My Lovely Life ... 小嘉的兇悍日誌の怒擲蜈蚣

話說星期六晚,lingling同bobo食完晚飯,就趕住去村口等車走…

當我地一行七人,行經一條必經之路時,竟然見到有條好長(我諗有6吋長既蜈蚣!!!!)

嘩!!嚇C小嘉喇!!!我細個試過俾過百隻曱X同小蜈蚣圍繞(就係呢件事,令我有少少insect phobia …不過呢家克服到,不過見到昆蟲都係有少少會想發癲!!!)

上進立刻一手拎起石頭,係咁鑿佢…可惜條蜈蚣走係條path同泥之間,塊石頭較粗,唔可以狠狠咁鑿爆佢…

係呢個時候,小嘉怒跑返屋企,宇爸搵左一支唔要既燒烤叉(小嘉咁積極,全因為我一定要佢C…唔係第日得我自己一個行條路時,同呢條蜈蚣相遇點算呀!!!)

上進有拎住條叉,就將舊石頭交俾小嘉拎住…上進拎住呢條叉,簡直係如虎添翼…條蜈蚣終於俾上進拮住跌返落地面…

嘩!!!!當時個情景太核突,小嘉實在太驚…係呢個情況下,見手上有塊石頭…咁當然係狠狠,好狠咁擲去蜈蚣度(其實小嘉眼界都唔差…我同條蜈蚣保持相當距離…但小嘉仍能一擊即中)…

哇哈哈!!條蜈蚣就咁一命嗚呼!!!小嘉好勁呀!!

不過上進話....呢D咪係執C雞囉!!出得最多力係佢,但送條蜈蚣一程既係我!!

Wow~我同上進講…踢波D人都係咁啦…個波傳嚟傳去,one two得超like又點…最後個目的都係入波…咁邊個入波就係英雄啦!!!哇哈哈哈!!!!

蜈蚣遺照...攝於被擲後的清晨...哇哈哈!!!