My Lovely Travel ... Day 1 Athens 差D俾人偷走晒D野!!!!

My Lovely Travel @ Europe Day 1 – Athens II

 

Date: Day 1 15.10.2011 (Sat)

Venue: Athens Metro - Sindagma

問左information 姐姐,我地順利咁去到metro station買左airport express去憲法廣場站.

 

因為剛走左班車無耐,所以我地落到月台都要等15 -20m ins左右,因為個station係露天,個日又大風又無咩太陽,凍到小嘉簡直傻左!!!!!

真係凍到傻左,不停係個背囊搵到咩衫都著上身=.="

Athens Airport Express / metro ★☆☆☆☆

無錯,無睇錯…airport express (連埋成個metro)我都只係俾一粒星!!!!

 

首去到個月台…指示好唔清楚呀!!佢有兩邊月台,一邊係去雅典鄉郊地方,另一邊就係小嘉搭既airport express.但係落到個月台,完全無directory話邊邊係去airport express.

我地等左無耐見有班車嚟,不過因為距離我地班車仲有15mins左右,所以估計係去鄉郊,等到差唔多,終於有車嚟,但係車身都無寫明去邊喎!!!!

最後上到車走去問當地人係咪小嘉同上進想搭既line,先confirm咋!!!!

 

初初諗住,airport express都要成€8一個人,我諗都塵該唔多站,同埋人應該唔會太多…點知大錯突錯,去到中間D站已經超多人,雖然小嘉有位坐,但都不停睇住放係行李架既luggages,驚俾人順手牽羊!!!

 

 幅相比較暗....原先既metro裡面係無咩人,小嘉仲有閒情逸置去影吓相!

1^st 驚險事故

其實去到某個站,有一班人入車,因為人太多,小嘉其實望唔到個樣,但係…唔知點解離遠見到一條裙腳,我望到佢條裙就覺得呢個人好怪(可能佢條裙係個D傳統款…感覺有D邪邪地),但都無理到.

到左Sindagma個站,上進首先起身拎行理,佢一起身,就有個男人係咁迫去坐個位度….我望住佢心諗:佢有無咁急呀???

接住,小嘉先起身,揹返個backpack,諗住幫手上進拎啦!!!!點知…企係度無一陣…突然覺得好迫…係超爆迫…迫到個情況係小嘉兩隻手臂係有痛既感覺!!!!

超級感謝主!!!!!!!小嘉突然諗起中學老師既經歷(證明上堂有聽書!!!!),老師佢個時係意大利搭metro,又係無啦啦好迫,但明明架車係無咩人,接住老師既老公大叫,原來佢俾D人圍住,開緊佢個袋…好在裡面無貴重野咋!!

小嘉諗起呢件事,心知不妙,最不妙係我因為諗住無咁誇,passport同有D錢係個背包度!!!!!!

於是我即刻扮跌一跌,fing個backpack係返側面,然後我竟然見到背囊入面有類似手指郁動緊,於是我力fing個背囊去前面,原來隻手真係個著怪裙女人架!!!!!!!!!

因為我同上進中間有個男人隔住….呢個男就係搶坐上進個位既人!!!我絕對相信佢地係同一夥人,上進大聲問我咩事,我話好姇侑人摷我袋…..感恩,真係好感謝天父,打開個袋望,裡面所有東東都齊,無唔見野!!!!!

 

由個一刻起,我就覺得雅典唔係太安全,尤其是metro,裡面太多人,D人個個都怪怪地咁!!!!所以…除左呢程外,小嘉同上進無再坐過雅典既metro喇!!!!!