My Lovely Home ... 地下鋪地台磚喇!!!

等左咁耐,終於鋪地下既地台磚喇!!!!

呢隻磚我覺得都幾型喎~~~

其實一早鋪左P弟家,不過一係太黑時返去,

一係返到去已經被保護膜遮住,所以都唔係點睇到.

直到星期日,下午去睇…初初只大約見到D紋,好有石頭feel,

之後師傅用海棉擦一擦…我覺得都唔錯喎!

不過宇媽覺得好唔靚,話木紋磚靚D.我都覺得P弟家已鋪既木紋磚真係唔錯,

但呢個地磚都OK喎!不過呢D真係較型既style,咁老人家又真係未必會鍾意…

但小嘉同上進都覺得好OK^^

其實我們家都有木紋磚架…會鋪係地下客房,二樓maid room同三樓既store room,

事關…講真…如果我真係要木紋的話,我都prefer鋪返quickstep…

始終踩落去既感覺係唔同啦!!

講開quickstep…唔知幾時會鋪呢??

B君要壞人J今日清好晒二三樓既雜物,之後整返平個地台,

等quickstep可以入場做野…我估…遲極都應該下星期鋪喇掛!!!

呢個真係超級勁期待…好想快D踩下個地板,感覺吓呀!

返到去見到師傅開始鋪地下磚喇...但原來都要好多時間...

wow~~地下無啦啦有個電制???原來係AV線...B君仲叫壞人J幫我地穿定金銀線喎...其實都唔知咩嚟,我地都唔玩音響...不過整定無壞啦!

balcony的磚鋪晒喇!!!不過超多灰...好難睇到...不過灰灰都幾靚...遲D鋪左戶外木就會超正喇!

三樓廁所的磚鋪得七七八八喇!!!馬賽克超靚...每層都有唔同顏色...見到有個位置無左D馬賽克,以為係D水喉位...原來...係唔夠磚(之前鋪錯左去P弟家),所以要等補貨!

噚晚再返去...個廳都仲係未鋪晒...上進講返D激氣野...

事緣噚日有成四個師傅鋪磚(星期日我見到兩個咋),去到十一點幾,個個坐晒係度唔做野,跟住宇爸問咩事,D師傅話無晒英泥!!

宇爸即刻忍唔住鬧鬼佢地同壞人J手下,因為原來佢地抬左好多英泥上天台..激死!咁就無啦啦浪費左幾個鐘無做野...

睇返一幅清楚D既相....廚房位置基本上鋪晒...客廳就一半左右...