My Lovely Handmade Soap ... 牛奶燕麥手工皂@28.03.2011

星期天,又是一年一度去看看公公和二舅父的日子…即是掃墓.

唔…出門口的時候,明明天氣還蠻暖,因為要行很多級樓梯,怕著了大厚的衫加重要拎更多東西,於是只穿了件薄薄外套…出事喇!!!

點解會啦啦得返12-13度…小嘉即刻凍病,即間發燒=.=

於是星期一要休息休息…但…見下午精神好轉,又心思思整手工皂喇!(做的途中…很後悔…累到危險的將皂液放在大脾上,合埋眼地攪…感恩沒有倒瀉啦!!!!)

今次做的是…牛奶燕麥皂喇!!

大大包原片燕麥...但...只用了很少哦!!希望下次做的時候,還未壞啦!!!

 

今次的主角們....

 

可可脂...硬油,要先溶!

 

NaOH...其實用的份量不多...因為我只做300g油量!

 

椰子油快用完了...底底的很難倒出來...出動熱水助溶!

 

橄欖油~~~

 

雪冰了的牛奶...好想飲呀!!!

 

未做過都不知道...原來做牛奶皂真的是一場耐力賽....

首先,溶NaOH時,初初以為沒什麼,倒了兩三茶匙,溫度都是10C下...那知...突然溫度係咁升...嘩!!拿拿淋搵D水助冷...感恩,都維持到係30C以下溶...但都用了很多時間!!!

 

溶好鹼...可以溝左D油到...漫長戰爭完來才剛開始....

因為太細盆,所以用唔到電動攪拌器....攪呀攪...足足攪了兩個鐘左右,才Trace咋!!!

 

Thx God!!!看上去,很像還不錯....不過做完,又即刻成個人散晒...下次病緊,都係唔好覺得好轉少少又走去做其他野...都係瞓夠D好!

 

so far,今朝望佢個樣,都仲係咁樣,有D白白地既牛奶色...希望唔會變到好深色啦!!!!

 

唔...做了一次,大約知個過程怎控制...下次...如果整牛奶皂...我一定要整大大盆,要用電動攪拌器幫手,唔係手都斷呀!!!!

 

材料:

橄欖油,椰子油,棕濶油,甜杏仁油,可可脂, 燕麥片

SF:荷荷芭油

 

My Lovely Handmade Soap ... 茶籽粉液體皂@28.03.2011

兩星期前做的茶籽粉液體皂,皂種OK喇!!不過…實在奇怪,我看書看別人的,皂種都真的很透明,但是…我的不是太透明,但我用Ph紙試過,又9以下…唔通我加了…可可脂?又或是加了蓖麻油??

不過無關係,最緊要用到!!

首先…稱了有約850 -900g的皂種…嚴重黏在盆中,很難稱.於是用了5g茶籽粉開水,然後努力將皂種撕開一片片…這個根本mission impossible…很黏呀!!我只”捽”到一pat pat掉落水.

弄到滿手都是,洗的時候…哦!!!超多泡呀!!!!蓖麻油果然勁,放了一下午還未完全溶掉…今朝出門前看看,已完全溶化.

唔…看書中的,明明很像很稀的樣子,還說要用慕絲瓶會慳一點,但…我弄出來的,就很有少少杰的感覺…是我溝得水太少,還是落了可可脂呢??不過…好用就好了!

看上去...感覺好像蠻好味道....好似黑糖水咁XP

My Lovely Handmade Soap ... 又敗家@25.03.2011

哈哈!!小嘉又敗家了!!!

因為想做香草萬用膏和潤膏膏…而在順道(!?)下,又買了其他東東喇!!!

買了...幾種油,又買了一包薑粉,一支薄荷精油,維他命E油....又買了做皂章的仿真水!!!

哈哈哈....我戶口既數字,直線下降...不過,聽日出糧~

My Lovely Life ... 好多BB,yeah!!!!!

太厲害了!!!小嘉都是第一次,在一個月內,有那麼多親戚朋友宣佈有BB!!!

以斯帖小組不斷增加成員哦!!而舅母仔也剛剛有了BB…四個B有三個是十月出世,一個在十一月…啊!!好羨慕呀!!小嘉最喜歡的就是十月和十一月呀!!BB們可以在這兩個月份出世,好妒忌呀(不用理我…我是傻的!!!)

哈哈!!今次太多小BB,又未知是男是女,要織衫仔都唔夠時間啦!小嘉打算努力練習打皂技巧…希望BB出世時,媽媽和BB都有可愛又實用的肥皂用!!

媽媽用的薑皂…唔…未做過(實在是…只做過幾次皂啦!!!),希望可以成功做到一款薑汁牛奶蜜糖皂,超滋潤又美白,沖完涼仲有暖暖既感覺…不過...但係…我應該用牛奶溶NaOH,還是用薑汁…又或是薑汁加牛奶來溶呢???

第二款呢,就是薑汁薑蓉皂…我看到(忘了什麼油…要再看看資料),有好幾種油可以淡紋淡斑,甚至是可以淡化生完BB的妊X紋(唔記得個名)…再加埋薑蓉可以磨下死皮,應該唔錯!

至於BB,如無意外…都是做酪梨皂(牛油果),這個是很滋潤而溫和的皂,BB用了應該不怕會有敏感!

看來…要六月左右就開始做了…尤其是牛奶的皂,因為要景好差不多兩個月才OK,能夠晾三四個月就更好…我要努力加油!!!!因為…做了,冬天小嘉都可以用,哈哈哈!!!

My Lovely Cats ... 搞蛋Bili Bala @ 28.03.2011

很久沒update Bili Bala的情況了!!!

兩隻小鬼,健健康康…上星期開始加wellness Core的無穀物的貓糧,以防將來買不到Innova Evo還有Wellness Core嘛!

本來小嘉有Core的sample,但給了珍妮,之後嘗試向有訂貨的網上店,都沒有samples…於是…膽粗粗超買一包試.

結果,Bili和 Bala都很乖,一點都不挑食,溝了1/ 3 C ore也吃下,但腸胃較差的Bala吃了後,便便又是非常軟…但又不是爛…要慢慢讓牠適應…

終於差不多兩星期,Bala已經接受了Core,便便回復正常!!!

另外,三支的預防針亦已經注射了,下星期三就會做絕育手術,看看星期六好天氣,就給牠們來個洗白白…幾個月無洗…真正的污糟貓!

Bili看到有新紙箱...迫不及待就看看看....

 

而同時間,衰bala又走去抓餐椅...被人發現後流露出驚訝表情...

 

見行跡敗露...掉頭走貓!!!

My Lovely Home ... 再看花園的樹III@19.03.2011

星期六,我們又到頌英園看樹了!!!

今次老闆終於係度喇!!!因為佢忙緊,所以有個員工陪我地行左一圈先…不過佢答唔到價錢,所以沿途只係解答我地既問題~

因為之前睇過,所以大約心裡面有個idea要邊D樹/花,等到老闆得閒,我地又再一齊行一圈喇!!!

首先…我地去睇褔建茶樹,因為佢本身生成有造形,好靚,好似日本卡通片見到個D樹,所以好想要…上次問個姐姐仔,佢話$1600一棵,有大約 兩米 高…但係,星期六再問返老闆…佢話…要$2800一棵呀!!!!

點算呢???不過…老闆就同我地講,如果只係想要造型,佢唔suggest我地要褔建茶,因為一來冬天會有少少落葉,呢個我地最唔想要…因為得番D樹枝係度,好似好蒼涼咁…其次,原來褔建茶大約只有十年命.佢話如果其他客人就唔會講咁多,而且呢棵要$2800,價錢都高D啦!只不過…感恩,因為我地係嘉爸個老細介紹,佢先講咁多俾我地知啦!!!

佢話如果真係要揀有造型而又種得來,一係就羅漢松,一係就造形龍柏…但如果係佢地已經做左造形個D,一棵要成$3XXX呀!!!老闆話其實自己做造型都唔難…但….都係算啦!!

於是再望望造型龍柏…其實之前都有望過,都好靚架,不過…好大棵,覺得好似好貴咁…再問問,老闆話如果買兩盆就$3400啦!!!咦!!OK喎…而且三盆中有兩分係外形大細都差唔多,係一對咁…我地都諗住係買一對.可以諗諗…老闆都話原先入左好幾盆…唔記得左咩集團買左其中四~五盆喇!!!

呢D造型龍柏都好靚呀!!!有成兩米三高...老闆話第日送貨前都會再修剪到靚仔仔先送貨~

 

 

嚟個近鏡....好茂盛呀!!!!聖誕可以扮聖誕樹呀!!!!

 

 

呢D係無做造型既龍柏....價錢平好多...只係$220一盆...都有兩米左右高架!!!

 

跟住我地去左睇金錢樹…小嘉同上進想買金錢樹…絕對絕對唔係咩風水…因為我地係唔信呢D…純綷因為想放一盆較大,又可以放室內,又易打理既植物…而金錢樹看上去簡單又型型地,所以就買喇!!

接再睇左含笑…好大盆好茂盛呀!!價錢OK喎…只係$250一大盆…平過藝軒,Good!!!

桂花就大約 一米 高就$60一盆...

好靚既含笑呀!!!!!

 

其實都好大棵...老闆佢地剪到一個球咁....第日...唔知我地識唔識修剪呢???

 

桂花...其實都好大盆...只係$60,都好抵呀!!!

 

最後…因為造型龍柏只係剩返三盆,所以…我地先訂了外形最似既兩盆,原先要$3400,但我都問$3000得唔得…老細諗左一陣就話OK, yeah!!!!

金錢樹就$100一大盆!!!

另外,我地都想要兩棵宮粉洋蹄甲,老闆話呢個星期可以入幾棵,佢個樹莖應該無上次藝軒咁粗,但係都OK,佢會揀過…大約 兩米 半高,都只係$500~600咋!!老闆都同我地講,其實買樹唔一定要買好大棵,因為大棵,D根就一定好勁...咁到時我要換落地都好難,同埋一開始就要好多養份,反而適當高度,等佢自己慢慢生仲好.而宇爸宇媽都不停叫我地唔好買太大棵既樹...所以我做咁講都o岩既.

我地再下一個星期再望望…而桂花同含笑都會種,不過呢D成日都有貨,所以老闆都叫唔使急,定左d大樹先決定點擺位啦!

P.S.好感恩...呢排上左個園藝網,D網友好好,有時價分享植物...小嘉順利排到隊...遲D會有胡蘆瓜同埋柚子薄荷...好期待呀!!!

My Lovely Home ... 再睇窗簾梳化布@19.03.2011

小嘉和上進又再勤發布行看布了!!!

點解無啦啦又睇布,因為…我們家的餐椅給Bili Bala抓哦!!有些地方已經勾出線喇!!激C我喇!!!

發現餐椅套是可以拆出來,所以珍妮可以好容易跟返個Sample造一套新的!!!順道,因為宇媽家的梳化套已經超霉爛,所以都看看有沒有適合的布啦!!!

餐椅揀了這個款...影相有些少走色...其實是有少少淺綠色的!

小嘉看中是一來幾靚,二來...貪佢滑面,Bili Bala唔會抓XD

呢個好抵呀!!!因為濶封,一碼夠做一張餐椅...一張只係要$68咋!!!

嘩嘩!!!因為宇媽的梳化套是直條紋款,老闆睇完後話會唔會想揀返D英倫Feel既布...

於是就拎左呢本Sample出嚟!!!好靚呀!!!老闆女話係佢前一兩個星期上深圳D exhibition,

見到造出嚟既窗簾同梳化好靚,所以揀返嚟賣....佢仲話呢批貨好新,深水po其他地方都仲未有得賣住!!!!好靚呀!!!

有紅色...

有清清地既格仔同直條~

每款顏色都有幾隻款揀....宇媽最後揀左紅色....

嘩嘩嘩!!!小嘉個時好想好想搵既藍色格仔呀!!!!忍唔住...買左,用嚟換返小嘉房既布..

不過....因為呢隻布窄封...要買成8碼...盛惠...$520大元!!!

My Lovely Home ... Yeah!!!回歸按摩椅@16.03.2011

Yeah!!!按摩椅終於回歸我們家喇!!!

其實張按摩椅都買左好幾年,一直都放左宇爸嘉,初初上進都諗過繼續放左宇爸家,因為佢想眾樂樂,大家都有得用張椅!

但…問題是宇爸宇媽根本唔坐,佢地一直用布遮住防塵,有時就將D晾好既衫放係上面,當係儲物既…

直到噚日,因為始終張按摩椅好重又大部,所以就叫返Osim的師傅幫我地搬喇!!一搬完,宇爸宇媽不知幾開心,原來佢地想搬走好耐…因為…佢地覺得好阻地方…哇哈哈!!!

yeah!!!坐係上面繡吓野...真好!!

 

感恩!!!!張椅既皮同其他擺設都好襯...而扶手既木又同地板襯返晒!!!

 

坐係度...一路睇電視,一路按摩..一路繡繡...超爆好享受呀!!!!!

(P.S.間屋仲有少少亂...不過無打算執...因為仲有執漏未做...做埋先算啦!!!)

My Lovely Cross Stitch ... Trellis Garden @ 15.03.2011

這個十字繡的進度不是太快啦!!!小嘉實在有太多的東東想做,時間不夠分配>~<

放工回家要照顧Bili Bala,又想快快多做一兩個皂章,好讓下次的皂皂可以有美美的皂章,今個星期上午要到深水Po看布,下午要到八鄉看樹,晚上要BBQ和妹妹慶祝生日,星期天上午上主日學,接著崇拜,下午上進的中學同學到家裡house warming….

所以這個繡繡,只有lunchtime和臨睡前的二十分鐘左右時間可以做…唔知…四月中會否完成呢??

沒有beads的地方可以繡得快一點....但這幅圖超多beads呀!!!

Eeyore:你幾時先繡好呀???

My Lovely Handmade Soap ... 茶籽粉液體皂

經過一次慘痛經歷,小嘉決定都係先學行,乖乖的慢慢打液體皂…

因為覺得書中的配方,有些時候Coconut oil比例較高,所以...

小嘉將一些自想做的皂皂,都再重新嘗試調教比例,再print出來方便做的時候用.

 

今次的材料....

量椰子油時...很辛苦哦!!因為己用了差不多半瓶,佢又係硬油,要用匙去"畢"出嚟...

但個瓶口又大窄,搞到隻手紅晒>~<

 

開頭攪的時候...攪了好耐都無起色,而且仲要好似有D一點點既東東係裡面...

 

終於攪攪吓有D似糊狀...我估取初時的點點狀係最先皂化既東東....

呀!!!!攪左一個鐘有多先變成呢個應該可以叫做麥芽糖既樣....應該無錯掛??

唉...本身小嘉已經買左支手提攪拌器...點知...因為第一次做,而且都係自己用,所以做既油量只有300g...結果...我一開著部攪拌器,D油就飛出嚟喇!!!所以...死死氣,又要自己用手攪....最無奈係要洗多一樣用唔到既物件=.="

成份:椰子油,橄欖油,蓖麻油,可可脂

那又造...12.03.2011

應該那天OK...27.03.2011

好期待佢OK個日呀!!!!哇哈哈哈~~~~~~~

My Lovely Life ... 傳統圍村盆菜@13.03.2011

星期天,早上崇拜,下午就到八鄉看樹,看完樹便要趕回村,因為…有村裡的叔父嫁女,所以有超讚的盆菜食喇!!!

平時不大飲汔水...就是打邊爐,BBQ和盆菜宴時才飲啦!!

 

超傳統又正的盆菜...有蝦,炸門膳,門膳乾,冬菇,菜頭(即係蘿蔔),雞,魷魚,魚蛋(是魚肉做的)..等等!!!

 

來個close up!

哈哈!!!這個盆菜...並不是人人可以食到架!!!因為...係傳統村內的有經驗人士,在村內的大灶做的,而且真的是用柴來煮!!所以盆菜肉的食物都是真正傳統盆菜應有的食物,不像大型食肆那些,會加入其他菜的!!!!真的超好味...好多人食過都讚口不絕架!!!

因我們還有超多house warming未約,而盆菜又較方便...但為了我們家,所以錢都用光光喇,不會為入伙而擺盆菜,所以...我們已通知做盆菜的叔父,如果有喜慶事,煮開盆菜,就搭單再多造一兩個...那到時...看看那group 朋友就到時間,就有機會一嘗地道盆菜囉^^

My Lovely Garden ... 花園的樹 II @ 13.03.2011

昨天一早已打算到頌英園看花園的樹,原先我們都不太急的,但…B君上星期告訴我們,如無意外,花園的公程可以很快開工,預計四月中可以完成.

所以,昨天就約了嘉爸,和上進,P弟夫婦一同去看樹.但…當我到了頌英園的門前,發現花園上了鎖,於是上進立即致電園主(哇哈哈~~~),原來他剛從大陸回港,知道有名員工入了院,所以去了醫院探病!!!

哎呀!!我們一早約了時間,他應該告訴我們嘛!!

但既然來了,而八鄉附近都有其他花園,於是再周圍看看啦!!

首先去了一間叫藝軒的,裡面有很多盆景,但樹就相對較少...而羅漢松也是做了造型的,我們較喜歡自然生長的...

我們看到這種花...不記得叫什麼名...有個香字啦!!

很漂亮呀!!!而且園主說...這種花基本上一年四季都開花,很好哦!!!

這盤大約到腰高,要$300,列入考慮名單!!

我們很喜歡淺粉紅色的洋紫荊(但頌英園的園主說..粉紅色是宮粉羊蹄甲喎!!!),

這個是暫時我們見到唯一一間有宮粉羊蹄甲,這棵樹杆很粗壯,但....看不到花是不是真的是粉紅色哦!!!而且只有一棵,我們都要兩棵...

這棵樹盛惠$1500 ... 也是列入考慮之列.

之後,我們又去了一間唔記得咩名的,這個花園有很多樹,羅漢松也有很多,但是外形有些不太好,但其他花種就不太多.

coming sat會再去頌英園,看看可否找到較大棵又是淺粉紅色的宮粉洋蹄甲,還有其他樹...會否可以便宜一點....超期待哦!!!

My Lovely Cross Stitch ... Spring Series-Garden Trellis@11.03.2011

Angel Proclamation還未完成,小嘉又開新的…有點過份哦!!哈哈!!

不過,今次這個應該好快可以完成的…事實亦因為覺得可以很快完成,所以都快快繡完,感覺…有個成品放在家中都好嘛XP

 

很簡單的一個圖...就是小小的一個花園...

 

不過...小嘉好唔慣用這種紙來繡,不停數錯格...大大話話已經拆了兩三次....

噚晚還發現...人地beads係用半繡...我用了全繡呀!!!不過....算啦!都好靚呀...其他轉返半繡囉~