My Lovely Life ... 學車喇@13.07.2011

Kawai Life © Ka car preparation

上進呢排真係好積極…積極咁慳錢…衫褲鞋襪都唔買住…因為佢要儲錢買車啦!!

睇嚟佢真係事在必行喇!!!!!!

上進村裡一個堂細佬有買過BMW既車車,所以同佢地sales同維修師傅都熟,所以託佢問吓sales會唔會一系嚟緊轉新款(因為網上面有咁既傳聞啦!!!),再問埋維修師傅個邊我地睇中個model多唔多大小問題要維修.如果無咩特別問題又未轉款住,咁就會開始睇車喇!!!

不過上進既大學同學仔&同事最後都先後買左BMW既新車…一個係323定325(唔記得)另一個係X5.睇嚟BMW係佢地個行都真係幾多人用喎!!!

唔…為左迎接呢個新既C物家庭成員…小嘉終於的起心肝,噚日去左報名學車喇!!!

其實本來就諗住結婚後就學車…但係上年就煩間屋…煩到呢家都未搞掂…初初諗住間屋搞掂就學…但再咁拖都唔係辦法…再加上十月開始計劃生B,呢家學都有可能係大住肚去考牌,所以都係快快手搞掂埋佢喇!!!!!

暫時知道8月16日就考筆試,考完筆試就大約個半至兩個月考泊車…希望可以係9月尾考埋啦!因為10月頭公司忙,10月小嘉去左旅行…如果9月尾考完,咁就可以去完旅行再學埋同考埋個路試,咁就very good喇!!!

預計都要下年農曆新年左右(順利的話)考到車牌…如果1月搞掂晒就好喇!!當係生日禮物送俾自己啦!

駕駛學院有個file俾我啦!!!裡面裝晒上堂用既資料....

 

8月16日考筆試...

 

小嘉只但求可以揸到屋企架車...所以只考私家車自動波牌啦^^