殼和床上的燈槽+窗簾殼都搞掂喇!!

露台趟門裝左...當堂唔同晒喇!!!

初初以為窗簾路軌會係裝係石屎牆上...原來,有皮夾板係度...所以...窗簾布預多左添~