My Lovely Handmade Soap ... 香草工房@06.07.2011

Kawai Soap © Crazy Shopping - Aroma Green

早早跟阿四同豬咪講,如果去台灣一定一定一定要話我知,!

因為我皂皂部份材料用完,好想係香草工房入貨

咁佢地去台灣,就可以慳返D運費啦!!!!

點知,兩個衰妹,我星期日問開,先知原來噚日,即係5/7就飛去台灣反!!!

都話一早要話我知啦!!搞到我臨急臨忙係咁睇要訂D咩,

好在,我有先見之明,之前都做定一個表,計算左有D咩要買…再睇睇有咩其他特價野,不過睇唔中,所以就訂左以下既東東喇:

1.       薑精油

2.      椰子油

3.      棕櫚油

4.      松香

5.      酪梨油

6.      榛果油

7.      黃金荷荷芭油

8.      橙花花水

9.      檸檬酸

10.   牛奶香精(化妝品級)

11.    嬰身爽身粉香精(化妝品級)

12.   甜杏仁油

13.   生薑純露

14.   有機乳油木果脂

15.   小麥極致修護潤髮乳DIY組合

16.   水解絲肽液

因為香草工房話訂貨後要3~5個工作天收到貨物,但…豬咪佢地星期五就會離開台灣,所以小嘉超衰咁remarks,要係係日送到,因為第二日就會離開台灣,若收趕不及的話就取消訂單.

不過香草好好呀!!佢真係噚日就pack好D貨,噚晚就收到e-mail話件貨已經寄出,今朝一早就收到阿四同豬咪既what’s app(係咁串掛…因為有呢個東東既係yarei,收到佢地message),件貨今朝已經送到去酒店喇!!!!

哈哈!!同阿四講訂完貨,佢即問多唔多…唔...呢個好難答…我話…應該同上次差唔多!!

佢即刻鬧爆話咁大箱點拎喎!!佢話會放係地下拖返嚟!!我話好呀!!!

不過…最後都係個句,有錢使得X推磨…小嘉出動每人$100大元車馬費,佢地兩個衰妹就即開心晒咁話“DEAL”…咁我個箱野先有可能安全到達.

P.S.今次訂既東東主要係整:

1.酪梨洋甘菊皂…美白又保濕!

2.牛奶燕寃皂…溫和滋潤,正!

3.BB酪梨皂…大量制造,送禮自用都得

4.寵物尤加利皂…bili bala用完無敏感,繼續做!!!

5.生薑滋養雙效洗髮皂…香草工房既配方,試吓都好

6.小麥極致修護潤髮乳…都係香草配方,上進成日叫我整護髮素,今次整喇!不過1kg差要港幣$100多D

7.可可蓖麻洗髮液體皂…整埋洗髮液,睇下皂定液好用D!!

8.天然護髮液…又平又簡單又天然..就係用檸檬酸同B5就得喇!!

9.保濕護髮噴霧…呢個都係香草既配方!