朋友仔,係咪發現小嘉呢兩三日無論FB定係Blog都回覆慢左呢!!!
因為…小嘉又要發揮小宇宙,開始著手籌備十月中既中西歐之旅喇!!!所以有時間就不停上網搵資料…呢家只係好初步,搵緊D airlines~
噚日買左本西歐遊既書,小嘉好耐之前話點都要去一轉Greece,所以今次行程必到,然後跟個地圖探索,會去埋意大利…
而最爭持不下既國家有法國,奧地利同捷克,因為小嘉前後最多得十八日假,要留返一日係香港回氣,所以留係歐洲時間唔多,所以真係要計吓數.
本來諗住會先去法國,再去意大利然後再落希臘,但係再同上進傾,原來法國意大利佢都去過,咁有差不多一半行程佢都去過.
跟住見奧大利都近,就不如去維也納啦!佢都好OK,因為未去過…再望望地圖,德國都近喎!
而上進都幾有興趣上去,點知打開本旅遊雞精書,佢最想去睇既童話之路,原來有成唔知幾多百km長,係有一長串城鎮組成,有D仲交通唔太方便…德國其他地方又未覺有咩好吸引…放棄.
再諗諗吓…呢家個行程應該會係咁
香港去雅典,然後北上意大利,再北D去奧地利,取後去捷克既布拉格喇!
繼續努力搵資料先!!!雖然我們家還未正式完工,但house warming都陸續進行喇!!!
星期日就到Scholars,十二樓既樓兄弟嚟Re-U…見親佢地都係笑足成日,尤其是有麒哥係度,笑聲真係不絕呀!!!!
首先係下午,阿fei就送了一大盆超爆無敵勁靚既生果盆嚟!!真係估唔到生果可以整到咁靚^^
接住其他人都係黃昏至夜晚嚟!!不過佢地又發揮激C人能力,明明係BBQ,但係佢地班哥哥仔,一時又話係咪用低溫炭,一時又話燒極唔熟(其實係掛住傾,邊有理由兩條腸仔,我都燒左四轉野都仲係生都爆哎!!!),於是….竟然拎左D丸走去開左個電磁爐嚟烚…激到上進紥紥跳!!!
亦因為咁樣,所以…食淨超多扒(雖然佢地後尾有係咁易燒左D野….),於是噚日又再BBQ…小嘉呢家勁爆瘡呀!!!!!
阿fei送的生果藍...超爆靚呀!!!個花盆...最後又係俾上進拎左用嚟插佢造既花球=.="
菠蘿做既花花...超好味!!!
小嘉努力包既食物...燒剩一大堆~
bili....襯D朋友仔未嚟,放佢地出嚟巡視吓咁啦!!!
BBQ完,食返一大盆凍冰冰既生菓....真好呀!!!!
滿滿一大盆....又甜又冰凍^^
俾返個balloon去影相先!!!!
D堤子一串串咁...超kawaii呢!!!
D生菓係插到密實實咁....所以最後都食淨十串八串!!!
能跟朋友仔相聚...真係勁開心呀!!!!!!!
遲D到小嘉約返班十一樓小妖先得~
激C小嘉!!!
星期五那天打了一窩薑汁皂,當鹼液落在油裡時,不用五分鐘已經trace左!!啞晒!!
小嘉心諗,唔到D薑汁會令trace得超快…但也不是這個樣子吧???
就是這樣…這窩皂超醜,尤其是用薑蓉做了分層,皂液太杰,攪到均勻時已充滿空氣…當小嘉脫模時,個樣簡直慘不忍睹.
到了星期六,yarei同子子都嚟我屋企,於是一齊整一窩草莓乳酪皂,點知!!同樣情況又再出現…小嘉勁唔開心呀!!!!!
究竟係發生咩樹!!!!!
第一個可能性,係我新用既橄欖油…但係呢個牌子,我見台灣好多人用,而且價錢都唔係特別平,應該OK架!
第二個可能性,係我用既未精製椰子油,佢有陣怪怪味,但之前用左佢少少嚟做甜杏橄欖皂(因為係香草買個瓶剛好唔夠,所以溝左少少呢隻油),個之用左我超多時間trace,但知道係因為用左純一既橄欖油先難trace;
第三個可能性,係溫度/天氣…但個日係室內都唔太熱哎…而油同鹼液溫到都係維持係35 -40C架!!
於是小嘉上網係咁搵資料…最後結論係…極有可能係D未精製椰子油出樹!!!!!!
唉~小嘉仲諗住未精製既營養好D,但係話可能裡面其他物質雜質較多,所以令到極速皂化…雖然兩窩皂都有D醜醜…但係應該都用得…但可能要快D用完佢,可能會較快酸敗>~<
小嘉決定…下次都係買返D精製椰子油喇!!!!!五月尾豬mei可能去台灣,就叫佢幫我托香草D材料返香港啦!
買左舊薑....
之前買左kenwood既攪拌機...果然very good!唔使幾分鐘就整好薑汁喇!!!
等第日試吓整薑汁撞奶先!!!
左手邊起,有蔗糖水,薑蓉同薑粉開既水....
打好既薑汁,用煲湯既袋入住,大力係咁搾....淨低既薑蓉用嚟做分層!
薑汁溶NaOH...又幾香...有D似橙味!!!
次次D NaOH都貼到成條玻璃棒都係=.="
攪喇....一落鹼液...就見到...開始trace ... 超啞...
淨低既老薑...今次洗乾淨再晾乾水先浸....比較吓前個瓶有咩唔同先!
小嘉個心一起,就會不停去發屈…就好似手工皂,我呢家真係差不多由朝到晚係到左諗右諗…哈哈哈!!
因為整好左既皂皂,想送俾朋友時睇落靚D(呢個因為先天不足,要後天補救),但又因為資源有限(銀根短缺),所以不停係網上面搵唔同既包裝材料…
好想整D靚靚既紙盒,但係如果要做到o岩size,就要訂造,就算好平…但一訂要訂好多好多個,所以都係放棄,終於…俾我發現整呢D絲帶喇!!!
其實多數訂呢D絲帶都結婚用嚟包回禮禮物,不過我覺得真係幾靚,同個網上店既負責人傾,佢都話無分係咪結婚用,而且仲可以俾我自己揀字型,打幾多隻字都得(其實我估有限制,不過我唔exceed左咁啦!!!)
等左十幾日,噚日終於收貨喇!!!好好好好靚呀!!quality真係好好,絲帶夠厚,而印上去既字真係有凸出嚟既效果…100%滿意呀!!!
訂了兩隻色既絲帶...淺色同深色少少咁...易D配襯!
呢個字型係我揀架...好得意!!!
努力咁影,嘗試影出佢個立體咁....大約看到一點點啦!!
呢個係深色....好似朱古力好好味咁...
哇哈哈!!!我發覺...我間唔中都好有拍攝既天分...哈哈哈!!
用左瓦通紙同淺色絲帶包裝...
唔錯唔錯...
不過呢種絲帶有個缺點...其實都係佢優點嚟...就係佢好厚身,即係唔係軟淋淋,薄薄咁,而係好實淨,所以....好難先扎到靚...一條絲帶,俾我又拆又綁左好多次,攪到印既字都有少少甩=.="
不過總結一句...好靚呀!!!!!
由於得一blog友提醒,要時刻留意老薑浸泡油狀況…於是...小嘉噚日食完晚飯返到屋企,搞掂兩隻衰仔,就拿拿淋入房望吓瓶油.
望落去覺得好似又濁左D…打開一聞…唔…無咩薑味,但係有陣味…但又唔知係咪發霉味…
於是叫嚟上進,佢好有系統咁…先聞吓最原先既橄欖油味,然後再聞吓浸泡油味…感恩,佢話都係差唔多未道,應該無發霉.
不過…發現一件唔開心事…我大手筆用左百幾蚊買左四個既玻璃瓶,感覺個蓋好似好唔實咁…尤其是老薑呢瓶,直情有一邊係無整實…可惡!!!
等我下次買第二隻款再比較吓先 (.\/.)
好似好混濁的油...
點解會咁既呢...
同場加映...胡蘿蔔油似越嚟越多橙色東東流出嚟喇!
Yeah!!!之前搵到既靚靚英式格仔布,珍妮終於幫我造好窗簾喇!!
掛上窗後...簡直無得彈,好靚…成間房既感覺唔同晒!!!!雖然無之前個塊深藍色布咁型,不過就感覺溫暖好多,總之就好鍾意啦!!!
由於噚日落雨,而小嘉又咩燈都無開,部相機都完全求奇咁影...所以好陰沉既感覺呀!!!
同幅牆都好襯呀!!!
由呢塊布再望返出窗外,感覺好正呀!!!!
同場加映,小嘉既皂筍....因為切到細細塊,所以有好多...遲D就待人領養喇!!!
又嚟整浸泡油…
原來…真係會上癮架!!!!
首先…已經浸緊既油報告一下進展…
1. 金盞花浸泡油,因為之前宇媽俾既玻璃樽擰唔實,搞到搖既時候會漏油…所以要換樽,開始浸既日期係…二月三日大年初一!!!!
2. 紫草浸泡油,都一樣係年初一浸,有深深既紫色喇!!!不過因為個時係試吓浸,份量唔多,D再買個大樽,再浸大樽D先~
3. 洋甘菊浸泡油….唔記得幾時浸…不過都差不多一個月…等多一排就可以用喇!!!
4. 胡蘿蔔浸泡油, 4月9日浸,佢仲係不停有好多氣泡冒出嚟...同埋見到有D軟淋淋既橙色物質係D甘筍到滲出嚟…唔知呢D係正常定唔正常…而家小嘉當住係OK啦!當個D橙橙地既東東係好野嚟!
5. 老薑浸泡油… 4月14日浸…呢個有D驚呀!!因為我削完皮用水沖過就浸…雖然有抺乾D水,但係…原來好有可能會發霉架!!C火…噚晚去探佢地時,佢地有D泡泡冒起,不過成樽油變得糢左…唔知係佢D養份出左嚟,定係發霉變糢…今晚返去打開嚟聞聞,睇吓有無臭味先!
6. 玫瑰浸泡油, 4月17日浸,諗住去普通藥材舖買,二十零蚊一大包,點知…無貨…於是去左同仁堂買…買左 二兩 要成$50大元呀!!!返屋企磅吓有84g,本來諗住用300g橄欖油浸,但浸落發現好似花多過油…於是係咁倒係咁倒…最後用左差不多900g既油先覺得自我感覺良好.
浸左成兩個幾月...終於的起心肝去換返個靚靚樽...
唉...買呢D玻璃樽都買到我破產喇!!!
好辛苦...原來金盞花D花瓣吸晒油...要係咁用力壓先壓返d出嚟...
但係最恐怖係...原來第一位超鍾意我D金盞花油既客人係....bili...佢係;"lam"個舊蓋上面既油,嚇C我,即刻抱走佢...
成功換樽,再重新放一D新花瓣入去先!!!不過呢個機都用左我三十幾蚊....我就嚟破產喇!!!
係同仁堂買既玫瑰...心裡唯有諗...起貴少少,不過靚D嘛=.="
yeah!!浸好喇....bala係後面做咩....
bili又走嚟左索右索...大帝,我保你大,你唔好再lam油,我真係驚你中毒呀!!!
浸泡油家庭大集合....不過右手邊兩樽油好"un"眼....睇嚟,遲早俾我換埋個樽>~<
嚟緊,最去發掘吓有咩可以浸先…不過….我好窮喇!!要儲多D錢先可以繼續入貨~
兩隻衰仔….
首先要講吓個地理環境….
Bili bala瞓既房(其實名義上係俾宇爸宇媽的…當然,他們沒有住進來啦!!!),這間房的窗是向西的,而毗鄰這間房窗也是向西的,就是我們家的open kitchen喇!!
話說上星期,小嘉打開了房間的窗一點點,好樣空氣流通,然後關好房門出了街(上進在家的)…但,當我回家時…竟發現bala好像一樽老佛爺坐在客廳地上!!!!
心知不妙,立即沖入房,叫極望極都唔見bili…而枱頭一看…眼都突埋…點解個窗開大晒架!!(係大到人都可以損得入….
而與此同時,bili施施然由屋外跳返入屋,當佢見到我既時候…大家都有點愕然.
最後結論係…房間的窗給P弟的女兒拉開(可惡!!!),而bala就由房的窗跳出外面,再由open kitchen的廳跳返入屋…O晒嘴.
從此以後,佢兩集衰仔就成日想出街喇!!!
而噚日,因為打開左open kitchen的窗等空氣流通D,兩隻衰仔就不停扮晒野,係個窗前徘徊….終於,bili係第一隻跳左出街,於是我一發現,就閂埋窗,佢以為可以係返間房入嚟,於是走返去間房既位置….點知,佢到發現窗無開到就係窗外面望住找慘叫…我鬧左佢幾句先俾佢入返嚟!
接住到過多一陣…佢兩隻衰野竟然一隻向左走一隻向右走…我即刻抱返bili入屋…隻衰bala就走左出去,今次我出埋花園睇佢點…佢見我係出面就知衰…即刻左衝右撞,撞嚟撞去D窗都閂晒…等我抱返起佢,帶佢行返正門,佢就知驚喇!佢見到上進既狗乸仔,就更加驚…我睇佢下次仲夠唔夠膽出街…(實會再出啦!!!!)
睇嚟….遲D整好個花園,都要買返條貓帶,俾佢地某一個程度可以出吓花園晒太陽…
首先...扮晒野咁係窗前左望左望....
bala望得超專心....好想出去咁...
bala:逃走路線點設計好呢...
bala:走個邊都唔錯喎....
因為之前行均都唔見有街舖/超級市場有想買既橄欖油,於是係網上店訂了幾支.
因為方便收貨,所以油都送到公司去,小嘉就好似螞蟻咁,逐日拎 一兩 支….而噚晚終於有時間去浸埋D老薑喇!!!(仲有兩支油係公司未運走…)
其實星期六都有洗過吓D薑,但係…一路削皮都仲發現有好多泥攝埋係D隙位度…
就係想買佢...因為剛好這牌子的米糠油也做大特價,所以先買一支囉!
切好洗過的薑(希望無做錯啦!!),放左入個玻璃瓶...睇落去都唔似薑既...
落油喇!!!!其實...見人地話D比例應該1:3....但...小嘉發現有薑剩,咁唔好浪費,掉埋落去..
所以最後比例係大約2:5....希望唔好出事啦XP
一片狼藉的枱面....
青BB的老薑浸泡油...
拎老薑浸泡油入房放好時,順道探吓樽胡蘿蔔浸泡油...見到有好多泡泡...同埋一D類似泡泡,但又好似杰杰地既白色物體,有D浮,有D沉...C火!!係咪出事呢??
打開一聞,又無野喎....仲有幾香既甘筍味.....唔....見網上教要有太陽晒吓...於是放左露台邊,
希望成功可以用啦!!
