My Lovely Life ... Car Car Compare II

Kawai Life © car car dilemma II

由於Mazda被迫退選,於是…目標鎖定另一牌子喇!!!

 

Volksawgen Golf GTI

呢部車細細部得嚟外型都好靚呀!!我地會揀黑色既…同埋VW話晒係歐洲車,應該會內部機件都會唔錯既…

小嘉同同事傾開,原來佢老公係車行做(不過唔係sales),由於我地唔係咩大富人家,我地只打算買呢款既二手車,而同事就問過佢老公,佢話原來買二手車唔係一件易事,尤其是我地呢D咩都唔識,佢話要聽引擊聲,又話要識得睇架車有無俾人大撞過...

同事個老公好好

,佢幫我地搵佢D sales朋友,睇吓有無quality好既二手車,如果有就睇吓我地合唔哈心水喇!!

不過…今朝同事老公覆返,話我地呢架車都好新吓,呢家市面都唔多人放出嚟!不過我地唔急用,如果真係難得搵到架OK既,都唔真係等到去完旅行先買既

.

 

因為係VW既website睇唔到黑色既相...所以用住佢第D色既相)...仲有,唔明點解...明明寫住係5 doors...但D相show出嚟又會變左做2 doors

 

 

如果問小嘉,我最鍾意架車既尾部,唔會話係太方,又唔會似4 doors個D有個尾突出嚟

 

 

睇D相,影到裡面超型咁...唔知D GPS(希望無記錯

)係咪包埋呢??

 

 

個軚盤都好型呀!!!

 

不過…同事老公個朋友(好長呀!!!)話,我地既budget其實夠買一部新既VW差唔多款既車..因為佢地未俾資料,小嘉估…

 

Volksawgen Golf GT

我估同事個老公既朋友指既可能有機會或者係呢架喇!!

其實佢同GTI一樣,都係Golf series嚟,不過係1500cc,GTI就2000cc,GTI小嘉既理解係高一級,類似Deluxe版咁啦!

又係咁...唔知點解5 doors變左2 doors

 

 

裡面都一樣好似幾型咁

(好膚淺既小嘉....)

 

GT就得睇到黑色係點喇!!!

 

未知上進點諗,所以要傾傾...同埋...講真...以我地兩個既行為模式,都有可能去到買前個刻先會揭開係買咩牌子同咩型號

 

另外,其實小嘉同上進最初初既本意係一買就買部七人車,不過…諗諗吓又計計吓,其實如果加一個silly B時,其實細車都仲夠用,不過…遲D(especially等上進真係成為駕車技術唔錯的人士之時)我地都好大機會買多部七人車…因為…有時大時大節或出外行街街,當齊人出街時…尤其是上進家的家人都出席…細車的話,佢地真係一個人至少坐一個半人位…所以有架七人車就方便好多喇!!

但係…就算買左七人車,應該都唔會放部細車...本來諗住都會放...但係計過數,呢家細車+tunnel fees同油費,一日來回都要成$2xx,七人車咪仲貴

所以或者暫時有可能係咁諗住先...到時細車用嚟返工,大家就holiday用咁啦!!(不過七人車如無意外都係2nd hand喇!!七人車真係好貴呀!!!!)