My Lovely Travel @ Europe Day 1 – Athens III
終於安全離開metro後,我地出到憲法廣場,
個廣場當時都有活動搞緊,有人唱歌叫吓,不過我地無理,
最首要當然即刻去搵返間hotel出嚟啦!!!
因為初到貴境,小嘉同上進都用左十幾廿分鐘先搵到間酒店
之後識路,我地5分鐘左右可以行到去憲法廣場
我地住既係Kimon hotel,因為之後仲會住,
所以之後先俾分數啦!!!!
我地check in 左之後,因為無lift =.=”
好努力咁托左兩件行李上一樓
間房比想像中細D…不過只係要€56,所以差唔多喇(慳家的小嘉)
於完行李,抖左一陣
小嘉同上進就出去行吓喇!!!!
因為當時都已經4點幾,所以我地主要係D景點外面睇吓
打算去完Santorini後再入場睇.
憲法廣場...時間夾唔到,睇唔到換班儀式~
之後去左睇呢個凱旋門...
睇到佢真係有D感觸....曾經希臘係一個好興盛既國家
佢地既文化影響好深遠....可惜呢家搞成咁>.<"
希臘果然係盛產橄欖
香港就通街都係洋紫荊,佢地就全部係橄欖樹
其實D樹型幾靚...有諗過係香港種返棵.....
遠距離探視宙斯神殿....
我諗如果行近去睇,真係會幾壯觀!!!
雅典同Santorini周街都好易見到貓咪...
每次見到佢地,我就好掛住屋企既貓貓喇!!!
我地搵左一陣都未搵到個Olympic Stadium
後尾見到有一個似似地,不過唔firm
見佢有D細又舊都唔知係咪
所以相都無影就走人=.=”
當日條街唔太多人
可能係淡季卦??
但回程既時候,就撞到遊行人士
其實可能佢地keep住有呢D示威遊行
不過佢地都好和平咁,只係叫吓口號
絕對唔會騷搔行人或旅客
所以係雅典周圍都會見到有D警察係度
小嘉見到佢地有D安心又有D擔心
擔心係….呢度有無問題架???
無問題,應該唔使三五七步就有兩三個警察??!
不過都理唔到咁多,最緊要睇情況應變啦~
沒有留言:
張貼留言