My Lovely Travel ... 雅典逃難記IV@19.10.2011

My Lovely Travel @ Europe Day 5 – Athens VI

 

Date: 19.10.2011 (Wed)

Venue: Athens

男既侍應繼續努力撞板

但係睇得出個木板係真材實料

撞極都無反應

佢地係度嘰哩咕嚕…

不過最恐怖係…佢地做咩都要細細聲

當時小嘉心諗…唔通D示威人士會入屋

唔可以俾佢地發現

甚至小嘉同中國夫婦講野

侍應都叫我地細聲D

 

終於…唔知佢地係邊度搵到支鐵筆

於是係咁撬呀撬

都撬左好一陣…

個木板終於有一個人過既窿喇!!!!

 

第一個過去係男侍應

佢帶頭要然後扶住一個阿婆

(小嘉到呢家都唔知…呢個婆婆係幾時出現)

(因為食飯時唔見佢架=.=?)

然後婆婆後面就係小嘉喇!

 

隔離既舖位好黑

男侍應用佢既電話燈照住D路

間舖係完全未裝修不特止

仲要滿地都係碎石

連條樓梯都好似剛造好咁

凹凹突突…

 

小嘉一路拖實上進隻手慢慢行

一路行一路諗

究竟出面係有D咩人會點呢???

 

一出到去…原來係一條街嚟

條街上面有好多著晒防暴裝既驚察

佢地拎晒盾牌咁…都未話唔驚

出到嚟其實所有人都不知所措

連D侍應都唔知下一步可以點做

 

小嘉抬頭望已經見到不遠處有火

小嘉同上進捉住Romania侍應

問佢點可以去到憲法廣場

侍應一定眼都突…佢話個度好危險

我地解釋返我地酒店係那個方向o者

 

Romania侍應好認真咁問我地

係咪真係去個度

於是佢就同隔離既警察講

不過可惡…個警察無理佢

於是上進再問多次個poilce

佢就指左身後既方向

 

小嘉同上進再問問中國夫婦識唔識返酒店

佢地都唔太清楚個方向

於是…我地就決定四個人一齊走

 

向地向住憲法廣場方向走

Thx god!!!!!因為第一衝突現場係由憲法廣場開始

跟住就向住我地餐廳方向出發

所以…我地相對係同D示烕者反方向行

 

沿路半行半跑…見到滿地都有燒過既行跡

亦都有零零落落既貌似遊行人士

其實…呢班遊行人仕基本上係唔會搞我地呢D旅客

不過為安全計…望都唔敢望佢地一眼

快步離開就算

 

大約走左5分鐘…我地返到酒店喇!!

感謝主…好緊張

入到酒店…個manager仲一臉不知所以咁

我地同佢講返個情況

佢都話…放心,D示威人士唔會搞hotel

然後manager就教中國夫婦點返佢地既酒店喇

其實小嘉睇得出個妻子係想離開雅典

因為佢問我地聽日搭既機去邊幾點

不過…佢老公好似唔想走咁=.=”

 

超累極既一天…

小嘉沖完涼都堅持要著住隨時可以走佬既衫

因為真係怕夜晚有咩事

可以即刻拎行李走人

 

P.S.

離開雅典後

小嘉係意大利都無留意雅典新聞

唔想再提係個時既感覺

只係從媽咪細妹係香港睇新聞講既好恐怖,好多火

直到去到布拉格

有時間加已經平伏先再睇返

估唔到…原來我地走難個晚發生暴動

有個人C左係憲法廣場

有幾十人受傷

有部份人搞事…仲破壞附近既酒店賓館

小嘉好感恩…真的謝謝天父

因為住既酒店都係憲法廣場附近

但感恩無受波及
感謝主

係雅典最後一道菜...(呢餐係唔使錢=.=)
小嘉當時真係無心情影相...因為怕影相會防礙走佬
當時心裡面有個想法
好佩服D戰地記者...親身經歷過
當有呢類事情發生...本能就係向住反方向走
但係佢地就要向前衝,仲要將現地情況一一拍低
好勇敢!