當小嘉和上進暫時安定下來,便要開始為家裡一些地方添置物品,這次的主角是…掛鈎喇!!!
其實早早就想到要弄些掛鈎等物件,像是放在廚房的掛鈎,掛架,toilet的廁紙架和毛巾架,掛鈎等等.
我們已去過不同既廚房浴室配件店舖很多次了,亦已經看中一些簡單款式的不鏽鋼掛架和鈎,但由於這些掛鈎都需要鑽牆安裝,所以我們都不急於立刻購賣,因為要等B君開始整花園時,一次過幫我們弄好啦!
但其實…上進一直都不太喜歡在牆上鑽窿,小嘉也是…時時都會想到,萬一將來要轉款,又或是不再用了,那牆上就不能避免的出現一個又一個窿窿.但…那些吸盤的…一來款式不太好,二來也不太多款式,就算有也不夠能貼在牆上.
但上星期,我們逛逛實惠時,看到有些毛巾鈎…想想每次刷牙洗面後,都要將面巾掛在衣架,再掛起就煩了,於是就看看有沒有什麼吸盤鈎可以暫時用用.
我們看到有幾個牌子,其中天上野的包裝說有花紋的磚也可以用哦(不過花紋深度不可超過0.5mm),但相對其他牌子,價錢較貴.於是…我們買了一個價值$9.9,不知名牌子試試.
結果??!當然是沒用啦!掛不夠一晚就掉下來數次,toilet paper都弄濕了!於是…本著一試無妨的心態,“豪花”了$24.9買了一pack有兩個的掛鈎.咦!!!好像不錯哦!!!so far真的可以緊緊的吸在花紋磚上,暫時用了大約一星期,三樓浴室的掉了兩次下來,但地下那個就完全沒有.
而覺得這個牌子不錯,外型唔…so far都叫靚仔,於是…我們大膽的用了二百多買了其他產品,有浴室的毛巾架,廚房的掛鈎,廁紙架等等.
個外型都OK既,因為我們家主要顏色是白色,所以還算襯!!那個廁紙架...其實是for toilet paper的,但在實惠看到可以這樣用來鈎kitchen paper,就試試啦!!!
俾個close up先!!!我估金屬部份應該是鋁來的!
結論:
1.這些花紋磚可用的掛鈎真的很好力,但...要看看還的有沒有問題喇!!因為我們買了那麼多掛鈎當中,其中一個是用來掛毛巾的(忘了拍照),那個掛架有兩個吸盤,但...右手邊那個應該是有問題的,吸極都不能牢牢的吸在牆上.但...相信這是個別情況啦!!
2.三樓廁所的毛巾掛鈎,曾經試過掉下兩次,但...這幾天又沒問題,不知是之前沒弄乾淨牆壁就貼上去,還是因為這個廁所濕氣較重(因為我們都在這個浴室沖涼),要再觀察.
3.廁紙掛架真的不錯,唯一缺點是沒有蓋...這個小嘉覺得問題不大,但上進兄就覺得差了一點點...順帶一提,其實這個廁紙架是兩邊有個鈎,可以插入廁紙後在廁紙內鈎實...但小嘉用了來掛kitchen paper,所以鈎不到的...但...小嘉試過因急著要用紙巾,大力的壓這個架,大力的撕紙巾...當時都擔心那個架會掉下來...但結果是...仍舊牢牢的貼在牆上...所以要俾一個叻佢!!!!
我用過... 遲D會跌落地的=.=
回覆刪除[版主回覆03/10/2011 14:10:00]我同事都咁講呀!!
不過暫時用左一個多星期,OK既...看看情況如何,如果掉落嚟,咁就真係要買D不鏽鋼lu~
個look俾我想像靚仔d喎~ 等間俾我老公望吓先~~ Thanks~~
回覆刪除[版主回覆03/11/2011 09:40:00]係呀!!比想像中好...不過問過同事意見,佢都話呢D可能無咁耐用...不過我暫時都照用呢D先,起碼當係知道呢D架放咩位置係最就手最好,咁到時真係不停掉時,就可能換返不繡鋼,咁可以照返呢個位置嚟裝.
不過so far...係toilet個毛巾架其中一個吸盤有問題,其他都仲係貼得好實架!
始終fix位一定係穩陣d,不過用呢d就唔洗鑽到d野囉....
回覆刪除都要衡量吓~~
都o岩喎,試吓d位....嘻~~~
[版主回覆03/11/2011 12:05:00]係呀!!咁呢D架一個都係五六十蚊左右,用住先都OK,因為真係聽過因為未諗清楚,裝修時就裝埋D掛架,到用時先發現唔就手.
所以當rehersal,用左先算
係呀..因為鑽左牆,真係無得救,
回覆刪除我都寧願side少少錢....嘻~~
[版主回覆03/11/2011 14:15:00]無錯,我都覺得咁樣係值得既!
同埋呢個掛鈎都幾好樣哎!如果可以用到一年半載都抵晒啦!
我之前租屋住都買過幾個, 磁磚還要是無紋的, 也一樣掉下來. 無論掛什麼的都跌. 當然不是立即跌. 可能一個月跌一次, 其中一個放糖, 鹽的, 一個放洗手間的, 一跌下來就很麻煩.
回覆刪除[版主回覆03/15/2011 12:47:00]放鹽糖那些掉下來真的很煩喎!!
我呢家都係暫用,當係試吓個位咁先啦!等佢第日成日掉落嚟,咁就會換返不鏽鋼個D.因為不鏽鋼都要鑽牆,定make sure個位係適合,就狠心開窿啦