My Lovely Life ... Car Car買左喇@21.07.2011

Kawai Life © Car Car … BOUGHT

當小嘉都未開口問sales 哥哥,減左價既價錢仲有無得平時…sales哥哥就講,原來佢地有架新車,係Audi A3 Sportback既limited edition…叫做A3 Sportback Attraction 2011.

呢部限量車,原來就係今次car show既產品之一…咁佢有咩特別呢…

所設施基本上都係同Audi A3 Sportback一樣,除左:

1.       條車軚由17”變左做16”

2.      車頭既霧燈會無左

3.      個軚盤由唔知點樣三幅變左做四幅

4.      軚盤無左可以唔知咩+/-波功能(小嘉唔係咩)

5.      無左個電動摺埋個側鏡功能

6.      無後波雷達

7.      但係…個天窗包埋…即係唔使俾$16,000喇!!!

大約…就係有呢D唔同,至於其他引擎呀,皮座呀,音響冷氣,側鏡有LED燈等等,全部都有!!!

好喇!!咁個sales講完,佢就開估講個價錢出嚟,一聽,我地就覺得簡直impossible呀!!

個價錢仲平過BMW未加天窗,呢家有埋天窗,基本上同A3 sportback一樣…最多架車返嚟改返條軚做17”咁大把!!!

我地當然立刻心動啦!!不過都仲有D理智…再發問先知,原來呢架車專for今次車展,所以價錢真係超抵,來貨有50部,咁D sales偷步通知D熟客,咁一傳十,十傳百,佢地已經收左好多單.

小嘉問佢有無得揀皮既顏色,sales哥哥話今批無,因為得黑同灰(呢個絕對no la),而如果訂貨…一來唔知個價會變成點,二來…可能要年尾先有,再問一下我地心儀既黑色…原來得返2部咋!

所以我地就即刻落訂喇!!個sales哥哥都講,其實星期六有無貨賣俾人都唔知喇!!因為…佢自己都留左部俾佢個親戚(佢親戚原來都係上進既同行喎…佢個行真係幾多人買Audi…當然啦!上進D同事唔係A5就A4XP)

小嘉仲問個Sales哥哥有無咩送…佢都笑笑口話…呢個價錢,你仲想送D咩呀??哈哈哈!!咁又係…不過佢都好好,佢話送埋後波雷達俾我地…咁都好過無!

就係咁…上進話佢又步入人生新一頁…呢加儲左老婆仔,屋仔同埋車仔(仲有兩隻貓仔)…只差B仔就齊晒可以….繼續捱世界喇!!哈哈哈!!!

P.S.架車預計九月尾到港,等政府驗埋車同”鈴鈴淋淋”既手續,預計十月中至尾可以收車…不過…我地十月中唔係香港..所以應該一去完旅行返嚟就有新車用喇!!!!

因為未有架車真身,所以影住本Catalog講解吓~

呢本catalog....都好厚吓!

 

呢個係A3 sportback前面...我地買既attraction edition

就係無左下面兩個圓形既霧燈喇!

 

車尾箱都幾大呀!!!可以放到唔少野~

 

個車既外形係小嘉鍾意既...小嘉覺得BMW個車頭太長

 

就係呢個喇!!!睇過BMW同VW...最型最靚既天窗都係audi呢個

佢都係最吸引我之一~

 

係車入面...無論前座後座,都有天窗架!

暫時報告完畢...等第日收左車,再影D真身相先!!!不過...聽日小嘉同上進都會再去car show望吓架車既真身^^