My Lovely Silly B @ Knitting
哈哈!!!!其實…
呢個可以話為左傻B仔…但更加為左….
滿足我敗家既心態….
因為見到好多BB仔既冷衫…
真係超靚呀!!!!所以….
第日一定要喪織…
我已經係咁易計過數…
(我連B都未開始做….就計定要織幾個件…
唔…我都覺得自己有D變態)
數目係咁既:
1. 長袍…1件
2. 胴著…即係背心袍仔…3件
3. 外套連一件過既衫仔…1套
4. 披肩…1件
5. 外套…2件
6. 被仔…2張
呢D衫仔…
應該都夠用到歲半掛???
點解有呢個數量…
因為…日本円好貴呀!!!!
唔計運費…
暫時以上要買既冷,已經要二千蚊港紙左右…
呢個…係計$10換100円
不過呢家日元係咁升…
我本身好想快D買定D冷
但係…我都未有B…更加唔知佢係咩Sex
想買都買唔到啦!!!!!
所以我就要計定數…
如果一有B又知個sex
見個exchange rate OK
咁就要買喇!!!!!
不過…上年對八個幾時…已經買左十幾個冷…
可以用嚟鈎其中一張被仔啦
呢個....我唔係要前面個件背心...
我睇中左呢張被....所以我要買冷呢張呀!!!
望落去就覺得超軟....好舒服呀~~~
係好靚喎. 不過冷 , 係咪即係羊毛呀 ? 如果 BB 有皮膚敏感. 就未必適合著羊毛啦. 如果係棉線就可以. 同埋 BB 一般都係怕熱的. 羊毛的話通常只係冬天合用.
回覆刪除同埋頭 6 個月, BB 大得好快架 , 你花咁多心機織完. 只係用得幾次. 好似有 d 可惜 .
同埋要有左 BB 先好開始織呀 . 因為你要預番果個季節係著咩 size 嘛 . 陀緊時織就最好 . 因為最得閒 . BB 出左世之後 . 相信你未必有咁 o 既閒情逸緻去織咁多野 .
[版主回覆06/22/2011 12:08:00]哈哈!!係100%棉嚟架!因為我都打算織D較薄既...咁多D時間可以用啦!!
我都估BB大好快...所以長袍只係整一年...其他個D衫,D書都寫0~12個月,有D就12~24個月...咁我估個D可以著耐D啦^^
哈哈!!係喎...有你提吓...咁我就知喇!等我真係有左阿B,我就再modify吓我既織野大計啦!!!!不過...都唔知幾時有,我見有D人成年都未有....希望我可以係幾個月內就成功啦!!!
希望你快D加入我地既媽媽世界~呵呵~等你好消息
回覆刪除[版主回覆06/23/2011 11:38:00]哈哈!!我呢家係準備緊咋!
我最快10月先開工...希望可以成功,我都好想加入你地呀
被仔真係可以整定..不過我都唔係用羊自冷..因怕吉肉呀...
回覆刪除但我讚成可以織定d衫仔... 不過就可以用d bb 冷唔係咁羊毛即唔係咁冬天果d冷..到時咩季節都有彈性d..
因有左頭幾個月唔係人人都咁好精神去織野..我4個月喇..係剛剛17week 先開始去掂下d 冷咋...
而且有左..平日又唔想去街因想晚上早點休息..有咩要攪都係sat & sun.. 到時如果你會執下間baby room, 買下bb 野.. 行下睇下.. 我覺得d 時間都好快.. 唔係閒得咁緊要...
[版主回覆07/18/2011 12:15:00]Congrats!!!4 mths喇!!!
哈哈!!咁第日我有BB又多一個朋友仔可以請教喇^^
我暫時見我睇中既冷都係cotton嚟,因為我都係到諗...香港呢家冬天都唔係太凍,織羊毛可能著唔到幾次.
原來有左B會咁攰...我諗可能要到五六個月係最舒服,我前日先同我屋企人一齊去海洋公園,咁我舅母仔呢家有六個月左右,佢成日係咁行,都唔使點坐都OK喎~
哈哈哈!!我呢家有D時間就開始係網上面睇吓D BB野,因為怕到時真係無咩體力同心力去研究...同埋驚睇唔切miss左D大特價就唔抵啦